ໂຄງການກໍ່ສ້າງເສັ້ນທາງປູຢາງປາກລາຍ-ທົ່ງມີໄຊຄືບໜ້າ 86,94%
ທ້າຍອາທິດຜ່ານມາ, ທ່ານ ພົງສະຫວັນ ສິດທະວົງ ເຈົ້າ ແຂວງ ໄຊຍະບູລີ ພ້ອມດ້ວຍຄະ ນະໄດ້ລົງຢ້ຽມຢາມ ແລະ ສຳ ຫລວດຄວາມຄືບໜ້າຂອງ ໂຄງການກໍ່ສ້າງທາງປູຢາງ 2 ຊັ້ງແຕ່ ເມືອງປາກ ລາຍ-ເມືອງ ທົ່ງມີໄຊ, ອອກສູ່ຊາຍແດນ ລາວ-ໄທ ມາຮອດປັດຈຸບັນ ສຳເລັດແລ້ວ 86,94%. ພາຍ ຫລັງດຳເນີນມາແຕ່ປີ 2012 ສາເຫດທີ່ເຮັດໃຫ້ການກໍ່ສ້າງ ເສັ້ນທາງບໍ່ສຳເລັດຕາມສັນ ຍາເນື່ອງມາຈາກສະພາບ ແວດລ້ອມ, ດິນຟ້າອາກາດບໍ່ ອຳນວຍ, ຈິ່ງໄດ້ໂຈະການກໍ່ ສ້າງເປັນເວລາ 2 ປີ ແລະ ອີກ ບັນຫາໜຶ່ງກໍຍ້ອນມີໜ້າວຽກ ເພີ່ມຂຶ້ນຕື່ມອີກ.
+ ໂຄງການກໍ່ສ້າງຊົນລະປະທານນ້ຳແກບ ເມືອງຊະນະຄາມ ໃກ້ຈະສຳເລັດແລ້ວ
+ ລົງນາມໂຄງການກໍ່ສ້າງເຂື່ອນໄຟຟ້າຂະໜາດນ້ອຍ 3 ແຫ່ງໃສ່ຫ້ວຍເຢີງເມືອງດາກຈຶງ
ໂຄງການກໍ່ສ້າງເສັ້ນ ທາງດັ່ງກ່າວ ແມ່ນບໍລິສັດ ດວງຈະເລີນ ພັດທະນາກໍ່ສ້າງ ຈຳກັດ ເປັນຜູ້ຮັບເໝົາກໍ່ສ້າງ, ໃນມູນຄ່າ 249 ຕື້ກວ່າກີບ, ໜ້າ ວຽກເພີ່ມມີມູນຄ່າ 86 ຕື້ກວ່າ ກີບ, ລວມເປັນ 335 ຕື້ກວ່າ ກີບ, ເສັ້ນທາງດັ່ງກ່າວມີ ຄວາມຍາວເກືອບ 69 ກິໂລ ແມັດ, ໜ້າທາງກວ້າງ 6 ແມັດ, ເຊິ່ງປັດຈຸບັນພວມ ເລັ່ງ ສືບຕໍ່ກໍ່ສ້າງ ແລະ ຄາດວ່າ ຈະໃຫ້ສຳເລັດ 100% ໃນ ກາງປີ 2018ນີ້.
ໂອກາດນີ້, ທ່ານເຈົ້າ ແຂວງ ໄຊຍະບູລີ, ໄດ້ຮຽກ ຮ້ອງໃຫ້ບໍລິສັດ ຜູ້ຮັບເໝົາ ເລັ່ງປະຕິບັດ ໃຫ້ສຳເລັດ ໂດຍໄວ, ເພື່ອອຳນວຍຄວາມ ສະດວກໃນການຄົມມະນາ ຄົມຂົນສົ່ງຂອງທ້ອງຖິ່ນ./.
