ເຟເດີເຣີ ຜ່ານເຂົ້າຮອບ 8 ຄົນສຸຸດທ້າຍ ການແຂ່ງຂັນ ປາຣິບາສ ໂອເພັນ
ໂຣເຈີ ເຟເດີເຣີ ນັກເຕັນນິດຄົນດັງ ເຂົ້າສູ່ຮອບກ່ອນຮອງຊະນະເລີດຂອງລາຍການ ບີເອັນພີ ປາຣິບາສ ໂອເພັນ ໄດ້ສຳເລັດ ຫລັງຈາກຊະນະ ເມເຣມີ ຊາຣດີ້ 2 ເຊັດລວດ ໃນການແຂ່ງຂັນຮອບສີ່, ສ່ວນ ຮວນ ມາຣຕິນ ເດລ ໂປໂຕຣ ນັກເຕັນນິດຊາວອາຣເຈນຕິນາ ກໍຜ່ານຮອບນີ້ໄດ້ເຊັ່ນກັນ ດ້ວຍການຄວ້າໄຊເໜືອ ເລໂອນາຣໂດ້ ເມເຍີ 2-1 ເຊັດ.
ສະຫລຸບຜົນການແຂ່ງຂັນເຕັນນິດ ເອທີພີ ເວິລ ທົວ ລາຍການ ບີເອັນພີ ປາຣິບາສ ໂອເພັນ ຊີງເງິນລາງວັນລວມ 7 ລ້ານກວ່າໂດລາສະຫະລັດ ທີ່ເມືອງອິນດຽນ ເວລ ປະເທດສະຫະລັດອາເມລິກາ ໃນວັນທີ 13 ມີນາ.
ປະເພດຊາຍດ່ຽວ ຮອບສີ່: ໂຣເຈີ ເຟເດີເຣີ (ສະວິດເຊີແລນ, ມື 1) ຊະນະ ເມເຣມີ ຊາຣດີ້ (ຝຣັ່ງ) 2-0 ເຊັດ 7-5, 6-4; ຊຸງ ຮາຍອນ (ສ.ເກົາຫລີ, ມື 23) ຊະນະ ປາໂປລ ກູເອບາສ (ອຸຣຸໄກວ, ມື 30) 2-0 ເຊັດ 6-1, 6-3; ບໍນາ ໂຄຣິຊ (ໂຄຣເອເຊຍ) ຊະນະ ເທເລີ ຟຣິດ (ສະຫະລັດອາເມລິກາ) 2-1 ເຊັດ 6-2, 6-7 (6-8), 6-4; ເຄວິນ ແອນເດີສັນ (ອາຟຣິກາໃຕ້, ມື 7) ຊະນະ ປາໂບລ ກາເຣໂນ ບຸສຕ້າ (ສະເປນ, ມື 11) 2-1 ເຊັດ 4-6, 6-3, 7-6 (8-6); ແຊມ ເຄີເຣ (ສະຫະລັດອາເມລິກາ, ມື 18) ຊະນະ ເຟລິເຊຍໂນ ໂລເປຊ (ສະເປນ, ມື 28) 2-0 ເຊັດ 6-3, 6-4; ຮວນ ມາຣຕິນ ເດລ ໂປໂຕຣ (ອາເຈນຕິນາ, ມື 6) ຊະນະ ເລໂອນາໂດ້ ເມເຍີ (ອາເຈນຕິນາ) 2-1 ເຊັດ 3-6, 7-6 (7-2), 6-3; ປິແອ-ອູເກສ ແອຣແບຣ (ຝຣັ່ງ) ຊະນະ ຟີລິບ ໂຄຊໄຣເບີ (ເຢຍລະມັນ, ມື 31) 2-0 ເຊັດ 6-4, 7-6 (7-1); ມິລອສ ຣາໂອນິຊ (ການາດາດ ມື 32) ຊະນະຜ່ານ ມາກອສ ແບັກດາຕິສ (ໄຊປຣັດ) (ບັກດາຕິສ ຂໍຖອນຕົວເພາະມີອາການບໍ່ສະບາຍ).
