ບາເຊໂລນາ ສະເໝີກັບ ຢູເວນຕຸສ 0-0 ຕົກຮອບ 8 ທີມສຸດທ້າຍ ຢູຟາ ແຊ໊ມປຽນລີກ

ການແຂ່ງຂັນເຕະບານ ຢູ ຟາ ແຊ໊ມປຽນລີກ 2017 ປະຈຳ ວັນທີ 19 ເມສາ ເປັນການພົບກັນ ໃນຄູ່ລະຫວ່າງ ບາເຊໂລນາ ເປີດ ສະໜາມຄຳນູ ຕ້ອນຮັບການມາ ຢາມ ຢູເວນຕຸສ ທີ່ນັດທຳອິດ ຢູເວນຕຸສ ເປີດບ້ານເອົາຊະນະ ມາກ່ອນ 3-0.

ເປີດສາກການແຂ່ງຂັນເວ ລາທຳອິດ ບາເຊໂລນາ ເປີດເກມ ບຸກເຂົ້າໃສ່ທັນທີ ແຕ່ເກມຮັບ ຢູ ເວນຕຸສ ຍັງເຮັດໜ້າທີ່ໄດ້ດີ ນາທີ 20 ເປັນໂອຫາດກວາດສຽວ ຂອງເຈົ້າຖິ່ນ ອັລບາ ລາກບານ ມາກ່ອນເປີດບານເລີຍ ຊົວເຣດ ແຕ່ກາຍເປັນດີເຂົ້າທາງ ເມສຊີ ຍິງດ້ວຍຊ້າຍບານດາດເສົາອອກໄປຢ່າງໜ້າເສຍດາຍ.

ບາເຊໂລນາ ຍັງບຸກຕໍ່ເນື່ອງ ເພື່ອຕ້ອງການ 3 ປະຕູ ນາທີ 31 ລີໂອເນລ ເມສຊີ ຄົນເກົ່າໄດ້ຍິງ ດ້ວຍຊ້າຍບານຕິດເຊຟ ບຸຟຟອນ ບານຕົກມາໄດ້ຊ້ຳອີກຄັ້ງແຕ່ບານເຂົ້າຂ້າງປະຕູ. ຫຼັງເຈາະບໍ່ໄດ້ ຢູເວນຕຸສ ໄດ້ຈັງຫວະ ແລະ ເກືອບຂຶ້ນນຳຮາທີ 38 ປານິດ ເປີດບານໃຫ້ ອິກວາອິນ ໄດ້ຍິງ ແຕ່ ສະເຕເກນ ຍັງຄຸກເຂົ່າຮັບໄວ້ ໄດ້ບໍ່ມີພາດ ກ່ອນທີ່ເຄິ່ງເວລາທຳ ອິດຈະຈົບລົງດ້ວຍ 0-0 ປະຕູ.

ເຂົ້າສູ່ເຄິ່ງເວລາທີສອງ ບາ ເຊໂລນາ ບໍ່ມີຫຍັງຈະເສຍແລ້ວ ພະຍາຍາມເປີດເກມບຸກ ແຕ່ຍັງ ບໍ່ມີທ່າທາງທີ່ຈະເຈາະແນວຮັບ ຂອງ ຢູເວນຕຸສ ໄດ້ເລີຍ ໂດຍ 10 ນາທີທຳອິດຂອງເຄິ່ງຫຼັງ ເມສຊີ ແລະ ເນມາ ໄດ້ຍິງແຕ່ບານຂ້າມ ຄານອອກໄປທັງຄູ່. ນາທີ 63 ບາ ເຊໂລນາ ເຈົາະບໍ່ເຂົ້າເລີ່ມຖືກ ຢູ ເວນຕຸສ ບຸກເກືອບເສຍປະຕູ ອິກວາອິນ ໄດ້ຍິງໜ້າເຂດໂທດ ບານກຳລັງສຽບໃຕ້ຄານຢູ່ແລ້ວ ແຕ່ ສະເຕເກນ ສະແດງຊຸບເປີເຊຟ ຢ່າງດີເດັ່ນ. ໂອກາດສຳຄັນຂອງ ບາເຊໂລນາ ຫຼຸດລອຍໃນ 4 ນາ ຕໍ່ມາ ເນມາ ເປີດບານເຕະແຈ ເຂົ້າມາ ບຸຟຟອນ ເຮັດບານຫຼຸດມາ ເຖິງ ຊົວເຣດ ຕັ້ງບານໃຫ້ ເມສຊີ ຍິງເນັ້ນໆແຕ່ບານຂ້າມຄານອອກໄປຢ່າງເຫຼືອເຊື່ອ. ບາເຊໂລນາ ຍັງບຸກຕໍ່ເນື່ອງ ນາທີ 70 ເທົາສີ ລາກບານເຖິງເຂດໂທດກ່ອນຄືນໃຫ້ ເຊຈີ ໂຣແບໂຕ ຍິງເຕັມຂໍ້ບານ ກໍຍັງອອກຫຼັງຄືເກົ່າ. ຈາກນັ້ນ ບາ ເຊໂລນາ ກໍຍັງບຸກຕໍ່ ແຕ່ບໍ່ສາມາດ ເຈາະແນວຮັບຂອງ ຢູເວນຕຸສໄດ້ ຈົບການແຂ່ງຂັນ ບາເຊໂລນາ ເຮັດໄດ້ພຽງສະເໝີກັບ ຢູເວນຕຸສ ແບບບໍ່ມີປະຕູ 0-0 ປະຕູ ລວມ ຜົນ 2 ນັດ ຢູເວນຕຸສ ເອົາຊະນະ 3-0 ຜ່ານເຂົ້າຮອບຮອງຊະນະ ເລີດຕໍ່ໄປ