ມາດຕະການໝິ່ນປະໝາດ ຫລື ເຍາະເຢີ້ຍຜູ້ນຳ

#ວິເສດ ສະແຫວງສຶກສາ  

ມື້ນີ້ພວກເຮົາລອງພາກັນ ໄປເບິ່ງມາດຕະການ ທາງກົດ ໝາຍຕໍ່ການກະທຳທີ່ເປັນການ ໝິ່ນປະໝາດ, ສຽດສີເຍາະ ເຢີ້ຍຜູ້ນຳຂອງປະເທດກໍຄືເຄື່ອງ ໝາຍທີ່ເປັນສິ່ງສັກກະລະບູຊາ ຂອງພົນລະເມືອງພາຍໃນປະ ເທດເຊັ່ນ: ທຸງຊາດ, ເພງຊາດ ດັ່ງນີ້ເປັນຕົ້ນ.

ໃນຊຸມປີຫລັງໆ ມານີ້, ຫລາຍປະເທດໄດ້ເຄັ່ງລະບຽບການເພື່ອຮັກສາໄວ້ ຄວາມສັກ ສິດຂອງອຳນາດລັດທີ່ຕິດພັນ ກັບຜູ້ນຳຂອງປະເທດ, ເພງ ຊາດ, ເຄື່ອງໝາຍຊາດ ແລະ ອື່ນໆ ເຊັ່ນຫວ່າງບໍ່ດົນມານີ້ ຟີ ລິບປິນກໍປະກາດມາດຕະການ ລົງໂທດ ຫລື ປະຕິບັດວິໄນຕໍ່ຜູ້ ທີ່ຮ້ອງ ເພງຊາດບໍ່ສຸດ, ຮ້ອງບໍ່ ເຕັມສຽງພໍເປັນຮີດ ຫລື ພຽງ ແຕ່ເຮັດສົບຕີງມຸບໆ ມິນໆ ໄປ ນຳໝູ່ ຊື່ໆ.

ຟີລິບປິນ ຖືວ່າເພງຊາດ ແມ່ນ ວິນຍານຂອງຄວາມເປັນ ຊາດ, ເອກະລາດ, ອະທິປະໄຕ ການຮ້ອງເພງຊາດຕ້ອງເປັ່ງ ເຕັມສຽງໃນທ່າທີ່ສະຫງ່າ ຜ່າເຜີຍ.
ຢູ່ ສປ ຈີນ ເມື່ອທ້າຍປີ ຜ່ານມາ, ກໍໄດ້ມີການກຳນົດ ຄືນໃໝ່ກ່ຽວກັບກາລະ ແລະ ເທ ສະສຳລັບຮ້ອງ ຫລື ເປີດເພງ ຊາດຄືກຳນົດໃຫ້ໃຊ້ເພງຊາດ ໃນພິທີການ ຫລື ເຫດການລະ ດັບ ສຳຄັນຂອງຊາດ, ບໍ່ແມ່ນ ເອົາໄປຮ້ອງໃນວົງເຮຮາຟ້າ ລັນ, ໃນງານສົບ, ງານທີ່ເປັນ ສ່ວນຕົວຂອງບຸກຄົນ, ຖ້າໃຜ ລະເມີດກໍຈະໄດ້ຮັບໂທດຕາມ ສະຖານໜັກ ຫລື ເບົາ.
ຢູ່ປະເທດ ເອຢິບ ແລະ ອີຣານ ກໍໄດ້ປະກາດມາດຕະ ການເອົາຜິດຕໍ່ທຸກການກະທຳ ທີ່ມີລັກສະນະໝີ່ນປະໝາດ, ໃສ່ຮ້າຍປ້າຍສີຜູ້ນຳ ໃຫ້ເສຍ ກຽດສັກສີ ແລະ ອິດທິພົນ. ຫວ່າງວັນທີ 20 ກຸມພາປີນີ້ ສຳນັກຂ່າວຝຣັ່ງ (AFP) ກໍ ໄດ້ລາຍງານຈາກ ມາເລເຊຍ ກ່ຽວກັບການຕັດສິນຈຳຄຸກ ເປັນເວລາ 1 ເດືອນ ແລະ ປັບ ໄໝ ເປັນຈຳນວນເງິນ 30.000 ຣິງກິດ (ປະມານກວ່າ 6.000 ໂດລາສະຫະລັດ).

ສຳລັບຜູ້ແຕ້ມຮູບກາຕຸນ ເຍາະເຢີ້ຍ ທ່ານ ນາຍົກ ນາຈິບ ລາຊັກ ຂອງມາເລເຊຍ. ນັກ ແຕ້ມ ກາຕຸນມືຈັງໄຮ ດັ່ງກ່າວຊື່ ທ້າວຟາມີ ເຣຊາ ເຂົາໄດ້ແຕ້ມ ຮູບນາຍົກເປັນ ຄືກັບໂຕຕະຫລົກ ແລ້ວເຜີຍແຜ່ທາງສື່ອອນເລຍ. ກາຕຸນດັ່ງກ່າວຖືກຕີລາຄາວ່າ ເປັນເລື່ອງລາມົກ, ບໍ່ເໝາະສົມ, ປິດເບືອນ ແອບແຝງດ້ວຍເຈດ ຕະນາ ຮ້າຍເພື່ອສ້າງຄວາມເສຍ ຫາຍໃຫ້ຄົນອື່ນ.

ສ່ວນຢູ່ ກຳປູເຈຍ ນັ້ນ, ໃນ ວັນທີ 14 ເດືອນກຸມພາປີນີ້ ສະ ມາຊິກສະພາແຫ່ງຊາດໄດ້ເປັນ ເອກະພາບຮັບຮອງເອົາກົດ ໝາຍຫ້າມໝິ່ນປະໝາດເຈົ້າຊີ ວິດ ແລະ ສະມາຊິກ ລາຊະວົງ ໂດຍໄດ້ກຳນົດວ່າ ໃຜລະເມີດ ກົດໝາຍສະບັບນີ້ ຈະໄດ້ຮັບ ໂທດຈຳຄຸກສູງສຸດ 5 ປີ ແລະ ຖືກປັບໄໝ ສູງສຸດ 2.500 ໂດລາສະຫະລັດ (ປະມານ 20 ລ້ານກີບ).
ເນື້ອໃນຂອງມາດຕາກຳ ນົດໂທດນີ້ ໄດ້ເພີ່ມເຂົ້າປະມວນ ກົດໝາຍອາຍາເພື່ອໃຫ້ສິດ ອຳນາດໄອຍະການໃນການດຳ ເນີນຄະດີກັບບຸກຄົນທີ່ມີພຶດ ຕິກຳໝິ່ນປະໝາດຕໍ່ເຈົ້າຊີວິດ ກໍຄືສະມາຊິກ ລາຊະວົງ ບໍ່ວ່າ ຈະເປັນທາງ ວາຈາ ຜ່ານລາຍ ລັກອັກສອນ ຫລື ດ້ວຍການ ສະ ແດງປະຕິກິລິຍາກໍຕາມ ເຊິ່ງ ທັງ ໝົດຈະຕ້ອງໄດ້ຮັບໂທດຈຳຄຸກ ແຕ່ 1-5 ປີ ແລະ ເສຍຄ່າປັບ ໄໝແຕ່ 500-2.500 ໂດລາ ສະຫະລັດ./.

+ ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ

+ ມາດຕະການທີ່ຄວນເບິ່ງໄວ້ເປັນບົດຮຽນ