ລັດຖະບານຈີນ ມອບເຄື່ອງຮັບໃຊ້ຫ້ອງການໃຫ້ 3 ພາກສ່ວນສື່ສິ່ງພິມ
ລັດຖະບານ ສປ ຈີນ ໄດ້ ມອບອຸປະກອນ ແລະ ເຄື່ອງຮັບ ໃຊ້ຫ້ອງການໃຫ້ແກ່ສຳນັກຂ່າວ ສານປະເທດລາວ, ໜັງສືພິມປະ ຊາຊົນ ແລະ ໜັງສືພິມພາສາ ຕ່າງປະເທດມູນຄ່າປະມານ 560 ລ້ານກີບ ຫລື ປະມານ 67.520 ໂດລາສະຫະລັດ ເພື່ອ ປະກອບສ່ວນເຂົ້າໃນການພັດ ທະນາ ວຽກງານສື່ມວນຊົນໃຫ້ ວ່ອງໄວ ແລະ ທັນສະໄໝ, ໃນ ນີ້ ປະກອບມີຄອມພິວເຕີຕັ້ງ ໂຕະ 44 ຊຸດ, ໂນດບຸກ 8 ໜ່ວຍ, ກ້ອງຖ່າຍຮູບ 6 ໜ່ວຍ, ຈັກພິມ ເອກະສານ 2 ຊຸດ, ວີດີໂອຖ່າຍ ຮູບເງົາ 1 ຊຸດ, ແທັບເລັດ 1 ຊຸດ ແລະ ອຸປະກອນເສີມສຳ ລັບກ້ອງຖ່າຍຮູບ, ວີດີໂອ ແລະ ໂດຣນ.
+ ສື່ມວນຊົນໄດ້ເຮັດຫລ້ອນໜ້າທີ່ການເມືອງຂອງຕົນ
+ ບໍລິສັດສາຍພູຫລວງມອບເຄື່ອງຊ່ວຍເຫລືອໂຮງຮຽນຕ່າງໆ ຢູ່ເມືອງບົວລະພາ
ພິທີມອບ-ຮັບເຄື່ອງຊ່ວຍ ເຫລືອດັ່ງກ່າວ ໄດ້ຈັດຂຶ້ນໃນວັນ ທີ 29 ມີນານີ້ ຢູ່ທີ່ຫ້ອງການ ໜັງສືພິມພາສາຕ່າງປະເທດ ນະຄອນຫລວງວຽງຈັນ ຕາງ ໜ້າມອບ ໂດຍທ່ານ ຈ້າວເສິງ ກ່າງ ທີ່ປຶກສາການເມືອງຂອງ ສະຖານທູດ ສປ ຈີນ ປະຈຳ ລາວ ແລະ ກ່າວຮັບໂດຍທ່ານ ສູນທອນ ຄັນທະວົງ ອຳນວຍ ການໃຫຍ່ສຳນັກຂ່າວສານປະ ເທດລາວ, ທ່ານ ດວງຈິດ ສະ ຫວັດບຸນມີ ອຳນວຍການໜັງສື ພິມປະຊາຊົນ, ທ່ານ ທອງຫລໍ່ ດວງສະຫວັນ ອຳນວຍການ ໜັງສືພິມພາສາຕ່າງປະເທດ ໂດຍການເຂົ້າຮ່ວມເປັນສັກຂີພິຍານຂອງທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງຖະແຫລງຂ່າວ, ວັດ ທະນະທຳ ແລະ ທ່ອງທ່ຽວ.
ໃນໂອກາດດັ່ງກ່າວ, ທ່ານ ສູນທອນ ຄັນທະວົງ ຕາງໜ້າໃຫ້ 3 ພາກສ່ວນສື່ ສິ່ງພິມໄດ້ກ່າວສະແດງຄວາມ ຂອບໃຈມາຍັງລັດຖະບານ ຈີນກໍຄືສະຖານທູດຈີນປະຈຳ ລາວ ທີ່ມີຄວາມເປັນຫ່ວງ ເປັນໄຍ ແລະ ໃຫ້ຄວາມສຳ ຄັນ ໃນວຽກງານສື່ມວນຊົນ ລາວ ທີ່ໄດ້ນໍາເອົາອຸປະກອນ ດັ່ງກ່າວມາຊ່ວຍສື່ມວນຊົນ ລາວ ແລະ ຈະປະກອບສ່ວນ ສຳຄັນເຂົ້າໃນວຽກງານຕົວ ຈິງໃຫ້ເກີດປະໂຫຍດສູງສຸດ.
