ແຊຟເປລ ມີໂອກາດຄວ້າແຊ໊ມພີຈີເອທົວ ເປັນຄັ້ງທຳອິດ

ການແຂ່ງຂັນກ໊ອຟພີຈີເອ ທົວ ລາຍການ ວາເລໂຣ​ ເທັກຊັສ ໂອເພນ ຊີງເງິນລາງວັນລວມ 6 ລ້ານໂດລາ ສະຫະລັດ ທີ່ສະໜາມ ທີພີຊີຊານ ອັນໂຕນິໂອ-ເອທີ ແອນ ທີໂອກ ໃນເທັກຊັສ, ສະຫະ ລັດ ອາເມຣິກາ ຫຼັງຈົບຮອບ 3 ເຄວິນ ແຊຟເປລ ຈາກ ອາເມຣິ ກາ ມີໂອກາດຄວ້າແຊ໊ມພີຈີເອທົວ ຄັ້ງທຳອິດໃນຊີວິດ ເມື່ອເຮັດເພີ່ມ 1 ອັນເດີພາ 71 ຄະແນນລວມ 8 ອັນເດີພາ 208 ຄະແນນ ຂຶ້ນເປັນ ຜູ້ນຳດ່ຽວ ຕາມດ້ວຍ ແບຣນເດນ ເກຣດ ຈາກ ແອຟຣິກາໃຕ້ ແລະ ຈອນ ຮູ ຈາກ ສະຫະລັດ ຢູ່ອັນດັບ 2 ຮ່ວມກັນຕາມຫຼັງ 1 ສະໂຕຣກ.

ສຳລັບ ແຊຟເປລ ຫາກໍໄດ້ ອັນດັບ 7 ໃນ ເດີ ມາສເຕີ ໃນ 2 ອາທິດຜ່ານມາ ເຄີຍເຮັດທີ່ສຸດ ຄວ້າອັນດັບ 2 ມາແລ້ວ 4 ຄັ້ງ ໃນປີຜ່ານມາ ແຕ່ບໍ່ເຄີຍໄດ້ແຊ໊ມ ຈາກການລົງແຂ່ງ 180 ລາຍ ການ ເຊິ່ງທັງນີ້ການແຂ່ງຂັນ ຮອບນີ້ມີສະພາບອາກາດລົມ ແຮງເຖິງ 30 ໄມຕໍ່ຊົ່ວໂມງ ເຮັດ ໃຫ້ບໍ່ມີໃຜຕີໄດ້ຕ່ຳກວ່າ 68 ໃນ ຮອບນີ້ ແລະ ຄະແນນສະເລ່ຍຢູ່ທີ 74.3.