ແຂວງສາລະວັນສະເຫລີມສະຫລອງປີທ່ອງທ່ຽວລາວ

ໃນຕອນແລງຂອງວັນທີ 02 ເມສານີ້, ທີ່ແຂວງສາລະວັນ ໄດ້ຈັດພິທີສະເຫຼີມສະຫຼອງປີ ທ່ອງທ່ຽວລາວ ຂຶ້ນດ້ວຍບັນຍາ ກາດຟົດຟື້ນ ໂດຍການ ເຂົ້າຮ່ວມ ແລະ ລັ່ນຄ້ອງ 9 ບາດຂອງ ທ່ານ ສອນໄຊ ສີພັນດອນ, ຮອງ ນາຍົກລັດຖະມົນຕີ ທັງເປັນ ປະທານຊີ້ນໍາຈັດງານປີທ່ອງ ທ່ຽວລາວ ລະດັບຊາດ ແລະ ມີ ມ່ວນຊົນຊາວແຂວງສາລະວັນ ເຂົ້າຮ່ວມຢ່າງຫລວງຫລາຍ.
ໃນພິທີ, ທ່ານ ພູທົງ ຄຳມະ ນີວົງ ຮອງເຈົ້າແຂວງໆ ສາລະ ວັນ ໄດ້ລາຍງານໃຫ້ຮູ້ວ່າ: ການ ເປີດປີທ່ອງທ່ຽວລາວ 2018 ຢູ່ແຂວງສາລະວັນ ເປັນເຫດ ການທີ່ມີຄວາມໝາຍ ສຳຄັນ ຍິ່ງ ເຊິ່ງໄດ້ຕິດພັນກັບການເປີດ ຕະຫຼາດນັດ ແລະ ງານສະເຫຼີມ ສະຫຼອງ ຜົນສຳເລັດການປະຕິ ສັງຂອນ ແລະ ງານສົມໂພດ ຫໍ ໄຕປີດົກຂອງວັດສີມຸງຄຸນ ຫຼື ເອີ້ນ ວ່າ “ຫໍໄຕກາງນ້ຳວັດກາງ” ທີ່ ຊາວແຂວງສາລະວັນ ໄດ້ພ້ອມ ພຽງສາມະຄີກັນສ້າງຫໍໄຕປີ ດົກຂຶ້ນ ໃນປີ 1784 ອັນເປັນ ປາງບຸນໃຫຍ່ພິເສດຂອງແຂວງ ເຊິ່ງໃນຊຸມປີຜ່ານມາ ແຂວງສາ ລະວັນ ໄດ້ຖືເອົາການທ່ອງທ່ຽວ ເປັນຂະແໜງບຸລິມະສິດໜຶ່ງ ເພື່ອຊຸກຍູ້ການພັດທະນາເສດ ຖະກິດ-ສັງຄົມ, ສ້າງວຽກເຮັດ ງານທໍາໃຫ້ແກ່ປະຊາຊົນ ໃນຂົງ ເຂດບໍລິການ ແລະ ການຜະລິດ ເປັນຕົ້ນການຜະລິດກະສິກຳ ແລະ ຫັດຖະກຳ ໂດຍຖືເປັນການ ກະຈາຍລາຍໄດ້ໄປສູ່ທ້ອງຖິ່ນ ກໍ່ຄືເຂດຊົນນະບົດຫ່າງໄກສອກຫຼີກ. ພ້ອມກັນນັ້ນ, ແຂວງ ສາລະ ວັນ ຍັງໄດ້ຖືເອົາການພັດທະນາ ແລະ ສົ່ງເສີມການທ່ອງທ່ຽວ ເປັນການເປີດກວ້າງການພົວ ພັນຮ່ວມມືກັບພາຍນອກໄປ ຄຽງຄູ່ກັບການເອົາໃຈໃສ່ພັດ ທະນາ ແລະ ການສຳຫຼວດຊອກ ຄົ້ນແຫຼ່ງທ່ອງທ່ຽວ ທີ່ມີເງື່ອນ ໄຂ ແລະ ໄດ້ຂຶ້ນບັນຊີໄວ້ແລ້ວ ຈຳນວນ 96 ແຫ່ງ. ໃນນັ້ນ, ເປັນ ແຫຼ່ງທ່ອງທ່ຽວທາງທຳມະ ຊາດ 53 ແຫ່ງ, ວັດທະນະທຳ 37 ແຫ່ງ, ປະຫວັດສາດ 6 ແຫ່ງ. ພ້ອມນີ້, ກໍໄດ້ຮັບການ ພັດທະນາແຫຼ່ງທ່ອງທ່ຽວແລ້ວຈຳນວນໜຶ່ງ ເປັນຕົ້ນ ນ້ຳຕົກ ຕາດເລາະ-ຕາດຮັງ, ອຸທິຍານ ພູຜາສຸກ, ປາກເສັດ-ແກ້ງກຸ, ຖໍ້າເກົ້າຮູພູຕາກເຂົ້າ, ວັງຄຳ, ດົງໃຫຍ່ຖໍ້າຜືດ, ສີ່ພັນຂຸມ ແລະ ແຫຼ່ງທ່ອງທ່ຽວອື່ນໆ. ສິ່ງທີ່ຈະ ສ້າງຄວາມປະທັບໃຈໃຫ້ແກ່ ນັກທ່ອງທ່ຽວແມ່ນການທ່ອງ ທ່ຽວ ວັດທະນະທຳທີ່ມີຄວາມ ຫຼາກຫຼາຍຂອງ 10 ຊົນເຜົ່າ, ການມ່ວນ ຊື່ນກັບສຽງຂັບລຳ ສາລະວັນ ທີ່ເປັນຕຳນານເລົ່າ ຂານກັນວ່າ “ລຳມະຫາອຳ ນາດ” ເຊິ່ງເປັນມໍລະດົກພູມປັນ ຍາຂອງບັນພະບຸລຸດທີ່ສືບທອດ ກັນມາຫຼາຍເຊັ່ນຄົນຕາມທຳ ນອງທີ່ມີຄວາມອ່ອນຊ້ອຍ ແຕ່ ແອບແຝງດ້ວຍກົດຄຳສັ່ງ ຂອງ ອຳນາດຄື: ການສັ່ງໃຫ້ ຄູ່ ຟ້ອນ ກ້ຽວກັນ, ໃຫ້ເຕັ້ຍລົງ, ລຸກ ຂຶ້ນ, ກ້າວໄປ, ບາຍຫູ, ຂາດຽວ ແລະ ອື່ນໆ. ແຂວງ ສາລະວັນ ໄດ້ຈັດງານປີທ່ອງທ່ຽວມາ ແລ້ວ 2 ຄັ້ງຄື: ໃນປີ 1999-2000 ແລະ ປີ 2011- 2012 ອັນໄດ້ເຮັດໃຫ້ຈຳນວນນັກ ທ່ອງທ່ຽວມີຈຳນວນເພີ່ມຂຶ້ນ ໃນແຕ່ລະປີ ໂດຍສະເພາະ ປີ 2017 ຈຳນວນນັກທ່ອງທ່ຽວ ມາທ່ຽວແຂວງສາລະວັນສູງ ເຖິງ 93 ພັນຄົນ ແລະ ສາມາດ ສ້າງລາຍຮັບໄດ້ປະມານ 14 ລ້ານໂດລາສະຫະລັດທຽບ ໃສ່ໃນປີ 2000 ທີ່ມີພຽງແຕ່ 1.900 ກວ່າຄົນ ແລະ ມີລາຍ ຮັບພຽງ 71 ພັນກວ່າໂດລາ ສະ ຫະລັດ. ສຳລັບປີທ່ອງທ່ຽວ ລາວ 2018 ຄາດຄະເນວ່າ ຈະ ດຶງດູດນັກທ່ອງທ່ຽວເຂົ້າມາ ແຂວງສາລະວັນ ບໍ່ຫຼຸດ 1 ແສນ ຄົນ ແລະ ຈະສ້າງລາຍຮັບໄດ້ ປະມານ 15 ລ້ານໂດລາ.

+ ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ

+ ແຂງຄຳມ່ວນເປີດທ່ອງທ່ຽວດ້ວຍບັນຍາກາດຟົດຟື້ນ

ການຈັດງານໃນຄັ້ງນີ້, ຈະ ດຳເນີນໄປຮອດວັນທີ 8 ເມສາ 2018 ເຊິ່ງປະກອບດ້ວຍການ ຈັດງານວາງສະແດງຕະຫຼາດ ນັດ ຂອງຜູ້ປະກອບການຈາກ ພາຍໃນ ແລະ ຕ່າງປະເທດປະ ມານ 140 ຮ້ານ, ການວາງສະ ແດງໜຶ່ງເມືອງໜຶ່ງຜະລິດຕະ ພັນ(ODOP), ສິນຄ້າກະສິກຳ ແລະ ຫັດຖະກຳຈາກຕົວແບບ ຕ່າງໆ ແລະ ວາງສະແດງຜະ ລິດຕະພັນທ່ອງທ່ຽວ ຈາກພາຍ ໃນແຂວງ ແລະ ຕ່າງແຂວງ ຈຳນວນ 26 ຮ້ານ, ມີການສະ ແດງສິລະປະວັນນະຄະດີ, ການ ປະກວດນາງສາວອາພອນ ສາລະວັນ, ການປະກວດນັກ ຮ້ອງສຽງດີ, ປະກວດໝໍລຳ ສຽງມ່ວນ, ຊົມການສະແດງ ຄອນເສີດ, ກາຍະສິນ, ຕີມວຍ, ການຈັດພົບປະຜູ້ປະກອບການທ່ອງທ່ຽວ, ການຈັບຄູ່ທຸລະກິດ ການທ່ອງທ່ຽວ, ການນຳທ່ຽວ ສະຖານທີ່ທ່ອງທ່ຽວທີ່ໂດດ ເດັ່ນຕ່າງໆ ການແຮ່ພະໄຕປີ ດົກໜັງສືຜູກໃບລານ, ການ ສົມໂພດຫໍໄຕປີດົກ, ຕັກບາດ- ວຽນທຽນ ແລະ ພິທີສຳຄັນ ທາງສາສະໜາອື່ນໆ.
ໃນພິທີເປີດງານ, ທ່ານ ສີສຸວັນ ວົງຈອມສີ ກໍ່ໄດ້ຂໍເຊີນ ຊວນ ປະຊາຊົນລາວບັນດາເຜົ່າ ເຂົ້າຮ່ວມຜະລິດ, ການສະໜອງ ແລະ ການບໍລິການດ້ານຕ່າງໆ ດ້ວຍຮອຍຍິ້ມ ແລະ ສຽງຫົວ ຂອງປະຊາຊົນຊາວແຂວງສາ ລະວັນ, ຮ່ວມໃຈກັນເປັນເຈົ້າພາບ ທີ່ດີປະກອບສ່ວນເຂົ້າໃນວຽກ ງານທ່ອງທ່ຽວ ເຮັດໃຫ້ນັກທ່ອງ ທ່ຽວມາທ່ຽວດ້ວຍຄວາມປະ ທັບໃຈ, ມີຄວາມປອດໄພ ແລະ ເບີກບານມ່ວນຊື່ນຄືກັບຢູ່ບ້ານ ເມືອງຂອງເພີ່ນເອງ./.