ຮອງປະທານການແດງລາວລົງຊຸກຍູ້ໂຄງການລ້ຽງງົວ ຢູ່ແຂວງເຊກອງ

ເມື່ອອາທິດຜ່ານມາ, ທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ພ້ອມຄະນະ, ໄດ້ລົງເຄື່ອນໄຫວຊຸກຍູ້ ຕິດຕາມກອງທຶນລ້ຽງງົວ ຢູ່ເມືອງ ທ່າແຕງ ແຂວງເຊກອງ, ເພື່ອປຶກສາຫາລືວິທີການຊ່ວຍເຫຼືອປະຊາຊົນໃນຕໍ່ໜ້າ ກັບອໍານາດການປົກຄອງເມືອງດັ່ງກ່າວ ແລະ ໄດ້ຮັບຟັງການລາຍງານ ການຈັດຕັ້ງປະຕິບັດວຽກງານໃນປີຜ່ານມາ ແລະ ແຜນການປີໜ້າ ຈາກຫົວໜ້າກາແດງແຂວງ, ພ້ອມນີ້, ທ່ານຮອງປະທານອົງການກາແດງລາວ ພ້ອມຄະນະ, ຍັງໄດ້ນໍາເອົາເຄື່ອງນຸ່ງຫົ່ມຈໍານວນໜຶ່ງໄປມອບໃຫ້ປະຊາຊົນຜູ້ທີ່ຂາດເຂີນ ແລະ ໄດ້ຮັບຜົນກະທົບຈາກໄພພິບັດຕ່າງໆ ທີ່ເມືອງດາກຈຶງ ແຂວງດັ່ງກ່າວ, ຊຶ່ງລວມມີມູນຄ່າຫຼາຍກວ່າ 13 ລ້ານກີບ.