ເມືອງໂພນໂຮງ ເປີດຕະຫລາດນັດ ແລະ ວາງສະແດງສິນຄ້າໂອດ໋ອບ
ໃນວັນທີ 9-17 ມີນານີ້, ເມືອງໂພນໂຮງແຂວງວຽງ ຈັນ, ໄດ້ເປີດງານຕະຫລາດນັດ ເພື່ອເປັນການເປີດປະຕູສູ່ປີ ທ່ອງທ່ຽວລາວ ແລະ ສະເຫລີມ ສະຫລອງ ວັນແມ່ຍິງສາກົນ 08 ມີນາ ຄົບຮອບ 108 ປີ ແລະ ເປັນການສົ່ງເສີມສິນ ຄ້າຫັດຖະກຳ ແລະ ສິນຄ້າໂອ ດ໋ອບ ຂອງເມືອງ ຂຶ້ນທີ່ໂຮງ ຮຽນ ມັດທະຍົມໂພນຄຳເໜືອ. ໂດຍການ ເຂົ້າຮ່ວມຂອງ ທ່່ານ ເຈົ້າເມືອງໂພນໂຮງ ແລະ ມວນ ຊົນເປັນຈຳນວນຫລາຍ.
+ ເປີດງານວາງສະແດງສິນຄ້າຕ້ອນຮັບປິີທ່ອງທ່ຽວລາວ 2018
+ ສິນຄ້າລາວໄດ້ຮັບຄວາມນິຍົມໃນງານວາງສະແດງສິນຄ້າອາຊຽນ-ອິນເດຍ
ໃນໂອກາດດັ່ງກ່າວ, ທ່ານ ເຈົ້າເມືອງໄດ້ມີ ຄຳເຫັນ ວ່າ: ເພື່ອເປັນ ການສົ່ງເສີມວັດ ທະນະທຳ ແລະ ຜະລິດຕະພັນ ຂອງເມືອງໂພນໂຮງ ແລະ ເປັນການສົ່ງເສີມການທ່ອງ ທ່ຽວໂດຍມີການຈັດກິດຈະກຳ ຕ່າງໆເຊັ່ນ: ມີການເຮັດເຂົ້າ ໜົມສັງຂະຫຍາ ແບບພື້ນບ້ານ ຂະໜາດໃຫຍ່ ແລະ ເຂົ້າຕົ້ມ ຜັດໃຫ້ຜູ້ມາຮ່ວມງານໄດ້ກິນ ໂດຍບໍ່ເສຍຄ່າ, ມີການແຫ່ຜ້າ ແພອີ່ໂປ້ຜືນໃຫຍ່ຍາວ, ພ້ອມ ເຄື່ອງ ຫັດຖະກຳ, ມີການຮ່ວມ ຕົວເຕັ້ນບັດສະຫລົບມີຈຳ ນວນຫລາຍກວ່າ 1.000 ຄົນ; ມີ ການຈັດເຂດສະແດງ ວັດທະນາທຳ 3 ຊົນເຜົ່າ ແລະ ໃນຕອນກາງຄືນຍັງ ມີການແຂ່ງຂັນປະກວດ ສິ ລະປະມີການເດີນແບບອາ ພອນ, ເຄື່ອງຫັດຖະກຳທີ່ ເນັ້ນ ໃຫ້ເຫັນວັດທະນາທຳຂອງ ແຕ່ລະຊົນເຜົ່າ, ການແຂ່ງ ຮ້ອງເພງຂອງນ້ອງນັກຮຽນ ແລະ ມີການສະແດງອາຫານ ລາວເພື່ອສ້າງຄວາມປະທັບ ໃຈໃຫ້ຜູ້ມາທ່ຽວຊົມ./.
