ຢູຟາ ສັ່ງລົງໂທດ ລີຍົງ ແລະ ເບຊິກຕັສ ເປັນເວລາ 2 ປີ ກໍລະນີກອງເຊຍກໍ່ຄວາມວຸ້ນວາຍ

ສະຫະພັນບານເຕະເອີຣົບ (ຢູຟາ) ປະກາດລົງໂທດຫ້າມ ໂອລິມປິກ ລີຍົງ ຈາກຝຣັ່ງ ແລະ ເບຊິກຕັສ ຈາກຕຸຣກີ ເຂົ້າຮ່ວມ ແຂ່ງຂັນໃນບານເຕະສະໂມສອນ ເອີຣົບເປັນໄລຍະເວລາ 1 ລະດູ ການ ຈາກກໍລະນີທີ່ບໍ່ສາມາດ ຄວບຄຸມກອງເຊຍຕົນເອງໄດ້ ຈົນ ກໍ່ເຫດທະເລາະວິວາດກັນວຸ້ນ ວາຍ ໃນການແຂ່ງຂັນ ຢູຟາ ຢູໂຣ ປາລີກ ຮອບ 8 ທີມສຸດທ້າຍ ນັດ ທຳອິດທີ່ ລີຍົງ ເອົາຊະນະ ເບຊິກ ຕັສ 2-1 ໃນວັນພະຫັດທີ 13 ເມສາຜ່ານມາ ແຕ່ໂທດດັ່ງກ່າວ ເປັນການພັກເອົາໄວ້ກ່ອນເປັນເວລາ 2 ປີ ຫາກມີການເຮັດຜິດຊ້ຳ ສອງພາຍໃນໄລຍະເວລາດັ່ງ ກ່າວໂທດ 1 ລະດູການຈະມີຜົນ ທັນທີ ໃນກໍລະນີທີ່ ລີຍົງ ຫຼື ເຊບິກ ຕັສ ສາມາດເຮັດອັນດັບຈົນຄວ້າ ໂກ ຕ້າໄປຫຼິ້ນບານເຕະເອີຣົບໄດ້.

ໃນເກມດັ່ງກ່າວຕ້ອງເລື່ອນເວລາອອກຫຼ້າຊ້າອອກໄປເຖິງ 45 ນາທີ ເນື່ອງຈາກກອງເຊຍ ທັງສອງທີມກໍ່ເຫດທະເລາະວິ ວາດກັນເທິງອັດສະຈັນບ່ອນນັ່ງ ເຮັດໃຫ້ກອງເຊຍທີ່ບໍ່ມີກ່ຽວຂ້ອງ ເຫດວິວາດຕ້ອງແລ່ນລົງມາຫຼົບ ໃນສະໜາມ ເພື່ອປ້ອງກັນບໍ່ໃຫ້ ຖືກລູກຫຼົງ ແລະ ກວ່າເຈົ້າໜ້າທີ່ ຕຳຫຼວດ ແລະ ເຈົ້າໜ້າທີ່ຮັກສາ ຄວາມປອດໄພຈະຄວບຄຸມສະ ຖານະການໄດ້ ຕ້ອງໃຊ້ເວລາ ຫຼາຍກວ່າ 30 ນາທີ ຈຶ່ງເຮັດໃຫ້ ການແຂ່ງຂັນຕ້ອງຫຼ້າຊ້າອອກ ໄປ.