ລາວ-ອີຟາດ ຫາລືກ່ຽວກັບການສ້າງຍຸດທະສາດການຮ່ວມມືພັດທະນາກະສິກຳ
ເມື່ອບໍ່ດົນມານີ້ ກະຊວງ ແຜນການ ແລະການລົງທຶນ ຮ່ວມກັບກອງທຶນສາກົນ ເພື່ອການພັດທະນາກະສິກໍາ (IFAD) ໄດ້ຈັດກອງປະ ຊຸມປຶກສາຫາລືກ່ຽວກັບ ການສ້າງຍຸດທະສາດການຮ່ວມມື ລະຫວ່າງ ສປປລາວ ແລະ ອົງການກອງທຶນສາກົນເພື່ອ ການພັດທະນາກະສິກໍາ ໃນ ໄລຍະປີ 2018-2024 ຂຶ້ນທີ່, ນະຄອນຫຼວງວຽງຈັນ ໂດຍ ການເປັນປະທານຂອງ ທ່ານ ກິແກ້ວ ຈັນທະບູຣີ ຮອງລັດຖະ ມົນຕີກະຊວງແຜນການ ແລະ ການລົງທຶນ, ທ່ານ ໂທມັດສ໌ ຣັດ ຜູ້ປະສານງານອີຟັດ ປະ ຈໍາພາກພື້ນ, ທັງເປັນຜູ້ບໍລິ ຫານອີຟັດ ປະຈໍາລາວ. ມີຜູ້ ຕາງໜ້າອົງການອາຫານ ແລະ ການກະເສດ FAO, ພ້ອມ ດ້ວຍພາກສ່ວນກ່ຽວ ຂ້ອງ ເຂົ້າຮ່ວມ.
+ ລາວລົງນາມໃນສັນຍາສ້າງຕັ້ງອົງການຮ່ວມມືປ່າໄມ້ອາຊີ
+ ລາວຫາລືປະກອບຄຳເຫັນໃສ່ຮ່າງຈັນຍາບັນແພດທັນຕະແພດ ແລະ ພະຍາບານປະດຸງຄັນ
ທ່ານ ໂທມັດສ໌ ຣັດ ໄດ້ ລາຍງານ ຜົນສໍາເລັດ, ສິ່ງທ້າ ທ້າຍ ແລະ ການຈັດຕັ້ງປະຕິບັດ ສ້າງຍຸດທະສາດການຮ່ວມມື ແຕ່ປີ 2011-2016 ເຊິ່ງ ເປັນ ປັດໄຈພື້ນຖານສໍາຄັນໃຫ້ແກ່ ກອງປະຊຸມປຶກສາຫາລື ຄັ້ງນີ້. ໄດ້ສະເໜີບັນຫາຕ່າງໆ ແລະ ແລກປ່ຽນບົດຮຽນເຊິ່ງກັນ ແລະ ກັນ ໃນກອງປະຊຸມຕື່ມ ອີກ. ກ່ຽວກັບຮ່າງແນວຄິດ ແຜນຍຸດທະສາດທີ່ອີ່ງໃສ່ ຜົນໄດ້ຮັບ ແລະ ແຜນຍຸດທະ ສາດການຮ່ວມມືລະຫວ່າງ ລັດ ຖະບານລາວ ແລະ ກອງທຶນ ສາກົນເພື່ອການພັດທະນາກະ ສິກໍາ ສໍາລັບປີ 2018-2024. ໃນໂອກາດນີ້, ຜູ້ເຂົ້າຮ່ວມໄດ້ ພ້ອມກັນປຶກສາຫາລື ແລະ ແລກປ່ຽນຄໍາຄິດຄໍາເຫັນຍຸດ ທະສາດກ່ຽວກັບຊາວກະສິ ກອນຂະໜາດນ້ອຍທີ່ຈະຕ້ອງ ໄດ້ຮັບການຍົກລະດັບໃນການ ຮັບມືກັບໄພທໍາມະຊາດ ແລະ ປັບປຸງວຽກງານການຄໍ້າປະ ກັນດ້ານສະບຽງອາຫານ ແລະ ໂພສະນາການ ແລະ ການຍົກ ລະດັບຄວາມສາມາດເຂົ້າເຖິງ ການບໍລິການດ້ານການເງິນ ແລະ ການຕະຫຼາດນໍາອີກ.
