ຄວາມມະຫັດສະຈັນຂອງຖ້ຳກອງລໍ
ໂດຍ: ສ ນົກຮຽນບິນ
ຖ້ຳກອງລໍ ເປັນສະຖານທີ່ ທ່ອງທ່ຽວທາງທຳມະຊາດ ທີ່ ມີຊື່ສຽງຂອງແຂວງຄໍາມ່ວນ, ມີນໍ້າຫີນບູນໄຫຼລອດຜ່ານຕະ ຫຼອດປີ ຈາກບ້ານນາຕານ ເມືອງ ນາກາຍຫາບ້ານກອງລໍ, ເມືອງ ຄູນຄໍາ, ມີຄວາມຍາວ 7,5 ກິໂລ ແມັດ, ມີຄວາມມະຫັດສະຈັນ, ຫຼາຍຢ່າງຍັງ ບໍ່ທັນຖືກຂຸດຄົ້ນ, ແຕ່ທີ່ເຫັນໄດ້ຊັດຄືຫີນຍ້ອຍ, ປົ່ງສະຫຼັບສັບຊ້ອນຢ່າງໂດດເດັ່ນ ທີ່ສຸດ ເຮັດໃຫ້ຜູ້ມາທ່ຽວມີ ຄວາມ ປະທັບໃຈໂດຍສະເພາະການຂີ່ ເຮືອລອດຖ້ຳດັ່ງກ່າວ, ຄືເໜືອນ ໝູ່ພະຈົນໄພສາກໜຶ່ງ.
+ ທ່ຽວນ້ຳຫ້ວຍຊາຍກັບສະປິງລີເວີລີສອດ ສະຖານທີ່ທ່ອງທ່ຽວແຫ່ງໃໝ່ໃກ້ຖ້ຳກອງລໍ
+ ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ
ປັດຈຸບັນ ຖໍ້າກອງລໍເປັນ ສະຖານທີ່ທ່ອງທ່ຽວທີ່ໄດ້ຮັບ ຄວາມນິຍົມຈາກນັກທ່ອງທ່ຽວ ທັງພາຍໃນແລະຕ່າງປະເທດ ເປັນຈຳນວນຫລາຍ ດັ່ງທ່ານ ສາລີ ທອງສະຫວັນ ນາຍບ້ານ ກອງລໍ, ປະທານສະມາຄົມພັດ ທະນາການທ່ອງທ່ຽວແບບ ປະຊາຊົນມີສ່ວນຮ່ວມກອງ ລໍນາ-ຕານ ກ່່າວວ່າ: ຜ່ານ ມາ ພວກເຮົາມີຫຼາຍໆກິດຈະ ກໍາ, ສິ່ງຮອງຮັບນັກທ່ອງທ່ຽວ ຄື: ໄດ້ຈັດຕັ້ງ 8 ກຸ່ມ ບໍລິການ ທີ່ຕິດພັນເຊັ່ນ: ກຸ່ມເຮືອນພັກ- ຮ້ານອາຫານ, ກຸ່ມນຳທ່ຽວ ຍ່າງປ່າຂ້າມພູ ແລະ ກຸ່ມ ໂຮມ ສະເຕ, ກຸ່ມເຮືອນພັກລວມຂອງ ບ້ານ, ກຸ່ມເຮືອເຂົ້າຖ້ຳ, ກຸ່ມ ກົງເບັງ, ກຸ່ມການຂີ່ລົດຖີບຊົມ ທຳມະຊາດປ່າສະຫງວນ, ກຸ່ມ ຜະລິດຊື້-ຂາຍເຄື່ອງຫັດຖະກຳ ແລະ ປີ ທ່ອງທ່ຽວລາວ 2018 ນີ້ແມ່ນໄດ້ເພີ່ມການ ຂີ່ເຮືອກາ ຍັກເພື່ອສ້າງຄວາມຫຼາກຫຼາຍ ຂອງການບໍລິການ. ທີ່ໄດ້ຮັບ ຄວາມສົນໃຈຈາກນັກທ່ອງ ທ່ຽວ, ແຕ່ເດັ່ນກວ່າໝູ່ແມ່ນ ການຂີ່ເຮືອເຂົ້າຖ້ຳສາມາດ ສ້າງລາຍຮັບໄດ້ປີໜຶ່ງບໍ່ຕ່ຳ ກວ່າ 2 ຕື້ກີບ, ຮອງລົງມາ ແມ່ນການຍ່າງປ່າຂ້າມພູ, ໂຮມ ສະເຕ, ໂດຍການມີສ່ວນຮ່ວມ ຂອງປະຊາຊົມ ບ້ານ ກອງລໍ ແລະ ນາຕານ ໂດຍ ແມ່ນ, ປະ ຊາຊົນ ເປັນຜູ້ເຮັດເອງ ແລະ ລາຍໄດ້ທັງໝົດຈະເຂົ້າປະຊາ ຊົນໂດຍກົງ.
ຖໍ້າກອງລໍ-ນາຕານ ຖືກ ຄົ້ນພົບແຕ່ສະຕະວັດທີ XVI ແລະ ມີການສໍາຫຼວດຄັ້ງທໍາ ອິດໃນປີ1995 ພົບວ່າ ສາ ມາດຂີ່ເຮືອລອດຖໍ້າຈາກຟາກໜຶ່ງໄປຍັງອີກຟາກໜຶ່ງໄດ້, ຕໍ່ມາປະຊາຊົນຈຶ່ງນຳໃຊ້ເປັນ ເສັ້ນທາງຄົມມະນະຄົມເຊື່ອມຕໍ່ລະຫວ່າງບ້ານກອງລໍ້, ເມືອງ ຄູນຄຳຫາບ້ານນາຕານ, ເມືອງ ນາກາຍ ແລ້ວຈຶ່ງຖືກພັດທະນາ ເປັນຈຸດທ່ອງທ່ຽວໃນປັດຈຸບັນ. ແຕ່ຫລາຍຄົນກໍມີຄວາມສົນ ໃຈວ່າເປັນຫຍັງຈຶ່ງເອື້ນຊື່ ຖໍ້າ ກອງລໍ, ໃນສະໄໝອານາຈັກ ລາວລ້ານຊ້າງມີການຕໍ່ສູ້ກັບ ສັກດີນາສະຫຍາມເຂົ້າມາ ຮຸກຮານລາວ, ກອງທະຫານ “ກອງທັບ” ໄດ້ກຳນົດຖ້ຳ ແຫ່ງນີ້ເປັນຈຸດນັດພົບອີກຝ່າຍ ມາຮອດກ່ອນຈຶ່ງໄດ້ລໍຖ້າອີກ ຝ່າຍກະເລີຍໄດ້ຕັ້ງຊື່ຖ້ຳນີ້ ວ່າ ເປັນຖ້ຳກອງລໍຈົນເທົ່າ ທຸກວັນນີ້.
