ແຜ່ນດິນໄຫວປາປົວນິວກິນີມີຜູ້ເສຍຊີວິດ 67 ຄົນ ແລະ ຍັງມີອາບເຕີຊ໊ອກຮຸນແຮງ
ຈຳນວນຜູ້ເສຍຊີວິດຈາກແຜ່ນດິນໄຫວຄັ້ງໃຫຍ່ໃນປາປົວນິວກິນີ ໃນທ້າຍເດືອນກຸມພາຜ່ານມາ ເພີ່ມເປັນຢ່າງໜ້ອຍ 67 ຄົນແລ້ວ.
Helicopter footage shows the extent of the damage after a 7.5-magnitude earthquake struck Papua New Guinea, triggering landslides and damaging buildings. It could take days to confirm the death toll, the PNG disaster management office said. https://t.co/aQ7im4QZJN pic.twitter.com/e12QzdV9Ta
— ABC News (@ABC) February 27, 2018
ສຳນັກຂ່າວຕ່າງປະເທດລາຍງານຈາກນະຄອນຫລວງພໍມໍສບີ ປະເທດປາປົວນິວກິນີ ໃນວັນທີ 5 ມີນາວ່າ: ສະຫະພັນກາແດງ ແລະ ສະພາສ້ຽວວົງເດືອນແດງສາກົນ (IFRC) ປະຈຳປາປົວນິວກິນີ ລາຍງານວ່າຈຳນວນຜູ້ເສຍຊີວິດຈາກໄພພິບັດໃນປະເທດ ເຊິ່ງເປັນຜົນຈາກແຜ່ນດິນໄຫວຮຸນແຮງ 7,5 ແມກນິຈູດ ໃນວັນທີ 26 ກຸມພາຜ່ານມາ ເພີ່ມເປັນຢ່າງໜ້ອຍ 67 ຄົນ ແລະ ມີປະຊາຊົນໄດ້ຮັບຄວາມເດືອດຮ້ອນປະມານ 143.000 ຄົນ ໃນຈຳນວນນີ້ປະມານ 17.000 ຄົນຕ້ອງບໍ່ມີບ່ອນຢູ່ອາໄສ ໂດຍພື້ນທີ່ໄພພິບັດສ່ວນຫລາຍຢ່າງທາງຕອນໃຕ້ຂອງປະເທດ.
ເຖິງຢ່າງໃດກໍຕາມ, ຍັງມີລາຍງານການເກີດແຜ່ນດິນໄຫວຕາມມາ ຫລື ອາບເຕີຊ໊ອກ ເຊິ່ງລວມທັງແຮງສັ່ນສະເທືອນຮຸນແຮງ 6,0 ແມກນິຈູດ 2 ຄັ້ງ ໃນຕອນເຊົ້າວັນທີ 5 ມີນາ ຕາມເວລາທ້ອງຖິ່ນ. ຂະນະທີ່ ອົດສະຕຣາລີ ແລະ ນູແວນເຊລັງ ເຊິ່ງເປັນປະເທດຂະໜາດໃຫຍ່ຕັ້ງຢູ່ໃກ້ທີ່ສຸດ ທະຍອຍສົ່ງມອບການຊ່ວຍເຫລືອດ້ານມະນຸດສະທຳໃຫ້ແກ່ປາປົວນິວກິນີ ທີ່ມີການປະກາດສະຖານະການສຸກເສີນໃນອາທິດຜ່ານມາ.
