ຜູ້ນຳ ສປປ ເກົາຫລີ ພົບຜູ້ນຳ ສປ ຈີນ
ປະທານາທິບໍດີ ສີ ຈິ້ນຜິງ ໃຫ້ການຕ້ອນຮັບທ່ານ ກິມ ຈອງອິນ ຜູ້ນຳສູງສຸດຂອງ ສປປ ເກົາຫລີ ຢູ່ນະຄອນຫລວງປັກກິ່ງ ແລະ ຫາລືຮ່ວມກັນໃນບັນຫາສະຖານະການແຫລມເກົາຫລີ ແລະ ການຍົກລະດັບການພົວພັນລະຫວ່າງລັດຖະບານພຽງຢາງກັບລັດຖະບານປັກກິ່ງ.
CCTV FOOTAGE: North Korean leader Kim Jong Un meets with Chinese President Xi Jinping in Beijing pic.twitter.com/sPbwF1pi2G
— Andrew Peng (@TheAPJournalist) March 28, 2018
ສຳນັກຂ່າວຕ່າງປະເທດລາຍງານຈາກນະຄອນຫລວງປັກກິ່ງ ສປ ຈີນ ໃນວັນທີ 28 ມີນາວ່າ: ສຳນັກຂ່າວຊິນຮົວຂອງທາງການຈີນລາຍງານ ພ້ອມເຜີຍແຜ່ພາບການພົບປະຫາລືລະຫວ່າງປະທານາທິບໍດີ ສີ ຈິ້ນຜິງ ກັບທ່ານ ກິມ ຈອງອິນ ຜູ້ນຳສູງສຸດຂອງ ສປປ ເກົາຫລີ ໃນນະຄອນຫລວງປັກກິ່ງ ໂດຍທ່ານ ກິມ ຈອງອິນ ແລະ ທ່ານນາງ ຣີ ຊອລຈູ ພັນລະຍາ ເດີນທາງຢ້ຽມຢາມນະຄອນຫລວງປັກກິ່ງ “ບໍ່ເປັນທາງການ” ລະຫວ່າງວັນທີ 25-28 ມີນາ.
Here’s the Kin Jong Un + Xi Jinping photo-op that just aired on CCTV. pic.twitter.com/sTopkmmpNA
— Andrew Peng (@TheAPJournalist) March 28, 2018
ສຳນັກຂ່າວຊິນຮົວຍັງລາຍງານວ່າ: ການພົບປະຫາລືລະຫວ່າງຜູ້ນຳທັງສອງນັ້ນປະສົບຜົນສຳເລັດຢ່າງຍິ່ງ ໂດຍຖືວ່າເປັນຂັ້ນໜຶ່ງໃນການກຽມພ້ອມຈັດການເຈລະຈາກັບ ສ.ເກົາຫລີ ແລະ ອາເມລິກາ ເຊິ່ງທ່ານ ກິມ ຈອງອິນ ມີກຳນົດຈະພົບກັບປະທານາທິບໍດີ ໂດນັນ ທຣຳ ໃນເດືອນພຶດສະພານີ້.
