ຖ້ຳມັງກອນ ວົງຈອນການທ່ອງທ່ຽວທີ່ຄວນໄປສຳພັດ

ໂດຍ: ສ ນົກຮຽນບິນ

ຖ້ຳມັງກອນ ຫຼາຍທ່ານ ອາດ ຍັງບໍ່ເຄີຍໄດ້ຍິນ ແລະ ບໍ່ໄດ້ ໄປສຳພັດຕົວຈິ່ງ,ມື້ນີ້ໜັງສືພິມ ລາວພັດທະນາ,ຈະນຳສະເໜີ ໃຫ້ທ່ານຜູ້ອ່ານໄດ້ສຳພັດ ເຖິງ ຄວາມໂດດເດັ່ນອະລັງການ ຂອງຖ້ຳແຫ່ງນີ້,ຫຼັງທີ່ໄດ້ໄປ ສຳພັດຕົວຈິງເມື່ອອາທິດທີ່ ຜ່ານມາ.

+ ທ່ຽວຖ້ຳນ້ຳແອງທີ່ ແຂວງຫລວງນ້ຳທາ

+ ຄວາມມະຫັດສະຈັນຂອງຖ້ຳກອງລໍ

ເມື່ອທິມຂ່າວນຳທ່ຽວ ພວກເຮົາເດີນທາງຈາກນະ ຄອນຫຼວງວຽງຈັນໄປຮອດ ເມືອງປາກກະດິງກໍເຫັນທາງ ລ້ຽວເບື້ອງຊ້າຍມື, ເຊິ່ງແຍກ ຈາກເສັ້ນທາງ13 ໃຕ້ ມຸ້ງໜ້າ ສູ່ເມືອງຄຳເກີດ(ຫລັກ20) ແຂວງບໍລິຄຳໄຊ,ຜ່ານເມືອງ ຄູນຄຳແຂວງຄຳມ່ວນ ປະ ມານ100 ກິໂລແມັດກໍ່ຈະ ເຖິງ ຈຸດທ່ອງທ່ຽວຖ້ຳມັງກອນມົນ ສະເໜ່ແຫ່ງຄວາມງາມ ແລະ ຄວາມມະຫັດສະຈັນ. ຈຸດເລີ້ມ ຕົ້ນຂອງການທ່ຽວຖ້ຳມັງ ກອນຄືການນັ່ງສາລາຊົມວິວແຄມທາງ,ເບິ່ງພູຜາແລະ ສາຍນ້ຳລອດອອກມາຈາກ ພື້ນພູ ກ່ອນຈະເຂົ້າໄປໃນຖ້ຳ ໂດຍການຍ່າງລົງຕາມຂັ້ນ ໃດລົງເຂົ້າໄປໃນຖ້ຳ ສຳພັດບັນ ຍາກາດທີ່ມີຄວາມອາລັງ ການ ຫີນຍ້ອຍຫີນປົ່ງທີ່ງົດງາມ ແລະຍາກຈະພັນລະນາໄດ້, ໃນຖ້ຳມີຫ້ອງໂຖງໃຫຍ່ສູງ ປະມານ40ແມັດ, ກ້ວາງ 50ແມັດ ດ້ວຍຄວາມງົດງາມດັ່ງ ສະໂມສອນໃຫຍ່.

ທ່ານ ຊາຍ ໂຄດຜຸຍ ຜູ້ບໍ ລິຫານສະຖານທີ່ທ່ອງທ່ຽວ ແຫ່ງນີ້ນຳສະເໜີວ່າ:ປັດຈຸບັນພວກເຮົາໄດ້ດຶງໄຟຟ້າເຂົ້າໄປ ໃນຖ້ຳປະມານ1.500ແມັດ, ເພື່ອອຳນວຍຄວາມສະ ດວກ ໃຫ້ນັກທ່ອງທ່ຽວໄດ້ເຂົ້າໄປ ສຳພັດແຕ່ກໍບໍ່ທັນທົ່ວເຖິງ ເພາະວ່າຖ້ຳມີຄວາມຍາວຫຼາຍ ພັນແມັດທີ່ຍັງບໍ່ທັນສຳຫຼວດແຕ່ ກໍ່ຮູ້ໄດ້ວ່າມີທາງອອກໄປຫາ ຟາກພູອີກເບື້ອງໜຶ່ງ.ແນວໃດ ກໍຕາມເມື່ອທ່ຽວໃຕ້ຖ້ຳແລ້ວກໍ ສາມາດອອກມາຂາບໄຫວພະເກົ່າແກ່ທີ່ສະຖິດຢູ່ທີ່ນີ້ມາ ຫລາຍຮ້ອຍປີ,ຈາກການເລົ່າຂານກັນ ມາຂອງຄົນລຸ້ນກ່ອນ, ສະຖານ ທີ່ແຫ່ງນີ້ແມ່ນ ວັດເກົ່າຂອງຄົນສະໄໝບູຮານແລະອາດີດ ທ່ານຜູ້ນຳເຄີຍມາຈັດກອງ ປະຊຸມຢູ່ທີ່ນີ້ໃນເດືອນມັງກອນ ກໍເລີຍເອີ້ນຊື່ຖ້ຳນີ້ວ່າ“ຖ້ຳມັງ ກອນ”ແລະມາຮອດປັກຈຸບັນ.

ແມ່ນຈັດສະຖານທີທ່ອງທ່ຽວແຫ່ງນີ້ເຂົ້າໃນວົງຈອນການ ທ່ອງທ່ຽວຂອງແຂວງຄຳ ມ່ວນແລະແຂວງບໍລິຄຳໄຊ, ເມື່ອນັກທ່ອງທ່ຽວໄປທ່ຽວ ຖ້ຳກອງລໍ,ທ່າລັ່ງນ້ຳເທີນ2ແລ້ວແວ່ມາທ່ຽວຖ້ຳມັງກອນ ນີ້ ກໍຈະໃຫ້ຄວາມສະໜຸກສະ ໜານແລະສຳລານກັບທຳມະຊາດທີ່ງົດງາມແລະມະຫັດສະຈັນຂອງເຂດພາກກາງຂອງ ລາວໄດ້ຢ່າງສົມໃຈ.