ຍົກລະດັບທັກສະການຖ່າຍຮູບຂ່າວໃຫ້ສື່ອີເລັກໂທຣນິກ

ໃນວັນທີ 2-6 ເມສານີ້, ສະຖາບັນສື່ມວນຊົນ, ວັດທະນະທໍາ ແລະ ທ່ອງທ່ຽວ ໄດ້ຈັດຊຸດຝຶກອົບຮົມໃນຫົວຂໍ້ “ທັກສະການຖ່າຍຮູບຂ່າວໃຫ້ສື່ີອີເລັກໂທຣນິກ” ຂຶ້ນເພື່ອແນໃສ່ຍົກລະດັບຄວາມຮູ້, ຄວາມສາມາດຖ່າຍຮູບໃນສື່ອີ ເລັກໂທຣນິກໃຫ້ແກ່ນັກຂ່າວທັງສູນກາງ ແລະ ທ້ອງຖິ່ນ, ໂດຍ ການເປັນປະທານ ຂອງທ່ານ ວິໄລທອງ ສີຊານົນ ຫົວໜ້າສະຖາບັນດັ່ງກ່າວ ແລະ ທ່ານ ຫງວຽນ ຖາຍ ທຽນ ຮອງຫົວໜ້າກົມສື່ມວນຊົນກະຊວງຖະແຫລງຂ່າວ ແລະ ສື່ສານ ສສ ຫວຽດນາມ. ເພື່ອເຮັດໃຫ້ນັກ ຂ່າວຮູ້ຈັກນໍາໃຊ້ອີເລັກໂທຣນິກ ທີ່ມີໃນມືກໍຄື ໂທລະສັບມືຖືມາ ຖ່າຍຮູບ ແລະ ຜະລິດຂ່າວເຂົ້າໃນວຽກງານຂອງຕົນໃນຍຸກດີຈິຕອນ, ເພີ່ມທັກສະຄວາມຮູ້ຄວາມສາມາດໃຫ້ສູງຂຶ້ນແນໃສ່ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານທີ່ພັກ-ລັດໄດ້ມອບໝາຍໃຫ້ສຳເລັດຜົນ ແລະ ກໍເພື່ອເຮັດໃຫ້ນັກຂ່າວສາມາດຮູ້ໄດ້ເນື້ອໃນຮູບພາບທີ່ຖ່າຍເປັນຂ່າວຖືກຕ້ອງຕາມຄວາມເປັນຈິງ ແລະ ຮູ້ວິເຄາະວິໄຈໄຈ້ແຍກຮູບພາບທີ່ເປັນຂ່າວໃນການນໍາໃຊ້ສື່ອີເລັກໂທຣນິກໃນຍຸກດີຈິຕອນ, ເຊິ່ງເປັນຍຸກຂ່າວສານວ່ອງໄວ ແລະ ທັນສະໄໝເພື່ອໃຫ້ສອດຄ່ອງຕາມທິດທາງນະໂຍບາຍຂອງພັກ-ລັດ ໃນໄລຍະໃໝ່.