ຕັດເຊືອກເອັຟເອຄັບມ່ວນແນ່ນອນ ແມນເຊັສເຕີ ຢູໄນເຕັດ ພົບ ທອດແນມ ຮອດສເປີ
March 19, 2018 - 5:54 PM
ແຟນບານມີຮ້ອງຮືຮາ ຫລັງ ແມນເຊັສເຕີ ຢູໄນເຕັດ ຕ້ອງມາພົບກັບ ທອດແນມ ຮອດສເປີ ໃນການແຂ່ງຂັນ ເອັຟເອ ຄັບ ຮອບຕັດເຊືອກ, ສ່ວນອີກຄູ່ ເຊລຊີ ຈະພົບກັບ ເຊົາແທມຕັນ.
ການແຂ່ງຂັນເອັຟ ເອ ຄັບ ຮອບຮອງຊະນະເລີດ ລະດູການນີ້ ມ່ວນແນ່ນອນ ຫລັງ ແມນເຊັສເຕີ ຢູໄນເຕັດ ຮອງຈ່າຝູງພຣີເມຍລີກ ອັງກິດ ຕ້ອງພົບກັບ ທອດແນມ ຮອດສເປີ ທີມແກ່ງຮ່ວມລີກ ໃນການຈັບສະຫລາກໃນວັນທີ 18 ມີນາ.
ຂະນະທີ່ຮອບຕັດເຊືອກອີກຄູ່ ເຊລຊີ ທີ່ບຸກໄປຕໍ່ເວລາເອົາຊະນະ ເລສເຕີ ຊິຕີ້ ຫວຸດຫວິດ 2-1 ໃນຮອບກ່ອນຮອງຊະນະເລີດເກມສຸດທ້າຍ ຈະພົບກັບ ເຊົາແທມຕັນ ອີກໜຶ່ງສະໂມສອນຈາກລີກສູງສຸດຂອງອັງກິດ ໂດຍທັງ 2 ຄູ່ຈະເຕະກັນທີ່ສະໜາມເວມບລີ ໃນນະຄອນຫລວງລອນດອນ ໃນວັນທີ 21/22 ເມສານີ້.
