ຍົກລະດັບຄວາມສາມາດການດຳເນີນຄະດີຄ້າມະນຸດໃຫ້ຜູ້ພິພາກສາລາວ

ໃນວັນທີ 28 ມີນານີ້, ສານ ປະຊາຊົນນະຄອນຫລວງວຽງ ຈັນໄດ້ຈັດສຳມະນາເພື່ອຍົກ ລະດັບຄວາມສາມາດການດຳ ເນີນຄະດີການຄ້າມະນຸດໃຫ້ຜູ້ພິ ພາກສາ ແລະ ຜູ້ຊ່ວຍຜູ້ພິພາກ ສາສານຂອງຕົນ, ໂດຍການເຂົ້າ ຮ່ວມຂອງ ທ່ານ ຈຳປາ ພັນທະ ຈັກ ຮອງປະທານສານປະຊາ ຊົນນະຄອນຫລວງວຽງຈັນ ແລະ ທ່ານ ໄດ້ມີຄຳເຫັນວ່າ: ການສໍາມະນານີ້, ມີຄວາມໝາຍ ສໍາຄັນຍິ່ງສໍາລັບຜູ້ພິພາກສາ ແລະ ວິຊາການຂອງສານເພື່ອ ຈະໄດ້ແລກ ປ່ຽນຄວາມຄິດເຫັນ ແລະ ບົດຮຽນຕ່າງໆ ກ່ຽວກັບ ຂະບວນການ ແລະ ຂັ້ນຕອນ ຂອງການດຳເນີນຄະດີຄ້າມະ ນຸດ, ສາມາດໄຈ້ແຍກອົງປະ ກອບຂອງການກະທຳຜິດໃນ ສະຖານຄ້າມະນຸດ, ການພິຈາ ລະນາ ແລະ ການວາງໂທດຕໍ່ຜູ້ ກະທໍາຜິດ ໃນຄະດີດັ່ງກ່າວ, ໂດຍ ສະເພາະແມ່ນການປຽບທຽບ ລະຫວ່າງຄະດີຄ້າມະນຸດກັບ ຄະດີອາຍາອື່ນໆທີ່ພົວພັນເຖິງ ວິທີການດຳເນີນຄະດີຄ້າມະນຸດ, ເນື່ອງຈາກວ່າການຄ້າມະນຸດ ເປັນບັນຫາທີ່ພົວພັນກັບຫລາຍ ພາກ ສ່ວນ ແລະ ແຕະຕ້ອງເຖິງ ສາຍພົວພັນໃນສັງຄົມເປັນວົງ ກວ້າງ, ເຊິ່ງອາດຈະສົ່ງຜົນສະ ທ້ອນທາງດ້ານລົບຕໍ່ພາຍໃນ ແລະ ຕ່າງປະເທດ ແລະ ເປັນ ເປົ້າໝາຍໃນການຫາຜົນປະ ໂຫຍດຂອງກຸ່ມຄົນບໍ່ດີດັ່ງກ່າວ.

+ ກົມຕຳຫລວດສະກັດກັ້ນ ແລະ ຕ້ານການຄ້າມະນຸດລົງໂຄສະນາຢູ່ແຂວງຫລວງນ້ຳທາ

+ ເມືອງໝື່ນໂຄສະນາຕ້ານການຄ້າມະນຸດ

ທ່ານ ເຄັນ ມໍຕິມໍ ທີ່ປຶກສາ ວຽກງານສານປະຈຳພາກພຶ້ນ ອາຊຽນກ່ຽວກັບການຄ້າມະນຸດ ໃຫ້ຮູ້ວ່າ: ການຄ້າມະນຸດເປັນອາ ຊະຍາກຳທີ່ມີຄວາມເປັນອັນຕະ ລາຍຮ້າຍແຮງຕໍ່ສັງຄົມ ແລະ ເກີດຂຶ້ນຫລາຍໃນປັດຈຸບັນ. ດັ່ງ ນັ້ນບັນດາປະເທດຕ່າງໆຈົ່ງໄດ້ ຮ່ວມກັນຕ້ານການຄ້າມະນຸດ ຂຶ້ນໃຫ້ເຂັ້ມແຂງຍິ່ງຂຶ້ນກໍດັ່ງໃນ ປີ ໃນປີ 2015 ບັນດາປະເທດ ອາຊຽນໄດ້ຮັບຮອງເອົາສົນທິ ສັນຍາວ່າດ້ວຍການຕ້ານ ແລະ ສະກັດກັ້ນການຄ້າມະນຸດ, ໂດຍ ສະເພາະແມ່ນແມ່ຍິງ ແລະ ເດັກ ນ້ອຍເພື່ອໃຫ້ມີປະສິດທິຜົນ.