ໄຊຍະບູລີສະຫລອງວັນນ້ຳໂລກ 22 ມີນາ
ໃນວັນທີ 23 ມີນານີ້, ແຂວງໄຊຍະບູລີ ໄດ້ຈັດ ພິທີ ສະ ເຫລີມສະຫລອງວັນນ້ຳໂລກ 22 ມີນາ ຄົບຮອບ 24 ປີຂຶ້ນ ໂດຍມີ ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ, ມີ ທ່ານ ເຈົ້າເມືອງ, ສະມາຊິກສະ ພາແຫ່ງຊາດເຂດເລືອກ ຕັ້ງທີ 7 ແລະ ຫົວໜ້າ, ຮອງ ຫົວໜ້າພະ ແນກການອ້ອມຂ້າງແຂວງ, ເຂົ້າຮ່ວມເປັນຈຳນວນຫລາຍ ເພື່ອແນໃສ່ປູກຈິດສຳນຶກໃນ ການໃຊ້ນ້ຳຮ່ວມກັນ ເພາະວ່າ ນ້ຳເປັນຊັບພະຍາກອນທີ່ສຳ ຄັນຕໍ່ຊີວິດຂອງຄົນ ແລະ ມີບົດ ບາດສຳຄັນຕໍ່ການພັດທະນາ ຂອງທຸກໆປະເທດໃນໂລກ, ສະ ນັ້ນໃນແຕ່ລະປີຈຶ່ງ ໄດ້ມີການ ສະເຫລີມສະຫລອງ ວັນດັ່ງ ກ່າວດ້ວຍຫົວຂໍ້ແຕກຕ່າງກັນ ຄື: ສະລັບປີນີ້ມີຫົວຂໍ້: “ທຳມະ ຊາດເພື່ອນ້ຳ”
+ ລາວຈະສະຫລອງວັນໄມ້ໂລກຂຶ້ນໃນທ້າຍເດືອນມີນານີ້
+ ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ
ທ່ານ ເຈົ້າເມືອງໄຊຍະບູລີ ກ່າວວ່າ: ການສະເຫລີມສະ ຫລອງວັນດັ່ງກ່າວ ເປັນຂີດ ໝາຍສຳຄັນໜຶ່ງ ເພື່ອປຸກລະ ດົມຈິດສຳນຶກຂອງທົ່ວປວງ ຊົນໃຫ້ປະກອບສ່ວນເຂົ້າໃນ ການປະຕິບັດພັນທະຂອງ ຕົນກໍ ຄືຂອງປະເທດ ແລະ ແຂວງ ໄຊຍະບູລີ ນີ້ເອງໃນການສ້າງ ຂະບວນການເນື່ອງໃນວັນ ນ້ຳໂລກຄືກັນກັບຫລາຍໆ ປະ ເທດ ໃນທົ່ວໂລກ, ດັ່ງນັ້ນ ອົງການສະຫະປະຊາຊາດ ຈິ່ງໄດ້ກຳນົດເອົາວັນທີ 22 ມີນາຂອງທຸກໆປີເປັນ ວັນນ້ຳໂລກເພື່ອເປັນການ ກະຕຸ້ນໃຫ້ປະຊາກອນໂລກ ຮ່ວມມືກັນໃຊ້ນ້ຳຢ່າງປະ ຢັດ, ຮູ້ຄຸນຄ່າ ແລະ ໃຊ້ນ້ຳໃຫ້ ເກີດປະໂຫຍດສູງສຸດ ແລະ ເຕືອນມວນຊົນ ໃຫ້ເພີ່ມປະ ສິດທິ ພາບໃນການ ຄຸ້ມຄອງ ແລະ ນຳໃຊ້ນ້ຳຢ່າງມີປະສິດ ທິພາບ./.
