ເມືອງຫົງສາເປີດແຫລ່ງທ່ອງທ່ຽວທຳມະຊາດແຫ່ງໃໝ່
ທ້າຍອາທິດຜ່ານມານີ້, ເມືອງຫົງສາ ແຂວງໄຊຍະບູລີ ໄດ້ຈັດພິທີເປີດແຫລ່ງທ່ອງ ທ່ຽວທາງທຳມະຊາດ ແຫ່ງ ໃໝ່ ຄື: ຖ້ຳຫ້ວຍງາມ-ຕົ້ນແຕ້ຂ່າ ໃຫຍ່ ບ້ານປາກງື່ມ, ຕາດຄຳ ແສນ ບ້ານແກ້ງແອນ ແລະ ກ້ອນຊວ່າງ ບ້ານທ່າຊວ່າງ, ເນື່ອງໃນໂອກາດປີທ່ອງທ່ຽວ ລາວ 2018. ໂດຍການເຂົ້າ ຮ່ວມຂອງທ່ານ ຮອງເຈົ້າເມືອງ ຫົງສາ ແລະ ພະນັກງານວິຊາ ການ, ພ້ອມປະຊາຊົນເຂົ້າຮ່ວມ ຢ່າງຫລວງຫລາຍ.
+ ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ
ໃນໂອກາດນີ້, ທ່ານ ຫົວ ໜ້າຫ້ອງການຖະແຫລງຂ່າວ ວັດທະນະທຳ ແລະ ທ່ອງທ່ຽວ ເມືອງ ໄດ້ເລົ່າເຖິງປະຫວັດ ຄວາມເປັນມາຂອງຖ້ຳຫ້ວຍ ງາມ-ຕົ້ນແຕ້ຂ່າໃຫຍ່ ບ້ານ ປາກງື່ມ ເຊິ່ງແຫລ່ງທ່ອງທ່ຽວ ດັ່ງກ່າວ ຕັ້ງຢູ່ຫ່າງຈາກບ້ານ ປະຊາຊົນອອກໄປ ປະມານ 11 ກິໂລແມັດ, ສ່ວນ ຖ້ຳຫ້ວຍ ງາມເປັນຖ້ຳທີ່ງົດງາມຢູ່ ພາຍ ໃນຖ້ຳມີຫີນງອກມີຫລາຍ ຮູບຊົງທີ່ງົດງາມ. ຕ່າງກັນ ສຳລັບຕົ້ນໄມ້ແຕ້ຂ່າ ແມ່ນ ເກີດ ກ່ອນຕັ້ງບ້ານປາກງື່ມ ຄາດວ່າ ມີອາຍຸຫລາຍ ກວ່າ 100 ປີ. ສ່ວນຕາດຄຳແສນ ບ້ານ ແກ້ງ ແອນ ຕັ້ງຢູ່ຫ່າງ ຈາກຕົວເມືອງ ຫົງສາ ປະ ມານ 31 ກິໂລແມັດ, ມີຄວາມ ສູງ 15 ແມັດ, ກວ້າງ 20 ແມັດ, ສາມາດລົງ ຫລິ້ນ ນ້ຳໄດ້ ສະບາຍ.
ໃນຂະນະທີ່ກ້ອນຊ່ວາງ ເປັນກ້ອນຫີນທີ່ໃຫຍ່ ຕັ້ງຢູ່ ກາງແມ່ ນ້ຳຂອງ ເຂດບ້ານທ່າ ຊວ່າງ ຫ່າງ ຈາກເທສະ ບານເມືອງຫົງສາ ປະມານ 25 ກິໂລແມັດ. ເຊິ່ງຈະເປັນ ທ່າແຮງຊ່ວຍດຶງດູດການ ທ່ອງ ທ່ຽວແຂວງດັ່ງກ່າວນັບທັງ ການຮຽນຮູ້ປະຫວັດສາດ, ຊື່ນ ຊົມທຳມະຊາດ ແລະ ອານຸລັກ ວັດທະນະທຳ. ສະນັ້ນ, ຈຶ່ງຂໍ ເຊີນຊວນນັກທ່ອງທ່ຽວທັງ ພາຍໃນ ແລະ ຕ່າງປະເທດ ຈົ່ງຫາໂອກາດໄປຢ້ຽມຊົມ ແລະ ສຳພັດກັບສະຖານທີ່ ທ່ອງທ່ຽວແຫ່ງໃໝ່ດັ່ງກ່າວ ໃຫ້ປະທັບໃຈ.
