ອົງການປົກຄອງບ້ານເປັນສ່ວນສຳຄັນຍິ່ງກັບວຽກງານສາມສ້າງ

 ໂດຍ: ທິດກ່ຳ  

ໃນໄລຍະສອງສາມປີມານີ້, ທິດກ່ຳ ເຄີຍໄດ້ໄປເລາະຫລາຍ ທ້ອງຖິ່ນ ແລະ ໄດ້ໄປເຫັນບັນ ຍາກາດການສ້າງສາພັດທະ ນາ ຢູ່ແຖວຊົນນະບົດບໍ່ວ່າຢູ່ບ່ອນ ໃດ, ທ້ອງຖິ່ນໃດກໍເປັນຕາ ອອນ ຊອນມ່ວນຊື່ນດີໃຈນຳ, ອັນສຳ ຄັນທີ່ສຸດແມ່ນໄດ້ເຫັນຖະໜົນ ຫົນທາງເຊື່ອມຈອດຮອດ ເຖິງ ແຕ່ລະບ້ານ, ແຕ່ລະເມືອງ, ປະ ຊາຊົນໄດ້ໃຊ້ໄຟຟ້າທຸກບ້ານ, ທຸກຄອບຄົວ, ເຫັນປະຊາຊົນ ໄດ້ພາ ກັນດື່ມນ້ຳສະອາດ ທີ່ຖືກ ຕ້ອງ ຕາມຫລັກອະນາໄມ, ເຫັນ ລູກຫລານໄດ້ຮ່ຳຮຽນໜັງສື, ກຸ່ມບ້ານມີໂຮງຮຽນປະຖົມ, ມັດ ທະຍົມ ຫລື ບາງບ່ອນກໍມີ ຮອດ ລ້ຽງເດັກອານຸບານ, ມີສຸກສາ ລາປະຈຳກຸ່ມບ້ານ, ຊີວິດການ ເປັນຢູ່ຂອງປະຊາຊົນຖ້າ ເບິ່ງ ລວມແລ້ວກໍມີອັນປ່ຽນ ແປງ, ເຮືອນຊານບ້ານຊ່ອງດີ ແລະ ງາມຂຶ້ນກວ່າເກົ່າ, ປັດຈຸບັນ, ເຮືອນມຸງຫຍ້າຝາກະແຕະໄມ້ ເຮ້ຍແມ່ນເກືອບບໍ່ເຫັນແລ້ວ ແລະ ອັນສຳຄັນອີກອັນ ໜຶ່ງ ແມ່ນປະຊາຊົນພາກັນດິ້ນຮົນ ຮູ້ຄ້າຮູ້ຂາຍ, ຮູ້ຫາເງິນຫາຄຳ ມາປັບປຸງຖານະຄອບຄົວ, ຊີ ວິດ ການເປັນຢູ່ໃນແຖວຊົນນະ ບົດສ່ວນຫລາຍພາກັນເຮັດນາ ເປັນຫລັກ, ນອກນັ້ນກໍລ້ຽງງົວ, ລ້ຽງຄວາຍ, ລ້ຽງເປັດ, ລ້ຽງ ໄກ່, ເຫລືອຢູ່ເຫລືອກິນ ແລ້ວ ກໍເອົາໄປຂາຍ.

+ ພັດທະນາຄວາມສະຫລາດທາງອາລົມເພື່ອຄອບຄົວ

+ ທຳມະຊາດເປັນບໍ່ເກີດຂອງຊີວິດຍືນຍົງ

ບາງບ້ານ, ບາງທ້ອງຖິ່ນ ບ່ອນ ທິດກ່ຳ ເຄີຍໄປປຸກລຸກຂົນ ຂວາຍກໍ່ສ້າງຮາກຖານການ ເມືອງ ໃນສະໄໝກ່ອນມາ ດຽວ ນີ້ຈົນຫລົງ, ໄປຖາມຫາພະນັກ ງານ, ໝູ່ເພື່ອນຮຸ້ນຮາວ ຄາວ ດຽວບາງຄົນກໍມີລູກມີຫລານ ໄດ້ໄພ້ໄດ້ເຂີຍເຕັມເຮືອນເຕັມ ຊານ ແລະ ບາງສະຫາຍກໍໄດ້ ລາສັງຂານອອກໄປຮັບບຳ ນານແບບບໍ່ມີມື້ກັບກໍມີຫລາຍ.

ແນວໃດກໍຕາມ, ສິ່ງທີ່ໄດ້ ເຫັນ ເຊິ່ງມັນຂ້ອນຂ້າງໜັກໃຈ ສຳລັບ ທິດກ່ຳ ນັ້ນກໍຄືແບບ ແຜນການຄຸ້ມຄອງນຳພາຂອງ ອຳນາດການປົກຄອງທ້ອງຖິ່ນ ໂດຍສະເພາະແມ່ນຂັ້ນ ບ້ານ ແມ່ນມັນຍັງຂ້ອນຂ້າງໄປແບບ ເກົ່າໆ ຄອງເດີມຄືສະໄໝ ບ້ານ ເມືອງເຮົາບໍ່ທັນຈະເລີນ ພັດທະນາ.

ຖ້າຈະເວົ້າໃຫ້ແຈ້ງກໍແມ່ນຍັງຕິດແສດການດຳລົງຊີວິດ ແບບເກົ່າ, ຍິ່ງໄປກວ່ານັ້ນເບິ່ງອົງ ການນຳຂອງບ້ານບາງບ່ອນ ກໍມີໄວ້ເພື່ອເປັນຄັນຕະລະບັດ ບໍ່ທັນມີຫົວຄິດປະດິດສ້າງ ແລະ ບໍ່ຈິງຈັງນຳພາບ້ານ ແລະ ທ້ອງ ຖິ່ນຂອງຕົນໃຫ້ຫັນປ່ຽນຈາກ ອັນເກົ່າໄປສູ່ອັນໃໝ່ຢ່າງຈະ ແຈ້ງຊັດ ເຈນ.

ສິ່ງທີ່ໜ້າເປັນຫວ່ງທີ່ສຸດ ກໍຄືການເຫີນຫ່າງຈາກການຜະ ລິດ ແລະ ການປົກປັກຮັກສາສິ່ງ ແວດລ້ອມ, ເປັນຕົ້ນການຜະ ລິດເຂົ້າເນື້ອທີ່ກໍຫລຸດລົງ, ຜູ້ ມີດິນດອນຕອນຫຍ້າກໍຂາຍ ເອົາເງິນໄປຊື້ລົດຈັກ, ລົດໃຫຍ່ ຂີ່, ປະຊາຊົນຫັນໄປຊອກເກັບ ເຄື່ອງປ່າຂອງດົງໄປຂາຍກິນ ສືບມື້, ສືບວັນໄປ, ຊອກເກັບ ຜັກຫັກໜໍ່, ຫາລ້າສັດປ່າມາ ກິນ, ປາຢູ່ໃນນ້ຳກໍເອົາໄຟຟ້າ ຊອດຫາກິນແບບດັບສູນ, ປ່າໄມ້ ທີ່ມີໃນຂອບເຂດທ້ອງຖິ່ນຖືກ ຈັບຈ່ອງຢຶດຄອງ ແລະ ຖາກ ຖາງເຮັດກິດ ຈະການອັນອື່ນຈົນ ແປນເອີດເຕີດ.

ເມື່ອມາກວດກາ ເບິ່ງ ແລ້ວ, ຄະນະນຳຂອງບ້ານ ກໍບໍ່ ທັນມີແຜນການກຳນົດເຂດພັດ ທະນາໃນ ບ້ານ ແລະ ທ້ອງຖິ່ນ ຂອງຕົນຢ່າງລະອຽດຈະແຈ້ງ ຍ້ອນປັດໄຈ ຫລື ສາເຫດຫລາຍ ຢ່າງເປັນຕົ້ນຄວາມຮູ້ ຄວາມສາ ມາດຖືກຈຳກັດລໍຖ້າແຕ່ຄຳສັ່ງ, ອັນທີສອງຍ້ອນຄະນະບ້ານບໍ່ ທັນເປັນພະນັກງານຂອງລັດ ຮ້ອຍເປີເຊັນ ພຽງແຕ່ມີການຄັດ ເລືອກແຕ່ງຕັ້ງຂຶ້ນມາເພື່ອເປັນ ຕົວຫລັກໃນການບໍລິຫານການ ປົກຄອງທ້ອງຖິ່ນຊື່ໆ, ເວົ້າແຈ້ງ ນາຍບ້ານກໍບໍ່ມີເງິນເດືອນມາດ ຕະຖານ, ພຽງແຕ່ມີເງິນບຳລຸງ ພຽງເລັກນ້ອຍເພື່ອ ເປັນການ ຍ້ອມນ້ຳໃຈ, ດ້ວຍສາເຫດທີ່ ກ່າວມານີ້ ຈຶ່ງເຮັດໃຫ້ການພັດ ທະນາບ້ານຫລືທ້ອງ ຖິ່ນຊັກຊ້າ ອືດອາດປານດຶງຂາເຕົ່າ, ຍັງບໍ່ ທັນໄປຕາມທິດພັດທະນາຊົນ ນະບົດ ແລະ ລຶບລ້າງຄວາມ ທຸກຍາກ.

ເຖິງຢ່າງໃດກໍດີ, ຕາມ ທິດ ກ່ຳ ອີງໃສ່ວຽກ ງານສາມ ສ້າງ ທີ່ຈະພາໃຫ້ບ້ານ ແລະ ທ້ອງຖິ່ນ ເປັນໄປຕາມແນວທາງຂອງພັກ ແລະ ລັດຖະບານວາງອອກຄື: ບ້ານເປັນຫົວໜ່ວຍພັດທະນາ ຢ່າງແທ້ຈິງນັ້ນຄວນໄດ້ສ້າງ ແລະ ເຮັດໃຫ້ອົງການປົກຄອງ ບ້ານກາຍເປັນຂັ້ນຄຸ້ມຄອງທີ່ ມາດຕະຖານ ຈຶ່ງສາມາດຮັບ ມື ຕໍ່ການພັດທະນາໄດ້./.