ແຂວງໄຊຍະບູລີຈັດປະຊຸມລະຫວ່າງພາກລັດ ແລະ ພາກທຸລະກິດການທ່ອງທ່ຽວເພື່ອສົ່ງເສີມວຽກງານດັ່ງກ່າວ

ກອງປະຊຸມພົບປະລະ ຫວ່າງພາກລັດ ແລະ ພາກທຸ ລະກິດການທ່ອງທ່ຽວ ເພື່ອ ສົ່ງເສີມວຽກງານການທ່ອງ ທ່ຽວແຂວງໄຊຍະບູລີໄດ້ຈັດ ຂຶ້ນ ໃນວັນທີ 3 ເມສານີ້, ໂດຍ ມີ ທ່ານ ພົງສະຫວັນ ສິດທະວົງ ເຈົ້າແຂວງ ດັ່ງກ່າວພ້ອມ ດ້ວຍ ເຈົ້າເມືອງ, ຫົວໜ້າພະແນກ ການຕ່າງໆ ແລະ ພາກສ່ວນ ນັກທຸລະກິດທີ່ກ່ຽວຂ້ອງເຂົ້າ ຮ່ວມ. ເປັນຈຳນວນຫລາຍ ເພື່ອປຶກສາຫາລືປະກອບຄຳ ຄິດຄຳເຫັນໃສ່ວຽກງານການທ່ອງທ່ຽວໃຫ້ມີຄວາມຈະ ແຈ້ງ, ຮອບດ້ານ ແລະ ແກ້ໄຂ ໃຫ້ຖືກຈຸດ, ກຽມພ້ອມໃຫ້ບໍລິ ການນັກທ່ອງທ່ຽວມີຄວາມ ປະທັບໃຈ.
ທ່ານ ຈັນທີ ສີມະນີຈັນ ຫົວໜ້າພະແນກຖະແຫລງ ຂ່າວ, ວັດທະນະທຳ ແລະ ທ່ອງທ່ຽວແຂວງໃຫ້ຮູ້ວ່າ: ປີ 2017 ມີນັກທ່ອງທ່ຽວເຂົ້າ ແລະ ຜ່ານແຂວງ ໄຊຍະບູລີ ທັງໝົດ 1 ແສນກວ່າຄົນ, ສາ ມາດສ້າງລາຍຮັບ ໄດ້ 6 ລ້ານ ກວ່າໂດລາທຽບໃສ່ ປີ ຜ່ານມາ ເພີ່ມຂຶ້ນ 11,5%, ປັດຈຸບັນທົ່ວ ແຂວງມີແຫລ່ງທ່ອງທ່ຽວທີ່ ໄດ້ຮັບການສຳຫລວດ ເບື້ອງ ຕົ້ນ ແລະ ຂຶ້ນບັນຊີແລ້ວຈຳ ນວນ 47 ແຫ່ງ, ໃນຈຳນວນ ແຫລ່ງທ່ອງທ່ຽວທົ່ວ ແຂວງ 200 ກວ່າແຫ່ງ, ໃນນັ້ນມີ ແຫ່ງທ່ອງທ່ຽວທຳມະຊາດ 29 ແຫ່ງ, ວັດທະນະທຳ 12 ແຫ່ງ ແລະ ປະຫວັດສາດ 6 ແຫ່ງ, ວຽກງານການຄຸ້ມຄອງ ການທ່ອງທ່ຽວແມ່ນໄດ້ເລັ່ງ ໃສ່ຕິດຕາມກວດກາ ແລະ ຄຸ້ມ ຄອງບັນດາຫົວໜ່ວຍທຸລະກິດ ທ່ອງທ່ຽວໃຫ້ເຄື່ອນໄຫວຖືກ ຕ້ອງຕາມລະບຽບກົດໝາຍທີ່ ໄດ້ກຳນົດໄວ້.

+ ລັດຖະບານໄດ້ອອກແຈ້ງການກ່ຽວກັບການສະຫລອງໃຫ້ຕິດພັນກັບການສົ່ງເສີມການທ່ອງທ່ຽວ

+ ເມືອງສະໝ້ວຍເປີດປີທ່ອງທ່ຽວຕິດພັນກັບປະເພນີວັດທະນະທຳຊົນເຜົ່າ

ປັດຈຸບັນທົ່ວແຂວງໄຊຍະບູລີມີໂຮງແຮມ 8 ແຫ່ງ, ເຮືອນ ພັກ 157 ແຫ່ງ, ລີສອດ 6 ແຫ່ງ, ຮ້ານອາຫານ 58 ແຫ່ງ, ຮ້ານບັນເທິງ 18 ແຫ່ງ ແລະ ບໍ ລິສັດທ່ອງທ່ຽວ 9 ບໍລິສັດ, ໄດ້ສຳຫລວດຈັດສັນ ແລະ ກຳ ນົດເຂດທ່ອງທ່ຽວ ຈຳນວນ 2 ແຫ່ງ, ເຊັ່ນ: ອ່າງນ້ຳຕຽນ ແລະ ຖ້ຳນ້ຳຖັ່ງ, ຍົກລະດັບ ແລະ ສົ່ງ ເສີ່ມການຈັດງານບຸນປະເພນີ ເພື່ອເຮັດໃຫ້ວຽກງານທ່ອງ ທ່ຽວໄດ້ຮັບການພັດທະ ນາ, ງົດງາມ ແລະ ເປັນທີ່ ໜ້າຈັບໃຈໃຫ້ແຂກທີ່ເຂົ້າມາ ທ່ຽວຊົມ./.