ດື່ມເຫລົ້າແທນນ້ຳແກ່ຍາວ 30 ປີ ເຮັດໃຫ້ຮ່າງກາຍເກີດເປັນພະຍາດແປກປະຫລາດ
ເມື່ອບໍ່ດົນມານີ້, ແຫລ່ງ ຂ່າວຈາກ http:// www. ladbible.com (ແລັດບິ ເບິລ)ໃຫ້ຮູ້ວ່າ: ທ້າວ ທັນ ອາຍຸ 68 ປີ ຢູ່ປະເທດຈີນ, ໄດ້ເກີດ ມີອາການພະຍາດປະຫລາດ ຢູ່ຕາມຕົນໂຕ ແລະ ລຳຄໍ ຂອງ ລາວ, ເພາະກິນເຫລົ້າຂາວມາ ດົນເຖິງ 30 ປີ.
+ ໜັງປາສາມາດຮັກສາບາດນ້ຳຮ້ອນລວກ ແລະ ໄຟໄໝ້ຄືນສູ່ປົກກະຕິໄດ້ໂດຍໄວ
+ ແພດຊ່ວຍຊີວິດຍິງສາວທີ່ຖືກໄຟເຜົາມີຊີວິດໃໝ່
ທ້າວ ທັນ ລາວ ເລີ່ມເປັນ ນັກດື່ມແຕ່ອາຍຸ 13 ປີ ໂດຍ ພໍ່ແມ່ອານຸຍາດໃຫ້ລາວເຮັດ ໄດ້ຢ່າງນັ້ນ ຈົນມາຮອດ ອາຍຸ ໄດ້ 40 ປີ ລາວກໍກິນເຫລົ້າ ຂາວມື້ລະ 1 ລິດທຸກໆມື້, ແລ້ວ ລາວຍັງບອກວ່າ ດື່ມແອກໍຮໍຄື ກັບຕອນດື່ມນ້ຳ.
ລາວໃຊ້ຊີວິດໃນການດື່ມເຫລົ້າຈົນຮອດ 30 ປີ ຈິ່ງ ເຮັດ ໃຫ້ ເກີດມີກ້ອນໄຂມັນປົ່ງຂຶ້ນ ຢູ່ ບໍລິເວນຄໍຂອງລາວ, ເຮັດໃຫ້ ຄື ກັບສັດປະຫລາດໂຕໜຶ່ງ.
ດັ່ງນັ້ນ ລາວຕ້ອງໄດ້ເຂົ້າ ປິ່ນ ປົວຢູ່ທີ່ໂຮງໝໍ Hunan Provincial People’s Hospital(ຮຸນັນ ໂປຣວິນຊຽວ ພີໂພລ ໂຮສປິໂຕ) ເມືອງ ລາງຊາ ປະເທດຈີນ ແພດ Xiao Xuping (ຊຽວ ຊູປິງ), ໄດ້ວິໄຈວ່າ ລາວປ່ວຍ ເປັນພະຍາດ Madelung (ເມດລັງ) ເຊ່ິງເປັນສາເຫດ ເຮັດໃຫ້ເກີດມີຊີ້ນປົ່ງໄຂມັນ ຂຶ້ນ ມາຢູ່ຕາມຮ່າງກາຍຫລາຍໆ ຈຸດໂດຍສະເພາະບໍລິເວນຄໍ ແລະ ບ່າໄຫລ່.
ແພດໄດ້ບອກໃຫ້ ຮູ້ວ່າ: ນີ້ ຄືຜົນກະທົບຈາກການດື່ມແອ ກໍຮໍມາຫລາຍ ແລະ ອາການ ແບບນີ້ຈະເກີດກັບຜູ້ຊາຍທີ່ ຢູ່ໃນໄລຍະອາຍຸກາງຄົນ ແລະ ທ້າວ ທັນ ໄດ້ບອກວ່າ ປີ 1997 – 2011 ອາການຂອງ ຊີ້ນປົ່ງຢູ່ຕາມລຳຄໍຂອງລາວ ໄດ້ໃຫຍ່ຂຶ້ນ ແລະ ບໍ່ມີການປ່ຽນ ແປງຂະໜາດຫລັງຈາກນັ້ນ, ໝໍບອກກັບລາວວ່າ ບໍ່ຕ້ອງ ຄິດ ຈົນເກີນໄປ ເພາະພະຍາດນີ້ ບໍ່ໄດ້ເປັນອັນຕະລາຍ ເຖິງຕາຍ ແຕ່ຖ້າຫາກວ່າ ມັນໄປກະທົບ ກັບການຫາຍໃຈຂອງລາວ ຕອນໃດໃຫ້ໄປຫາໝໍດ່ວນ.
ຫລັງຈາກນັ້ນ ໃນປີ 2017 ທ້າວ ທັນ ໄດ້ຮັບການ ຜ່າຕັດ ຈາກ ທ່ານ ແພດ Xiao (ຊຽວ) ເພື່ອລົດປະມານໄຂ ມັນຂອງຊີ້ນປົ່ງ ໂດຍລວມເຖິງ ວິທີ ການດູດໄຂມັນ ທີ່ຈະໃຊ້ ຄວບຄູ່ໄປກັບວິທີການອື່ນໆ ແຕ່ຢ່າງໃດກໍຕາມ, ແພດຍັງ ບອກອີກວ່າ ຜູ້ປ່ວຍຕ້ອງເລິກ ກິນເຫລົ້າຢ່າງເດັດຂາດ, ຖ້າ ລາວບໍ່ປະຕິບັດຕາມທີ່ແພດສັ່ງພະຍາດປະຫລາດອາດກັບຄືນມາໄດ້./.
