ຍີ່ປຸ່ນຂະຫຍາຍລັດສະໝີພື້ນທີ່ອັນຕະລາຍ ອ້ອມພູເຂົາໄຟຢູ່ເກາະຄິວຊູ
ທາງການຍີ່ປຸ່ນຂະຫຍາຍລັດສະໝີພື້ນທີ່ອັນຕະລາຍອ້ອມພູເຂົາໄຟຊິນໂມເອດາເກະ ທີ່ຕັ້ງຢູ່ເກາະຄິວຊູ ເປັນ 4 ກິໂລແມັດ, ຫລັງສະຖານະການຍັງຮຸນແຮງ.
ສຳນັກຂ່າວຕ່າງປະເທດລາຍງານຈາກນະຄອນຫລວງໂຕກຽວ ປະເທດຍີ່ປຸ່ນ ໃນວັນທີ 11 ມີນາວ່າ: ສຳນັກງານອຸຕຸນິຍົມວິທະຍາແຫ່ງຊາດຂອງຍີ່ປຸ່ນ (JMA) ອອກຖະແຫລງການໃນວັນທີ 10 ມີນາ ຂະຫຍາຍລັດສະໝີຂອງພື້ນທີ່ອັນຕະລາຍອ້ອມພູເຂົາໄຟຊິນໂມເອດາເກະ ຄວາມສູງ 1.421 ແມັດ ຈາກ 3 ກິໂລແມັດເປັນ 4 ກິໂລແມັດ ຈາກສູນກາງຂອງພູເຂົາໄຟ ທີ່ຄວັນ ແລະ ຂີ້ເຖົ່າຍັງລອຍອອກມາຢ່າງຕໍ່ເນື່ອງແຕ່ຕົ້ນເດືອນນີ້ ແລະ ລອຍຂຶ້ນສູງເຖິງ 4,5 ກິໂລແມັດ ໃນວັນທີ 9 ມີນາ ຖືເປັນສະຖິຕິສູງທີ່ສຸດໃນຮອບ 7 ປີ.
VIDEO: Powerful eruptions at a volcano in southern Japan spews ash thousands of metres into the air, as authorities warn locals not to approach Mount Shinmoedake pic.twitter.com/us9Y8HZbpG
— AFP News Agency (@AFP) March 7, 2018
ເຖິງຢ່າງໃດກໍຕາມ, JMA ຍັງຮັກສາລະດັບການເຕືອນໄພໄວ້ໃນລະດັບ 3 ຈາກ 5 ເຊິ່ງໝາຍເຖິງການຫ້າມເຂົ້າໃກ້ພູເຂົາໄຟໜ່ວຍນີ້ ເຊິ່ງເປັນສ່ວນໜຶ່ງຂອງພູເຂົາຄິຣິຊິມະ ຊາຍແດນທຳມະຊາດລະຫວ່າງແຂວງຄະໂງະຊິມະກັບແຂວງມິຍະຊະກິ ຢູ່ເກາະຄິວຊູ ທາງຕາເວັນຕົກສຽງໃຕ້ຂອງປະເທດ.
