ວິທີເຮັດໃຫ້ເສັ້ນຜົມຊື່ ແລະ ບໍ່ກ້ຽວພັນກັນ
March 5, 2018 - 11:23 AM
- ໃຊ້ຄຣີມນວດຜົມ : ນວດຜົມທຸກເທື່ອຫລັງສະ ເສັ້ນຜົມຈະອ່ອນນຸ້ມ ແລະ ມື່ນ ບໍ່ກ້ຽວພັນກັນ ທັງຍັງຈັດແຕ່ງຊົງງ່າຍຂຶ້ນນຳອີກ ແຕ່ໃຫ້ໃຊ້ຄຣີມນວດກັບເສັ້ນຜົມເທົ່ານັ້ນ ຢ່ານວດລົງເທິງໜັງຫົວ.
- ລ້າງເສັ້ນຜົມໂດຍນຳ້ເຢັນ : ເພາະນຳ້ເຢັນຈະຊ່ວຍປິດເກັດຜົມໃຫ້ຮຽງໂຕແຈບດີ ເຮັດໃຫ້ເສັ້ນຜົມອ່ອນນຸ້ມ ແລະ ເປັນເງົາເຫລື້ອມງາມ, ສາງ ຫລື ຫວີກໍງ່າຍຂຶ້ນ.
- ເລືອກຜະລິດຕະພັນທີ່ຊ່ວຍຫລຸດເສັ້ນຜົມກ້ຽວພັນກັນ ເຊັ່ນ : ສະເປ, ຄຣີມ ຫລື ເຈວຈັດແຕ່ງຊົງຜົມ, ແຕ່ຖ້າບໍ່ຢາກລົງທຶນກັບຜະລິດຕະພັນເຫລົ່ານີ້ ພຽງແຕ່ເອົາຄຣີມນວດຜົມທີ່ມີຢູ່ປະມານ 1 ບ່ວງແກງໃສ່ໃນກະຕຸກນຳ້ປະສົມນຳ້ແລ້ວສັ່ນໃຫ້ເຂົ້າກັນ ເຮັດເປັນສະເປສີດຜົມກໍໄດ້.
- ການຫວີຜົມ : ເຖິງຈະບໍ່ມີບັນຫາຫຍັງທີ່ຈະຫວີຜົມຕອນຜົມແຫ້ງແລ້ວ, ແຕ່ຈະງ່າຍຂຶ້ນຖ້າ ທ່ານໃຊ້ຫວີແຂ້ວຫ່າງໆຫວີຜົມ ຄ່ອຍໆໃນຂະນະທີ່ເສັ້ນຜົມຍັງຊຸ່ມຢູ່ ເພາະຫວີຈະຊ່ວຍເຮັດໃຫ້ເສັ້ນຜົມບໍ່ກ້ຽວພັນກັນ ໂດຍໃຫ້ເລີ່ມຫວີຈາກປາຍເສັ້ນຜົມທີ່ມັກກ້ຽວພັນກັນກ່ອນ.
- ຢ່າຮວບເສັ້ນຜົມເຂົ້າກັນ : ເສັ້ນຜົມມັກຈະກ້ຽວພັນກັນງ່າຍ ຫາກທ່ານຮວບຜົມເຂົ້າກັນຕອນສະ ແລະ ເຊັດຜົມແຮງໆຕອນຜົມປຽກ.
- ຫລີກເວັ້ນອານກໍຮໍ : ຜະລິດຕະພັນກ່ຽວກັບເສັ້ນຜົມທີ່ມີສ່ວນປະສົມຂອງອານກໍຮໍນັ້ນຈະເຮັດໃຫ້ເສັ້ນຜົມກ້ຽວພັນກັນງ່າຍຂຶ້ນ ຈຶ່ງຄວນເລືອກຜະລິດຕະພັນສູດທີ່ບໍ່ມີອານກໍຮໍເປັນສ່ວນປະສົມຫລັກຈຶ່ງອ່ອນໂຍນຕໍ່ເສັ້ນຜົມກ່ວາ.
- ຫລັບແບບສະບາຍໆ : ເສັ້ນຜົມກ້ຽວພັນກັນເກີດຂຶ້ນໄດ້ຈາກການນອນຫລັບ ວິທີແກ້ໄຂກໍຄື ຮວບຜົມຂຶ້ນເປັນເກົ້າມວຍ ຫລື ເປຍຜົມກ່ອນນອນ ໂດຍອາດພັນຜົມຫໍ່ໄວ້ໃນຜ້າພັນຄໍຜ້າໄໝກໍໄດ້.
- ໝອນຜ້າໄໝ : ຊ່ວຍຖະໜອມເສັ້ນຜົມໄດ້ ແລະ ຫ້າມນອນໃນເວລາທີ່ເສັ້ນຜົມຍັງປຽກຢູ່.
