ງານນັດພົບແຮງງານຄັ້ງທີ 6 ຈັດຂຶ້ນທີ່ມະຫາວິທະຍາໄລແຫ່ງຊາດ (ມຊ)
ຄະນະເສດຖະສາດ ແລະ ບໍລິຫານທຸລະກິດ (ຄສບ) ມະຫາວິທະຍາໄລແຫ່ງຊາດ (ມຊ) ໄດ້ເປີດງານນັດພົບ ແຮງງານເປັນ ຄັ້ງທີ 6, ຂຶ້ນໃນ ວັນທີ 28 ມີນາ, ທີ່ ມຊ, ໂດຍ ການເຂົ້າຮ່ວມທ່ານ ຮຸ່ງເພັດ ຈັນທະວົງ ຮອງອະທິການບໍດີ ມຊ ແລະ ທ່ານ ເພັດສະໝອນ ພົມມະວົງ ຮັກສາການຄະນະບໍ ດີຄະນະເສດຖະສາດ ແລະ ບໍລິ ຫານທຸລະກິດ, ມີທີ່ປຶກສາພິ ເສດກະຊວງແຜນການ ແລະ ການລົງທຶນ, ພະນັກງານ, ຄູ- ອາຈານ ແລະ ນັກຮຽນ-ນັກ ສຶກສາເຂົ້າຮ່ວມຢ່າງຫຼວງຫຼາຍ.
+ ງານພົບປະສັງສັນອະດີດນັກສຶກສາຫວຽດນາມ ແລະ ຄູອາຈານ ມຊ
+ ລາວຈະເລີ່ມປະຕິບັດກົນໄກຂຶ້ນທະບຽນນັກສຶກສາຕ້ອງການວຽກເຮັດງານທໍາ
ງານດັ່ງກ່າວ, ຈັດຂຶ້ນເພື່ອ ເປີດໂອກາດໃຫ້ນັກສຶກສາ ແລະ ບຸກຄົນພາຍນອກທີ່ກຳລັງຊອກຫາວຽກເຮັດງານທຳສາມາດ ຍື່ນຊີວະປະຫວັດກັບພາກສ່ວນ ທຸລະກິດໂດຍກົງ, ລວມທັງເປັນ ອີກທາງເລືອກໜຶ່ງໃຫ້ບໍລິສັດ ໄດ້ຄັດເລືອກເອົານັກສຶກສາ, ບຸກຄະ ລາກອນຈາກພາກສ່ວນ ຕ່າງໆ ໄປຝຶກງານ ຫຼືຮັບເຂົ້າ ເປັນພະນັກງານໃນອານາຄົດ, ພ້ອມດຽວກັນ ນັ້ນຍັງເປັນ ການ ເປີດໂອກາດໃຫ້ຜູ້ເຂົ້າຮ່ວມ ງານຈາກທຸກພາກ ສ່ວນໄດ້ສຶກ ສາຊອກຮູ້ຂໍ້ມູນຂອງບັນດາບໍ ລິສັດຈຳນວນ 28 ບູດ ເຂົ້າຮ່ວມ ແລະ ງານດັ່ງກ່າວໄດ້ ຈັດຂຶ້ນ ທຸກໆປີ, ໂດຍໄດ້ຮັບການສະ ໜັບສະໜູນຈາກທະນາຄານ ໂລກ ແລະ ອົດສເອດ, ຊຶ່ງໂຄງ ການດັ່ງກ່າວ, ໄດ້ລິເລີ່ມມາແຕ່ ທ້າຍປີ 2010, ເພືື່ອໃຫ້ນັກ ສຶກ ສາທຸກຄົນໄດ້ກຽມພ້ອມກ່ອນ ການສະໝັກວຽກ, ເພາະວ່າບັນ ຫາ ຕະຫຼາດແຮງງານ ມີຫຼາຍໆ ຢ່າງ ແລະ ບໍ່ສາມາດບັນຈຸນັກ ສຶກສາທີ່ຈົບວິຊາສະເພາະເຂົ້າ ໃນໜ້າວຽກທີ່ຕົນເອງເຮັດໄດ້, ຫົວໜ່ວຍທຸລະກິດກໍມີບັນຫາ ເລື່ອງຮັບພະນັກງານເຂົ້າເຮັດ ວຽກແຕ່ບໍ່ກົງກັບໜ້າວຽກກໍມີ, ສະນັ້ນ, ວັນນັດພົບແຮງງານ ຈຶ່ງເປັນງານໜຶ່ງທີ່ມີຄວາມສຳຄັນທີ່ເຮັດໃຫ້ແຮງງານ ແລະ ຜູ້ ທີ່ຕ້ອງການແຮງງານໄດ້ມາພົບ ກັນ ແລະ ໄດ້ຮັບຟັງບັນດາຫົວ ໜ່ວຍທຸລະກິດ ຕ່າງໆຊີ້ແຈງອະ ທິບາຍຕຳແໜງຫວ່າງ ແລະ ນ້ອງໆນັກສຶກສາຫຼື ຜູ້ທີ່ກຳລັງ ຊອກວຽກເຮັດກໍສາມາດເຂົ້າ ມາຊອກຂໍ້ມູນຂ່າວສານກ່ຽວ ກັບອາຊີບໄດ້ໂດຍກົງ.
