ທຳມະຊາດເປັນບໍ່ເກີດຂອງຊີວິດຍືນຍົງ

  ໂດຍ: ກ້ອງສ່ອງ ອິດສະຫລະ

ໃນໄລຍະສອງສາມເດືອນຜ່ານມານີ້, ເຮົາເອງໄດ້ໄປສຳ ຜັດກັບຫລາຍທ້ອງຖິ່ນໃນເຂດ ຊົນນະບົດບ່ອນຫ່າງໄກສອກ ຫລີກສິ່ງທີ່ໄດ້ເຫັນ ແລະ ໜ້າ ເປັນຫວ່ງນຳ ນັ້ນຄືຍັງເຫັນພາ ກັນຖາງປ່າ ເຮັດໄຮ່, ເຮັດສວນ, ຍັງເຫັນປະຊາຊົນບາງບ່ອນພາ ກັນໄປລັກຕັດໄມ້, ຍັງເຫັນປະ ຊາຊົນຈຳນວນບໍ່ໜ້ອຍຍັງພາ ກັນເອົາໝໍ້ໄຟຊອດເອົາປາແບບ ຈີບຫາຍວາຍວອດ ແລະ ບັນຫາ ອື່ນໆ ທີ່ຍັງບໍ່ທັນສອດຄ່ອງກັບ ລະບຽບກົດໝາຍຂອງ ບ້ານ ເມືອງ ສິ່ງທີ່ໜ້າເປັນຫ່ວງອີກອັນ ໜຶ່ງກໍຄືອຳນາດການປົກຄອງ ໃນ ຫລາຍບ້ານ, ຫລາຍທ້ອງຖິ່ນ ຍັງບໍ່ທັນມີວິໄສທັດ ແລະ ບໍ່ທັນ ລົງມືໃນການພັດທະນາໃຫ້ ທ້ອງຖິ່ນຂອງຕົນໄດ້ຫັນໄປສູ່ ປັດໄຈອັນໃໝ່ຢ່າງຈິງຈັງ, ເປັນ ຕົ້ນຍັງພາກັນທຳມາຫາກິນ ຕາມທຳມະຊາດ, ຕາມຄວາມ ຊິນເຄີຍແບບເກົ່າ ຄືສະໄໝພໍ່ ແມ່ເຮົາແຕ່ກີ້ແຕ່ກ່ອນເບິ່ງຢ່າງ ໜຶ່ງຄືໃຜມີຫົວຄິດຫົວຫາແນວ ໃດກໍພາກັນເຮັດແນວນັ້ນ ການ ຊອກຢູ່ຫາກິນຫລັກໆ ໃນທ້ອງ ຖິ່ນຊົນນະບົດບາງບ່ອນສ່ວນ ຫລາຍແມ່ນໄປຫາເກັບຜັກຫັກ ໜໍ່ຕາມທຳມະຊາດມາຂາຍໃນ ແຕ່ລະວັນ, ພາກັນໄປຍິງກະ ຮອກ, ກະແຕ, ຍິງຟານ, ຍິງໝູ ປ່າ ແລະ ຫາກ້ານຕາມປ່າຕາມ ດົງ, ພາກັນລັກເອົາໝໍ້ໄຟໄປ ຊອດເອົາປາມາຂາຍ, ຍາມເຜີໆ ມາກໍຍັງມີການລັກຕັດໄມ້ຕາມ ປ່າຕາມດົງມາເຮັດເຮືອນຊານ ລານແປ້ນ ຫລື ຂາຍມະຍິບ ມະຍ່ອຍ.
ສະພາບທຳມະຊາດ ແລະ ສິ່ງແວດລ້ອມອ້ອມຂ້າງທີ່ເປັນ ບ່ອນຢູ່ອາໄສ ແລະ ບ່ອນຊອກ ຢູ່ຫາກິນກໍນັບມື້ກຸດຫ້ຽນໄປທ່ີ ລະເລັກລະໜ້ອຍ, ເຫດການ ຕົວຈິງທີ່ເຮົາໄດ້ຍົກເອົາມາເວົ້າ ຂ້າງເທິງນີ້ແມ່ນຍັງເຫັນມີແຜ່ ຫລາຢູ່ແຖວຊົນນະບົດຫ່າງໄກ ສອກຫລີກ.

+ ໂຄງການຄຸ້ມຄອງປ່າໄມ້ແບບຍືນນານມອບ​ທຶນ​ພັດທະນາ​​ໃຫ້ 12 ບ້ານເມືອງຊະນະຄາມ

+ ລາວເພີ່ມທະວີການຄຸ້ມຄອງປ່າໄມ້

ຕາມເຮົາວ່າ, ຖ້າເຮົາບໍ່ ພາກັນສະດຸ້ງ ແລະ ຍັງບໍ່ມີວິທີ ການຕ້ານ ແລະ ສະກັດກັ້ນຢ່າງ ຈິງຈັງອີ່ຫລີ, ບໍ່ໄວກໍຊ້າທຳມະ ຊາດ ແລະ ສິ່ງແວດລ້ອມທີ່ສົດ ໃສຈະໜີຈາກເຮົາແບບແນມບໍ່ ເຫັນກິ່ນ, ສຸດທ້າຍລົມຫົວກຸດມັນ ຈະມາປະຫັດປະຫານຊີວິດ ແລະ ຊັບສິນຂອງຄົນເຮົາເໝືອນດັ່ງ ປັດຈຸບັນ.

ໃນມະຕິ 10 ຂອງພັກກໍໄດ້ ເວົ້າວ່າ: ສ້າງເສດຖະກິດແຫ່ງ ຊາດໄປຕາມທິດພັດທະນາແບບ ຍືນຍົງ; ເຊິ່ງໃນນີ້ກໍໄດ້ລະບຸເຖິງ 10 ບັນຫາທີ່ຈະຕ້ອງໄດ້ສູ້ຊົນ ເຮັດໃຫ້ສຳເລັດ ແລະ ໃນວຽກ ສາມສ້າງກໍໄດ້ເວົ້າແຈ້ງວ່າ: ສ້າງແຂວງເປັນຫົວໜ່ວຍຍຸດທະ ສາດ, ສ້າງເມືອງເປັນຫົວໜ່ວຍ ເຂັ້ມແຂງຮອບດ້ານ ແລະ ສ້າງ ບ້ານເປັນຫົວໜ່ວຍພັດທະນາ, ມາເບິ່ງໃນດ້ານພື້ນຖານໂຄງ ລ່າງພັກ ແລະ ລັດຖະບານໄດ້ ສ້າງຖະໜົນຫົນທາງເຊື່ອມ ຈອດທຸກບ້ານ, ມີໄຟຟ້າ, ນ້ຳສະ ອາດເກືອບທຸກຄອບຄົວ, ມີສຸກ ສາລາ, ໂຮງໝໍ, ໂຮງຮຽນ.
ອັນເງື່ອນໄຂໃນການພັດ ທະນາເພື່ອລົບລ້າງຄວາມທຸກ ຍາກຂອງປະຊາຊົນ, ນັບແຕ່ປະ ເທດຊາດບ້ານເມືອງຂອງພວກ ເຮົາໄດ້ເດີນຕາມເສັ້ນທາງປ່ຽນ ແປງໃໝ່ມານີ້, ໄດ້ສ້າງຄວາມ ຈະເລີນຮຸ່ງເຮືອງມາໃຫ້ປະເທດ ຊາດ ແລະ ປະຊາຊົນໄດ້ເປັນ ຢ່າງດີ, ສະແດງອອກຊີວິດການ ເປັນຢູ່ຂອງປະຊາຊົນນັບມື້ດີ ຂຶ້ນ ເທື່ອລະກ້າວ, ສີສັນຂອງທ້ອງ ຖິ່ນຊົນນະບົດໄດ້ມີການປ່ຽນ ແປງຢ່າງເຫັນໄດ້ຊັດ, ແຕ່ສິ່ງທີ່ ຄ້າງຄານັ້ນແມ່ນແນວຄິດຂອງ ປະຊາຊົນນັ້ນຍັງແບບເກົ່າຄອງ ເດີມ, ບໍ່ທັນຕື່ນຕົວສູງໃນດ້ານ ການປະຕິບັດຕົວບົດກົດໝາຍ, ຊ້ຳບໍ່ໜຳການນຳໃນທ້ອງຖິ່ນບໍ່ ເປັນແບບຢ່າງເທົ່າທີ່ຄວນ, ບໍ່ ເດັດຂາດເຂັ້ມງວດໃນການນຳ ພາຄຸ້ມຄອງລັດ, ຍິ່ງໄປກວ່ານັ້ນ ຍັງມີການສວຍໃຊ້ສິດອຳນາດ, ໜ້າທີ່ຕຳແໜ່ງຂອງຕົນຊອກຫາ ແຕ່ຜົນປະໂຫຍດ, ປີນີ້ຕ້ອງຊອກ ເງິນມາຕັ້ງເຮືອນໃຫ້ໄດ້ 2 ຫລັງ, ປີໜ້າຕ້ອງໃຫ້ໄດ້ລົດລີໂວ່ ຫລື ປຣາໂດ, ປີຕໍ່ໄປໃຫ້ໄດ້ສວນຈັກ 10 ເຮັກຕາ, ເມື່ອໄດ້ຮັບບຳນານ ໄປເຮົາກໍມີທີ່ຈັ້ງ, ຍັງບໍ່ທັນເວົ້າ ເລື່ອງກິນຫລາຍໝ້ອງ, ນອນ ຫລາຍບ່ອນ, ປ່ອນຫລາຍຮູ ນີ້ ຄື ແນວຄິດຂອງພະນັກງານແກນ ນຳຈຳນວນໜຶ່ງທີ່ດຳລົງຊີວິດ ຢູ່ທ້ອງຖິ່ນຮາກຖານ.

ເຖິງຢ່າງໃດກໍດີ, ຕາມເຮົາ ວ່າຖ້າຫາກລະບົບແນວຄິດຂອງ ຄົນຢູ່ແຖວຊົນນະບົດບໍ່ທັນຫັນ ເຂົ້າສູ່ອັນທັນສະໄໝ ບໍ່ໄວກໍຊ້າ ທຳມະຊາດ ແລະ ສິ່ງແວດລ້ອມ ອ້ອມຕົວເຮົາຈະເຫືອດຫາຍໄປ ທີ່ລະໜ້ອຍ, ສຸດທ້າຍບໍ່ເກີດແຫ່ງ ຄວາມສຸກ, ຄວາມຍືນຍົງມັນກໍ ຄ່ອຍໜີເຫີນຫ່າງສິ່ງທີ່ເຫລືອກໍ ມີແຕ່ພູປອກໂຫລ້ນກັບກະຕໍ ກາງໄຮ່./.