ນາດາລ ຜ່ານເຂົ້າຮອບຊີງຊະນະເລີດ ໄປພົບກັບ ປຸຍ ເຕັນນິສມອນຕິຄາໂລ

ການແຂ່ງຂັນເຕັນນິສ ເອທີ ພີທົວ ລາຍການ “ມອນຕິຄາໂລ ໂຣເລັກ ມາສເຕີ” ທີ່ມອນຕິຄາໂລ ລັດໂມນາໂກ ໃນວັນເສົາຜ່ານມາ ເປັນການແຂ່ງຂັນປະເພດຊາຍ ດ່ຽວຮອບຮອງຊະນະເລີດ ຣາ ຟາເອລ ນາດາລ ມືວາງອັນດັບ 4 ຂອງລາຍການຈາກ ສະເປນ ຜົນງານຍັງຮ້ອນແຮງຕໍ່ເນື່ອງ ເມື່ອເອົາຊະນະ ດາວິດ  ກອຟ ແຟງ ມືວາງອັນດັບ 10 ຂອງ ລາຍການຈາກ ເບລຢຽມ ຂາດ ລອຍ 2-0 ເຊັດ 6-3, 6-1. ຜ່ານ ເຂົ້າສູ່ຮອບຊີງຊະນະເລີດຕໍ່ໄປໄດ້ສຳເລັດ.

ສຳລັບໃນຮອບຊີງຊະນະ ເລີດ ນາດາລ ຈະຕ້ອງພົບກັບ ອັລ ເບິດ ຣາມອສ ມືວາງອັນດັບ 15 ຂອງລາຍການ ໝູ່ຮ່ວມຊາດ ທີ່ ເອົາຊະນະ ລູຄັສ ປຸຍ ມືວາງອັນ ດັບ 11 ຂອງລາຍກຈາກ ຝຣັ່ງ ມາໄດ້ 2-1 ເຊັດ 6-3, 5-7, 6-1. ໃນຮອບຮອງຊະນະເລີດ ອີກຄູ່ ແລະ ຫາກເອົາຊະນະໄດ້ສຳ ເລັດ ນາດາລ ກໍຈະສ້າງສະຖິຕິ ເປັນນັກນເຕັນນິສຄົນທຳອິດໃນ ສະໄໝໂອເພນ (ນັບຕັ້ງແຕ່ເດືອນ ເມສາ ປີ 1968) ທີ່ຄວ້າແຊ໊ມ ທົວນາເມນດຽວກັນໄດ້ເຖິງ 10 ສະໄໝ.