ອາກາດຮ້ອນເອົາໃຈໃສ່ປ້ອງກັນອັກຄີໄພ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ ຮັກແພງ, ບູຮານເພິ່ນວ່າ: “ປ່ຽກ ຍັງໄດ້, ໄຟໄໝ້ແມ່ນເສຍ” ໃນ ຄວາມຈິງກໍແມ່ນແນວນັ້ນແທ້, ໄຟໄໝ້ແມ່ນເຫດມະຫັດຕະໄພ ເຊິ່ງອາດມີຄວາມສູນ ເສຍຢ່າງ ໃຫຍ່ຫລວງທີ່ບໍ່ສາມາດເອົາຄືນ ມາໄດ້, ກໍດັ່ງຫລາຍໆ ເຫດການ ໄຟໄໝ້ທີ່ເຮົາເຫັນຕົວຈິງໃນຜ່ານ ມາ ແລະ ໃນສະພາບອາກາດ ຮ້ອນອົບເອົ້າແບບນີ້ມັນມີຄວາມ ສ່ຽງສູງທີ່ຈະກໍໃຫ້ເກີດມີອັກຄີ ໄພ, ເຊິ່ງອາດມາຈາກການນຳ ໃຊ້ຟືນໄຟ ໃນຊີວິດປະຈຳວັນ, ມາໄຕ້ທູບໄຕ້ທຽນ ຫລື ຄວາມ ຂາດສະຕິໃນການຈູດຂີ້ເຫຍື້ອ ຫລື ລາມປ່າຕ່າງໆ.

ດັ່ງເຫດເກີດຂຶ້ນໃນປັດຈຸ ບັນແມ່ນໄຟໄໝ້ສະໜາມຂີ້ເຫຍື້ອ ຫລັກ 32 ໃນເຂດເມືອງໄຊທາ ນີ ນະຄອນຫລວງວຽງຈັນ, ກໍ ເນື່ອງມາຈາກການຈູດປ່າແລ້ວ ແຜ່ລາມມາໃສ່, ອັນໄດ້ສົ່ງຜົນ ກະທົບຮ້າຍແຮງຕໍ່ສະພາບແວດ ລ້ອມ ແລະ ການດຳລົງຊີວິດ ຂອງ ປະຊາຊົນ ຜູ້ຢູ່ໃກ້ຄຽງ, ເຈົ້າໜ້າທີ່ຄາດວ່າຢ່າງໜ້ອຍ ຕ້ອງໃຊ້ເວລາອີກ 2 ວັນ, ຈິ່ງຈະ ສາມາດດັບມອດເຫດໄຟໄໝ້ ດັ່ງກ່າວລົງໄດ້, ເນື່ອງຈາກ ເປັນສະໜາມກຳຈັດຂີ້ເຫຍື້ອ ຂະໜາດໃຫຍ່ບວກກັບ ສະພາບ ອາກາດຮ້ອນອົບເອົ້າ. ນີ້ເປັນ ອຸທາຫອນ ໃຫ້ພວກເຮົາມີສະຕິ ລະວັງຕົວໃນ ການນຳໃຊ້ຟືນໄຟ ໃຫ້ມີສະຕິ, ເມື່ອສັງເກດເຫັນ ລະບົບ ແລະ ເຄື່ອງໃຊ້ໄຟຟ້າໃນ ຄອບຄົວເກົ່າ ແກ່ຊຸດໂຊມກໍຕ້ອງ ຮີບຮ້ອນປ່ຽນຖ່າຍ, ສ່ວນເບື້ອງ ເຈົ້າໜ້າທີ່ກໍ ຈົ່ງໄດ້ເອົາໃຈໃສ່ລົງ ໂຄສະນາແນະນຳໃຫ້ປະຊາຊົນ ມີຄວາມເປັນເຈົ້າໃນການຕ້ານ ອັກຄີໄພ ແລະ ມີຄວາມຮູ້ພື້ນ ຖານໃນການ ດັບມອດໄຟຂັ້ນຕົ້ນ ໃຫ້ດີ, ເພື່ອສາມາດສະກັດກັ້ນ ເຫດໄຟໄໝ້ແຕ່ຫົວທີໄດ້./.

+ ນະຄອນຫລວງວຽງຈັນຍັງມີອາຄານ ແລະ ເຮືອນຊານເກົ່າແກ່ຈໍານວນບໍ່ໜ້ອຍສ່ຽງເກີດອັກຄີໄພໄດ້ງ່າຍ

+ ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ