ບ້ານໃຫຍ່ນ້ຳເກິ່ງເກົ່າເປີດແຫລ່ງທ່ອງທ່ຽວທຳມະຊາດແຫ່ງໃໝ່

ວັນທີ 17 ມີນານີ້, ບ້ານ ໃຫຍ່ນ້ຳເກິ່ງເກົ່າ ເມືອງຕົ້ນເຜິ້ງ ແຂວງບໍ່ແກ້ວ ໄດ້ຈັດພິທີເປີດ ແຫລ່ງທ່ອງທ່ຽວທຳມະຊາດ ປຸ່ງນ້ຳຮ້ອນ ແລະ ນ້ຳຕົກຕາດ ນ້ຳຍອນ ຢ່າງເປັນທາງການ ເພື່ອຕ້ອນຮັບປີທ່ອງທ່ຽວ ລາວ ໃຫ້ມີບັນຍາກາດຟົດ ຟື້ນໂດຍ ການເຂົ້າຮ່ວມຂອງ ທ່ານ ຄຳພັນ ເຜີຍຍະວົງ ເຈົ້າ ແຂວງໆ ບໍ່ແກ້ວ, ມີການນຳ ຂອງແຂວງ ແລະ ມວນຊົນເຂົ້າ ຮ່ວມຢ່າງຫລວງຫລາຍ.

+ ເມືອງຈຳພອນເປີດງານທ່ອງທ່ຽວ

+ ເມືອງຄົງເຊໂດນເປີດປີທ່ອງທ່ຽວ ຕິດພັນກັບເທສະການ ປິ້ງໄກ່ນາປົ່ງ

ທ່ານ ນາຍບ້ານໃຫຍ່ພັດ ທະນານ້ຳເກິ່ງເກົ່າໄດ້ລາຍງານ ໃຫ້ຮູ້ວ່າ: 120 ພັດທະນາແຫ່ງ ນີ້ ປັດຈຸບັນມີພົນລະເມືອງ ທັງໝົດ 2,051 ຄົນ, ຍິງ 969 ຄົນ, ມີ 444 ຄົວເຮືອນ, ແບ່ງ ອອກເປັນ 5 ຄຸ້ມໃຫຍ່ ແລະ 35 ໜ່ວຍຜະລິດ, ເປັນບ້ານທີ່ມີ ຄວາມອຸດົມສົມບູນທາງດ້ານ ຊັບພະຍາກອນທຳມະຊາດ, ສິ່ງ ແວດລ້ອມມີພູຜາປ່າດົງຫ້ວຍ ນ້ຳລຳເຊ ທີ່ສວຍສົດງົດງາມ ຄື: ແມ່ນ້ຳຍາວ, ແມ່ນ້ຳຍອງ, ແມ່ນ້ຳເກິ່ງ, ເປັນທ່າແຮງທາງ ດ້ານເສດຖະກິດການເຮັດນາ ປູກເຂົ້າໄດ້ທັງ 2 ລະດູ-ປູກຝັງ- ລ້ຽງສັດ ແລະ ຄ້າຂາຍມີນ້ຳ ຕົກຕາດນ້ຳຍອນ ແລະ ບໍ່ນ້ຳ ຮ້ອນເປັນແຫລ່ງທ່ອງທ່ຽວ ທຳມະຊາດທີ່ມີມາແຕ່ດົນນານ ຈົນມາຮອດປີ 2018 ນີ້ ທ່ານ ເຈົ້າແຂວງຈິ່ງ ໄດ້ລະດົມ ແລະ ຊຸກຍູ້ສ້ອມແປງເສັ້ນທາງ ລົດເຂົ້າສະຖານທີ່ທ່ອງທ່ຽວ ດັ່ງກ່າວ, ພ້ອມທັງປັບປຸງນ້ຳ ຕົກຕາດ ແລະ ບໍ່ນ້ຳຮ້ອນເພື່ອ ອຳນວຍຄວາມສະດວກໃນ ການທ່ອງທ່ຽວ, ເຊິ່ງແຫລ່ງ ທ່ອງທ່ຽວນີ້ຕັ້ງຢູ່ຈຸດໃຈກາງ ລະຫວ່າງເທສະບານ ແຂວງ ໄປທາງເໜືອປະທານ 28 ກິ ໂລແມັດ ແລະ ຫ່າງຈາກເທສະ ບານເມືອງຕົ້ນເຜິ້ງ ປະມານ 25 ກິໂລແມັດ ເຊິ່ງມີຄວາມສະ ດວກຫລາຍຢ່າງໃຫ້ແກ່ຜູ້ມາ ທ່ຽວຊົມ.
ທ່ານ ເຈົ້າເມືອງໆ ຕົ້ນເຜິ້ງ ກໍໄດ້ສະແດງຄວາມຂອບໃຈ ຕໍ່ ການນຳຂອງແຂວງທີ່ໄດ້ໃຫ້ ທິດຊີ້ນຳ ເພື່ອຊຸກຍູ້ສົ່ງເສີມ ປະ ຊາຊົນ, ອຳນາດການປົກຄອງ ຕັດສິນໃຈພັດທະນາ ແລະ ປົກ ປັກຮັກສາຊັບພະຍາກອນທຳ ມະຊາດແຫ່ງນີ້ເປັນແຫລ່ງ ທ່ອງທ່ຽວທີ່ອຸດົມສົມບູນ ແລະ ຍືນຍົງ.

ໃນພິທີທ່ານເຈົ້າແຂວງ ພ້ອມດ້ວຍການນຳຂອງ ແຂວງ, ການນຳຂອງເມືອງ ແລະ ແຂກເປັນກຽດຕັດແຖບ ຜ້າ ແລະ ລັ່ນຄ້ອງ 9 ບາດ ເພື່ອ ເປັນສີລິມຸງຄຸນໃຫ້ແກ່ແຫລ່ງ ທ່ອງທ່ຽວແຫ່ງໃໝ່ ດັ່ງກ່າວ ຄື: ນ້ຳຕົກຕາດນ້ຳຍອນ ແລະ ບໍ່ນ້ຳຮ້ອນໄດ້ຮັບການພັດທະ ນາໃຫ້ນັບມື້ໂດດເດ່ັນ./.