ປີ 2017 ເຊກອງຜະລິດເຂົ້າໄດ້ລື່ນແຜນ 11%

ຮອງຫົວໜ້າພະແນກກະສິກໍາ ແລະປ່າໄມ້ແຂວງເຊກອງ ໃຫ້ຮູ້ວ່າ: ໃນປີ 2017 ແຂວງ ຂອງຕົນສາມາດຜະລິດເຂົ້າໄດ້ 52.900 ກວ່າ ໂຕນ ລື່ນຄາດ ໝາຍວາງໄວ້ 11% ໃນນັ້ນ ການຜະລິດເຂົ້ານາແຊງ ບັນ ລຸໄດ້ 5.400 ກວ່າໂຕນ, ຖ້າ ທຽບໃສ່ 2016 ເນື້ອທີ່ ປັກ ດຳເພີ່ມຂຶ້ນ 11 ເຮັກຕາ, ສ່ວນ ການ ຜະລິດເຂົ້ານາປີປະມານ 44.700 ກວ່າໂຕນ, ທຽບ ໃສ່ປີ 2016 ຜ່ານມາ ເພີ່ມ ຂຶ້ນ 7%.
ສໍາລັບປີ 2018ນີ້ ທົ່ວ ແຂວງ ຈະປັກດຳໃຫ້ໄດ້ ເນື້ອ ທີ່ 12.124 ເຮັກຕາ, ໃນນັ້ນ: ເຂົ້ານາແຊງ 971 ເຮັກຕາ, ເຂົ້ານາປີ 9.923 ເຮັກຕາ, ດ້ວຍສະມັດຕະພາບໃຫ້ໄດ້ 4,52 ໂຕນຕໍ່ເຮັກຕາ./.

+ ແລ້ງນີ້ຄຳມ່ວນຈະຜະລິດເຂົ້າອິນຊີໃຫ້ໄດ້ 3.000 ເຮັກຕາ

+ ເມືອງທ່າປາງທອງມີແຜນຜະລິດເຂົ້ານາແຊງ 300 ເຮັກຕາ