ສຕລ ຍົກລະດັບຄູຝຶກລາຍເຊັນ C

ໃນວັນຈັນ 19 ມີນາ 2018 ທີ່ຫ້ອງປະຊຸມ ສຕລ ບ້ານຫ້ວຍຫົງ ເມືອງຈັນທະບູລີ ນະຄອນຫລວງ ໄດ້ມີການເປີດການຝຶກອົບຮົມ ຄູຝຶກບານເຕະລະດັບ C ຂອງສະຫະພັນບານເຕະ ອາຊີ AFC ໂດຍການໃຫ້ກຽດເຂົ້າຮ່ວມໂດຍມີທ່ານ ສົມສະໜຸກ ລຽນສະຫວັນ ຮອງເລຂາທິການ ສະຫະພັນບານເຕະແຫ່ງຊາດລາວ, ທ່ານ ໄມວອງ (MIKE WONG MUN HENG) ວິທະຍາກອນ ຈາກ ເອເອັຟຊີ ຊາວ ພ້ອມດ້ວຍພາກສ່ວນກ່ຽວຂ້ອງ ແລະ ນັກສຳມະກອນເຂົ້າຮ່ວມ.
ທ່ານ ກັນລະຍາ ສີສົມຫວັງ ຄະນະຈັດການຝຶກອົບຮົມຄູຝຶກລະດັບຊີ ສຕລ ໃຫ້ສໍາພາດວ່າ: ການຝຶກອົບຮົມແມ່ນໄດ້ດຳເນີນການຝຶກ ນັບແຕ່ວັນທີ 19 ຫາ 31 ມີນາ 2018 ມີສຳມະນາກອນເຂົ້າຮ່ວມທັງຫມົດ 26 ຄົນ ຍິງ 2 ຄົນ ມາຈາກສະໂມສອນຕ່າງໆໃນນະຄອນຫລວງວຽງຈັນ ແລະ ຈາກໄທ ຈຳນວນ 12 ຄົນ. ຕະຫລອດການຝຶກອົບຮົມດັ່ງກ່າວ ນັກສໍາມະນາກອນຈະມີການສອບເສັງ 6 ຄັ້ງ (ຕົວຈິງ 3 ຄັ້ງ ແລະ ທິດສະດີ 3 ຄັ້ງ) ທັງນີ້ກໍເພື່ອເຮັດໃຫ້ການຝຶກອົບຮົມຮັບປະກັນປະສິດທິພາບຫລາຍກວ່າເກົ່າ, ສ່ວນແຜນການຝຶກອົບຮົມຄູຝຶກບານເຕະໃນຄັ້ງຕໍ່ໄປ ສະຫະພັນບານເຕະແຫ່ງຊາດລາວ ຈະຈັດການຝຶກອົບຮົມຄູຝຶກບານເຕະ ເອ ຂອງສະຫະພັນບານເຕະອາຊີ (AFC  A  COACHING CERTIFICATE COURSE) ຂຶ້ນໃນວັນທີ 30 ເມສາ ຫາ 26 ພຶດສະພາ 2018 (ປິດຮັບສະຫມັກຟອມສະໝັກວັນທີ 26 ມີນາ 2018).

ທ່ານໃດສົນໃຈສາມາດມາພົວພັນເອົາແບບຟອມສະໝັກກ່ອນຂອງທຸກໆການຝຶກອົບຮົມໄດ້ທີ່ ສຕລ ຫ້ອງການ ເຕັກນິກ-ວິທະຍາ ທຸກໆວັນຈັນ-ສຸກ.