ຜົນສຳເລັດຈາກນ້ອຍໄປຫາໃຫຍ່

ທ້າວ ສົມສີ ເປັນຄົນພື້ນຖານຢູ່ກັບບ້ານໄຊສະຫວ່າງ, ເມືອງໄຊທານີ, ນະຄອນຫຼວງວຽງຈັນ. ມີອາຊີບຄ້າຂາຍ ແລະ ຕັ້ງຮ້ານນ້ອຍໆສ້ອມແປງລົດແຄມທາງມາຕັ້ງແຕ່ປີ1993, ຍ້ອນມີຄວາມອົດທົນພາກພຽນ, ມີການໃຊ້ຈ່າຍ ແບບປະຢັດບໍ່ຟຸມເຟືອຍ, ຮູ້ຈັກເກັບກຳທຶນຮອນທີ່ ຫາມາໄດ້ ແລະ ທັງເປັນຄົນທີ່ ມີຄວາມບໍລິສຸດສັດຊື່ ແລະ ບໍລິ ການລູກຄ້າໄດ້ດີຈິ່ງເຮັດໃຫ້ການ ສ້າງເສດຖະກິດຄອບຄົວຂອງລາວ ຈາກທຸລະກິດທີ່ນ້ອຍໆຫັນມາເປັນທຸລະກິດ ທີ່ໃຫຍ່ໄດ້ ແລະ ເຮັດໃຫ້ຊີວິດການເປັນຢູ່ຂອງຄອບຄົວດີຂຶ້ນເລື້ອຍໆ.

ສົມສີ ເລົ່າສູ່ຟັງວ່າ: ເມື່ອ ກ່ອນຕົນເອງຕັ້ງຮ້ານນ້ອຍສ້ອມແປງລົດແຄມທາງ ແລະ ເມັຍກໍໄດ້ຄ້າຂາຍເຄື່ອງ ຍ່ອຍໄປພ້ອມກັນແບບທຸລະກິດນ້ອຍຂອງຄອບ ຄົວພໍແກ້ໄຂຊີວິດການເປັນ ຢູ່ປະຈຳວັນ,ໃນແຕ່ລະມື້ ຕົນເອງທັງເຮັດວຽກສ້ອມແປງລົດ ແລະ ທັງຊ່ວຍເມຍຂາຍເຄື່ອງ ແລະ ສົ່ງເຄື່ອງໃຫ້ລູກຄ້າ, ກິດຈະການດັ່ງ ກ່າວດຳເນີນໄປທຸກໆມື້ ແລະ ກໍມີລາຍຮັບເຖິງບໍ່ຫລາຍແຕ່ກໍ ເປັນປົກກະຕິໃນແຕ່ລະມື້ດັ່ງນັ້ນຕ້ອງ ໄດ້ແບ່ງໃຊ້ແບ່ງຈ່າຍເພື່ອເກັບ ທ້ອນໄວ້ເປັນທຶນເປັນຮອນ.  ແລະ ຜ່ານການໃຊ້ຊີວິດດັ່ງກ່າວມາເປັນ ເວລາສິບກວ່າປີຄືປີ 2009 ພໍມີທຶນຮອນຈຳນວນໜຶ່ງຈຶ່ງໄດ້ມາສ້າງຕັ້ງອູ່ສ້ອມແປງລົດໃຫຍ່ຂຶ້ນ ແລະ ເບື້ອງຕົ້ນກໍປະ   ສົບຄວາມຫຍຸ້ງຍາກຫລາຍອັນຍ້ອນຍັງຂາດເຂີນຂາດເຄື່ອງ ອາໄລ່ລົດ, ຕ່າງໆຈົນມາຮອດປີ 2012-2013 ຈິ່ງໄດ້ຍົກເລີກ ຮ້ານຂາຍເຄື່ອງຍ່ອຍແລ້ວຫັນ ມາຕັ້ງຮ້ານຂາຍ ເຄື່ອງອາໄລ່ລົດ ແທນເພື່ອຄວາມສະດວກໃຫ້ລູກ ຄ້າທີ່ມານໍາໃຊ້ບໍລິການ. ໂດຍການລົງທຶນທັງໝົດປະມານ 300 ລ້ານກີບ. ສ່ວນເຄື່ອງອາ ໄລ່ຈຳນວນຫຼາຍແມ່ນບໍລິສັດໂຄລາວເປັນຜູ້ຕອບສະໜອງ  ແລະ ຜົນຕອບແທນກໍຄືທາງ ບໍລິສັດຈະຄິດໄລ່ເປີເຊັນໃຫ້.

ທ້າວ ສົມສີ ໃຫ້ຮູ້ຕື່ມອີກວ່າ: ນັບແຕ່ໄດ້ດຳເນີນກິດຈະການ ສ້ອມແປງລົດໃຫຍ່ ແລະ ທັງ ຂາຍເຄື່ອງອາໄລ່ ເຫັນວ່າມີລາຍຮັບດີຂຶ້ນກວ່າເກົ່າ,  ແລະ  ສາມາດຊ່ວຍໃຫ້ຄອບຄົວມີຊີວິດການເປັນຢູ່ດີຂຶ້ນຢ່າງໜ້າ       ເພິງພໍໃຈ.

ການເຮັດທຸລະກິດໃດໜຶ່ງກໍຕ້ອງເລີ່ມເຮັດຈາກ ນ້ອຍໄປຫາ ໃຫຍ່ໄປຕາມຂັ້ນຕອນຂອງມັນຈິ່ງຈະດີ ແລະ ຈະບໍ່ຂາດທຶນດັ່ງ ທ່ານ ສົມສີ ມາຮອດປັດຈຸບັນ ໄດ້ເປັນເຈົ້າຂອງອູ່ສ້ອມແປງ ລົດໃຫຍ່ໂຊກຈະເລີນແລ້ວ, ຖ້າຜູ້ ໃດຫາກຕ້ອງການຢາກມາສ້ອມແປງລົດຫຼືກວດກາສະພາບລົດ ຂອງ ທ່ານ, ກະລຸນາແວ່ມາອູ່ ສ້ອມແປງລົດໃຫຍ່ໂຊກຈະເລີນຕັ້ງຢູ່ບ້ານໄຊສະຫວ່າງ, ເມືອງ ໄຊທານີ, ນະຄອນຫຼວງວຽງຈັນ, ທາງຮ້ານຍິນດີບໍລິການ ທ່ານດ້ວຍຄວາມພໍໃຈ.