ລາວສະຫລອງວັນໂອທິສຕິກໂລກ
ວັນທີ 2 ເມສາ ເປັນວັນ ທີ່ມີຄວາມໝາຍຄວາມສໍາ ຄັນ, ທີ່ອົງການສະຫະປະຊາ ຊາດໄດ້ປະກາດໃຫ້ເປັນວັນ ໂອ ທິສຕິກຢູ່ທົ່ວໂລກ. ດັ່ງນັ້ນໃນ ວັນທີ 2 ເມສານີ້, ສະມາຄົມ ເພື່ອຄົນໂອທິສຕິກລາວກໍໄດ້ ຈັດພິທີສະເຫຼີມສະຫຼອງວັນ ດັ່ງກ່າວ, ຂຶ້ນທີ່ນະຄອນຫຼວງ ວຽງຈັນ ໂດຍການຈັດຄະນະ ທົວສາມັກຄີຄອບຄົວໂອທິສະ ຕິກທ່ຽວຊົມສະຖານທີ່ປະ ຫວັດສາດຕ່າງໆໃນນະຄອນຫຼວງວຽງຈັນ ແລະ ກໍເປັນ ການສົ່ງເສີມປີທ່ອງທ່ຽວ ລາວອີກດ້ວຍ.
+ ແຂວງສາລະວັນສະເຫລີມສະຫລອງປີທ່ອງທ່ຽວລາວ
+ ງານສະເຫລີມສະຫລອງວັນໄມ້ໂລກ 2018 ເປີດຢ່າງເປັນທາງການແລ້ວ
ໃນໂອກາດດັ່ງກ່າວ, ນ້ອງ ນັກຮຽນໂອທິສຕິກ ຈໍານວນ 39 ຄົນ, ພ້ອມສະມາຊິກຄອບ ຄົວ ແລະ ຄູຜູ້ດູແລລວມທັງ ໝົດຫຼາຍກວ່າ 100 ຄົນ ໄດ້ມີ ໂອກາດພົບປະ ແລະ ທ່ຽວຊົມ ສະຖານທີ່ປະຫວັດສາດຕ່າງໆ ເຊັ່ນ: ຫໍພິພິທະພັນກອງທັບປະ ຊາຊົນລາວ, ຫໍພະແກ້ວ, ວັດ ສີສະເກດ, ປະຕູໄຊ ແລະ ພະ ທາດຫຼວງວຽງຈັນ.
ໃນໂອກາດນີ້ ທ່ານປະ ທານສະມາຄົມເພື່ອຄົນໂອ ທິສຕິກ ໄດ້ກ່າວສະແດງຄວາມ ຂອບໃຈ ແລະ ຮູ້ບຸນຄຸນມາ ຍັງການນໍາພັກ-ລັດຖບານ ລາວທຸກຂັ້ນ, ສະຫະພາບເອີ ລົບ, ອົງການມະນຸດສະທໍາທີ່ ມີສ່ວນຮ່ວມສະໜັບສະໜູນ ກິດຈະກໍາໃນຄັ້ງນີ້ ແລະ ຂໍ ຂອບໃຈຕໍ່ທຸກອົງການຈັດຕັ້ງ, ຫົວໜ່ວຍທຸລະກິດ, ໝູ່ຄູ່ທັງ ພາຍໃນ ແລະ ຕ່າງປະເທດທີ່ ໄດ້ໃຫ້ຄວາມໄວ້ວາງໃຈ ແລະ ສະໜັບສະໜູນກິດຈະກໍາ ຂອງສະມາຄົມຕະຫຼອດມາ, ຊ່ວຍໃຫ້ສະມາຄົມ ດັ່ງກ່າວ ສາມາດເຕີບໃຫຍ່ມາເຖິງ ທຸກວັນນີ້, ທຸກແຮງໃຈ ແລະ ການຊ່ວຍເຫຼືອຈະຖືກຈາລຶກ ໄວ້ໃນປະຫວັດສາດຂອງ ການພັດທະນາວຽກງານໂອ ທິສຕິກລາວ ແລະ ຫວັງຢ່າງ ຍິ່ງວ່າ ທ່ານຈະສືບຕໍ່ໃຫ້ການ ຊ່ວຍເຫຼືອໃຫ້ລູກຫຼານໂອທິສ ຕິກທຸກຄົນໄດ້ຮັບການສຶກສາ ຢ່າງຕໍ່ເນື່ອງ ເພື່ອໃຫ້ເຂົາເຈົ້າ ເຕີບໃຫຍ່ຂຶ້ນ ແລະ ສາມາດປະ ກອບສ່ວນສ້າງສາພັດທະນາ ປະເທດຊາດລາວນໍາດ້ວຍ.
