ການແຂ່ງຂັນ Carlsberg Golf Classic 2018 ຈະມີຂຶ້ນໃນວັນທີ 7 ເມສານີ້
ເພື່ອເປັນການສົ່ງເສີມ ແລະ ສ້າງບັນຍາກາດໃໝ່ໃຫ້ວົງການກິລາກ໊ອຟຂອງລາວເຮົາ ພ້ອມທັງເປັນການພັດທະນາທັກສະຂອງນັກກ໊ອຟລາວໃຫ້ສາມາດກ້າວເຂົ້າສູ່ການແຂ່ງຂັນມາດຕະຖານສາກົນ. ດັ່ງນັ້ນ Carlsberg Golf Classic ເຊິ່ງເປັນລາຍການແຂ່ງຂັນກິລາກ໊ອຟທີ່ຍິ່ງໃຫຍ່ ແລະ ປະສົບຜົນສຳເລັດໃນປະເທດມາເລເຊຍ ກໍຄືກຸ່ມຂອງຄລາສເບິກ ເຊິ່ງໃນປີ 1988 ການແຂ່ງຂັນລາຍການນີ້ໄດ້ໃສ່ຊື່ວ່າ Carlsberg Trophy ແລະ ໃນປີ 1994 ໄດ້ປ່ຽນຊື່ມາເປັນ Carlsberg Golf Classic. ດ້ວຍປະສົບການທີ່ຍາວນານຂອງຄລາສເບິກ ແລະ ຕ້ອງການມອບປະສົບການທີ່ດີທີ່ສຸດໃຫ້ແກ່ລູກຄ້າ, ຄລາສເບິກ ຈຶ່ງນຳສະເໜີຄວາມຕື່ນເຕັ້ນ ແລະ ມ່ວນຊື່ນໃນເກມການແຂ່ງຂັນ Carlsberg Golf Classic 2018 ໃນລາວ ແລະ ມີເປົ້າໝາຍຈັດແຂ່ງຂັນກ໊ອຟລາຍການໃຫ້ມີຄວາມຕໍ່ເນື່ອງພາຍໃນປີ ແລະ ແຂ່ງຂັນໃຫ້ໄດ້ 3 ລາຍການໃນສະໜາມທີ່ແຕກຕ່າງກັນໃນນະຄອນຫລວງວຽງຈັນ ເຊິ່ງເລີ່ມເປີດປະເດີມການແຂ່ງຂັນຄັ້ງທຳອິດທີ່ສະໜາມກ໊ອຟລ່ອງວຽນ ໃນວັນທີ 7 ເມສານີ້, ກຳນົດ 18 ຂຸມ, 1 ກວ້ານມີຈຳນວນນັກກ໊ອຟ 4 ທ່ານ ໃຊ້ລະບົບການນັບຄະແນນ 2 ປະເພດ ຄືແບບ Cross & Net. ຄ່າສະໝັກສຳລັບສະມາຊິກສະໜາມກ໊ອຟລ່ອງວຽນແມ່ນ 540.000 ກີບ/ທ່ານ. ສໍາລັບຜູ້ທີ່ບໍ່ໄດ້ເປັນສະມາຊິກສະໜາມກ໊ອຟລ່ອງວຽນແມ່ນ 800.000 ກີບ/ທ່ານ ແລະ ເປີດກວ້າງໃຫ້ບຸກຄົນທົ່ວໄປທີ່ມີຄວາມສົນໃຈ ທັງມືອາຊີບ ແລະ ສະໝັກຫລິ້ນເຂົ້າຮ່ວມການແຂ່ງຂັນ.
ຜູ້ທີ່ໄດ້ຄະແນນຊະນະເລີດຂອງແຕ່ລະປະເພດຈະໄດ້ຮັບຂັນລາງວັນ ແລະ ຂອງຂວັນຈາກຄລາສເບິກ. ພ້ອມນັ້ນ ຍັງມີລາງວັນອັນດັບ 2, 3, 4 ແລະ ຍັງມີລາງວັນພິເສດຄື: ລາງວັນຕີໃກ້ 2 ລາງວັນ, ລາງວັນຕີໄກ 1 ລາງວັນ ແລະ ລາງວັນ HOLE IN ONE 2 ລາງວັນ ລວມມູນຄ່າຂອງລາງວັນທັງໝົດຫລາຍກວ່າສາມຮ້ອຍລ້ານກີບ.
