ຄຳເກີດເສດຖະກິດດີປະຊາຊົນມີລາຍຮັບເກືອບ 2.000 ໂດລາຕໍ່ຄົນ

ເມືອງຄຳເກີດ, ແຂວງບໍລິ ຄຳໄຊ. ມີທ່າແຮງຕ້ານດ້ານ, ມີ ເສັ້ນທາງອອກສູ່ຫວຽດນາມທີ່ ເປັນທ່າແຮງດຶງດູດການຄ້າ ການລົງທຶນໄດ້ດີ, ເຮັດໃຫ້ເສດ ຖະກິດມີການຂະຫຍາຍຕົວໃນ ລະດັບ 8%, ປະຊາຊົນເກືອບ 70 ພັນ ຄົນມີລາຍຮັບສະເລ່ຍ ເກືອບ 2.000 ໂດລາຕໍ່ປີ.

+ ປູກພືດແບບປະສົມປະສານຊ່ວຍສ້າງເສດຖະກິດຄອບຄົວດີຂຶ້ນ

+ ເສດຖະກິດແຂວງຫົວພັນຂະຫຍາຍຕົວ 8,56%

ເຈົ້າໜ້າທີ່ຫ້ອງການເມືອງ ຄຳເກີດໃຫ້ຮູ້ວ່າ: ໃນປີ 2017 ຜ່ານມາການຈັດຕັ້ງປະຕິບັດ ແຜນການພັດທະນາເສດຖະ ກິດ-ສັງຄົມ ໄດ້ລື່ນຄາດໝາຍ, ບັນດາພື້ນຖານໂຄງລ່າງຄົມມະ ນາຄົມ ໄດ້ຮັບການປັບປຸງປົວ ແປງເຮັດໃຫ້ການຂົນສົ່ງສິນ ຄ້າໄປ-ມາໄດ້ສະດວກລວມ ເຖິງໄຟຟ້າ, ນ້ຳປະປາກໍມີ ຄວາມຮັບປະກັນດີ, ນັກລົງທຶນ ທັງພາຍໃນ ແລະ ຕ່າງປະ ເທດສົນໃຈເຂົ້າມາລົງທຶນ ນັບມື້ນັບຫລາຍຂຶ້ນ ແລະ ການຄ້າ, ການບໍລິການກໍຂະ ຫຍາຍຕົວໄປພ້ອມໆ ກັບການ ພັດທະນາກະສິກຳ ໃຫ້ຕິດພັນ ອຸດສາຫະກຳ ແລະ ຫັດຖະ ກຳຕິດພັນກັບການທ່ອງ ທ່ຽວ, ເຮັດໃຫ້ເສດຖະກິດ ຂອງ ເມືອງໃນປີຜ່ານມາ, ຂະ ຫຍາຍຕົວໃນລະດັບ 8%.
ສະເລ່ຍພົນລະເມືອງຜູ້ ໜຶ່ງມີລາຍຮັບສູງເຖິງ 16,4 ລ້ານກວ່າກີບ ຫລື ປະມານ 1.938 ໂດລາສະຫະລັດ.

ໃນປີ 2018 ນີ້ ເມືອງ ໄດ້ວາງເປົ້າໝາຍສູ່ຊົນດ້ານ ລາຍຮັບໃຫ້ໄດ້ 1.238 ຕື້ກີບ ໃນນີ້ ຮັບຈາກກະສິກຳໃຫ້ໄດ້ 640,3 ຕື້ກີບ, ຈາກອຸດສາ ຫະກຳ-ກໍ່ສ້າງ 501 ຕື້ກີບ, ການບໍລິການໃຫ້ໄດ້ 96,03 ຕື້ກີບ ເພື່ອເຮັດໃຫ້ປະຊາຊົນ ມີ ລາຍຮັບເພີ່ມຂຶ້ນໃນລະດັບ 17,4 ລ້ານກີບ ຫລື 2.052 ໂດລາສະຫະລັດຕໍ່ປີ./.