Appleໄດ້ຮັບການຈັດອັນດັບຍີ່ຫໍ້ອັບເດດໄວ-ປອດໄພ ແຖມຍັງສະໜັບສະໜູນຮຸ່ນເກົ່າດົທນທີ່ສຸດໃນທ້ອງຕະຫຼາດ
SecurityLabໜ່ວຍງານວິເຄາະດ້ານຄວາມປອດໄພໄດ້ຈັດອັນດັບລະບົບປະຕິບັດການທີ່ມີປະສິດທິພາບຫຼາຍທີ່ສຸດ ໂດຍອ້າງອີງຈາກປັດໄຈຫຼາຍຢ່າງ ການອອກອັບເດດແກ້ໄຂທີ່ໄວ ແລະ ປອດໄພຫຼາຍທີ່ສຸດ, ການອອກອັບເດດກົງຕາມຊ່ວງເວລາທີ່ກໍານົດ, ປັດໄຈການອັບເດດທີ່ບໍ່ຂຶ້ນຢູ່ກັບຜູ້ໃຫ້ບໍລິການເຄື່ອຂ່າຍມືຖື ແລະ ໄລຍະເວລາຂອງການສະໜັບສະໜູນການອັບເດດຕໍ່ອຸປະກອນນັ້ນໆ ຊຶ່ງປະກົດວ່າເປັນ iOS ຂອງ Apple ທີ່ມາເປັນອັນດັບໜຶ່ງ.
ທັງນີ້ຈາກຕາຕາລາງຂ້າງເທິງຈະເຫັນວ່າ iOS ຂອງApple ນັ້ນຖືກຈັດຢູ່ໃນກຸ່ມສີຂຽວໃນທຸກໝວດໝູ່ດ້ານຄວາມປອດໄພ ແລະ ການອັບເດດ ໂດຍໄລຍະເວລາຂອງການອັບເດດນັ້ນ Ios ໃຊ້ເວລາໜ້ອຍທີ່ສຸດ ຊຶ່ງສາມາດກະຈາຍການອັບເດດໄດ້ທົ່ວໂລກໄວທີ່ສຸດພາຍໃນມື້ດຽວ, ການອັບເດດບໍ່ຂຶ້ນກົງກັບຜູ້ໃຫ້ບໍລິການເຄືອຂ່າຍ ລວມທັງການໃຫ້ການສະໜັບສະໜູນດ້ານຊອຟແວຣ໌ດົນເຖິງ 5 ປີ ຈະມີພຽງ iPhone 5c ຮຸ່ນດຽວທີ່ໄດ້ຮັບການສະໜັບສະໜູນ 4 ປີ ຂະນະທີ່ Windows ແລະPrivate OS ນັ້ນເປັນລະບົບປະຕິບັດການທີ່ມີຄວາມປອດໄພຮອງລົງມາຕາມລໍາດັບ.
ຂະນະດຽວກັນ ທາງຝັ່ງຂອງ Android ນັ້ນມີພຽງ Essential Phone ແລະ Google ທີ່ເຮັດຄະແນນໃນເລື່ອງການປ່ອຍອັບເດດແກ້ບັນຫາຄວາມປອດໄພໄດ້ຢູ່ໃນເກນທີ່ດີຫຼາຍ ແຕ່ກໍຍັງມີບັນຫາໃນເລື່ອງຂອງການຂຶ້ນຢູ່ກັບເຄືອຂ່າຍມືຖືທີ່ເຮັດໃຫ້ເກີດຄວາມຊັກຊ້າໃນການອັບເດດຢູ່ ຊຶ່ງໝາຍຄວາມວ່າຈາກບັນຫາທີ່ຄາດວ່າຈະແກ້ໄຂໄດ້ໃນຫຼັກມື້ ກໍຖືກເລື່ອນອອກມາເປັນຫຼັກເດືອນ, ນອກຈາກນີ້ທັງ 2 ຍີ່ຫໍ້ນັ້ນສະໜັບສະໜູນດ້ານອັບເດດຊອຟເວຣ໌ສູງສຸດພຽງ 3 ປີ.
ທາງດ້ານ Samsung ເຖິ່ງວ່າຈະເປັນຜູ້ນໍາຕະຫຼາດມືຖືໃນເວລານີ້ ກໍຍັງມີຂໍ້ບົກຜ່ອງໃນເລື່ອງຄວາມຊັກຊ້າໃນການອັບເດດແກ້ໄຂຢູ່ທີ່ຫຼັກອາທິດ ບາງອັບເດດນັ້ນຕ້ອງຖ້າເປັນຫຼັກໄຕມາດ ອີກທັງຍັງສະໜັບສະໜູນໃນໄລຍະເວລາພຽງ 2.5 ປີ ຊຶ່ງຖືວ່າໜ້ອຍກວ່າໂທລະສັບມືຖື Android ບາງຍີ່ຫໍ້ໃນຕະຫຼາດ.
