ລາວຍັງມີທ່າແຮງບົ່ງຊ້ອນຫຼາຍຢ່າງທີ່ເປັນປັດໄຈຊຸກຍູ້ການພັດທະນາປະເທດ

ຕາມວິໄສທັດຮອດປີ 2030 ຂອງລັດຖະບານເຮົາທີ່ສະພາແຫ່ງຊາດ ຊຸດທີ VIII ໄດ້ຮັບຮອງເອົາວ່າ: ລັດຖະບານຈະມຸ່ງເນັ້ນການພັດທະນາເສດຖະກິດສັງຄົມໃນຫລາຍດ້ານ,ໂດຍສະເພາະການພັດ ທະນາເສດຖະກິດພູມປັນຍາຕາມທິດສີຂຽວ ແລະ ຍືນຍົງ, ເຊິ່ງເປັນທິດທາງການພັດທະນາທີ່ກ້າວໜ້າຂອງໂລກ, ຮັບປະກັນລາຍໄດ້ຂອງປະຊາກອນເພີ່ມຂຶ້ນ 4 ເທົ່າຕົວ, ສ່ວນໂຄງປະກອບເສດຖະກິດຈະຫັນປ່ຽນໄປຕາມທິດຫັນເປັນອຸດສາຫະກຳ ແລະ ທັນສະໄໝ, ຮັບປະກັນການພັດທະນາລະຫວ່າງຕົວເມືອງ ແລະ ຊົນນະບົດໃຫ້ຫຍັບເຂົ້າໃກ້ກັນ, ສະພາບແວດລ້ອມ ແລະ ຊັບພະຍາກອນທຳມະຊາດຈະໄດ້ຮັບການຄຸ້ມຄອງ ແລະ ນຳໃຊ້ຢ່າງມີປະສິດທິພາບ, ສິ່ງສຳຄັນແມ່ນປະເທດເຮົາຈະສາມາດເຊື່ອມໂຍງ ແລະ ຕິດຈອດກັບພາກພື້ນ ແລະ ສາກົນນັບມື້ໜັກແໜ້ນຂຶ້ນ, ທັງນີ້ກໍຍ້ອນປະເທດເຮົາຍັງມີທ່າແຮງບົ່ມຊ້ອນຫຼາຍຢ່າງ, ເປັນຕົ້ນແມ່ນ: ຊັບພະຍາກອນທຳມະຊາດ, ການເປັນທາງຜ່ານ, ຄວາມໝັ້ນຄົງທາງດ້ານການເມືອງ, ຮີດຄອງປະເພນີອັນດີງາມຂອງຊາດ, ທັງມີເຄື່ອງມືຄຸ້ມຄອງລັດ-ຄຸ້ມຄອງສັງຄົມພຽງພໍ, ພ້ອມນີ້ຍັງມີເພື່ອນມິດຍຸດທະສາດ ແລະ ຄູ່ຮ່ວມພັດທະນາທີ່ດີ, ຊຶ່ງຈະເປັນປັດໄຈຊຸກຍູ້ການພັດທະນາປະເທດຊາດໃຫ້ສາມາດຫລຸດພົ້ນອອກຈາກຄວາມດ້ອຍພັດທະນາໄດ້ຕາມລະດັບຄາດໝາຍວາງໄວ້.

ຄຽງຄູ່ກັນນັ້ນຍັງມີຫຼາຍພາກສ່ວນທີ່ໃຫ້ການສະໜັບສະໜູນລັດຖະບານຢ່າງແຂງແຮງຕໍ່ທິດທາງລວມ, ຄາດໝາຍສູ້ຊົນ ແລະ ບັນດາຍຸດທະສາດລະດັບຊາດທີ່ຈະໄດ້ຈັດຕັ້ງປະຕິບັດແຕ່ນີ້ຫາປີ 2025 ໂດຍຖືເອົາການພັດທະນາເສດຖະກິດເປັນໃຈກາງ, ວັດທະນະທຳ-ສັງຄົມເປັນເປົ້າໝາຍ, ຖືເອົາຊັບພະຍາ ກອນມະນຸດເປັນປັດໄຈຕັດສິນ ແລະ ການປົກປັກຮັກສາສິ່ງແວດລ້ອມເປັນສິ່ງຈຳເປັນ. ພ້ອມນີ້ລັດຖະ ບານຈະສູ້ຊົນເຮັດໃຫ້ລາຍຮັບປະຊາກອນເພີ່ມຂຶ້ນ 2 ເທົ່າຕົວ ແລະ ຄວາມທຸກຍາກຂອງປະຊາຊົນຈະຢູ່ໃນລະດັບບໍ່ເກີນ 5% ໃນປີ 2025, ການປົກປັກຮັກສາ ແລະ ຟື້ນຟູເນື້ອທີ່ປ່າໄມ້ປົກຫຸ້ມບໍ່ໃຫ້ຫລຸດ 70% ແລະ  ເຮັດໃຫ້ລະບົບເສດຖະກິດແຫ່ງຊາດສາມາດເຊື່ອມໂຍງເຂົ້າກັບເສດຖະກິດພາກພື້ນ ແລະ ສາກົນເພື່ອລະກ້າວ.