ປືກສາຫາລື ຮ່າງບົດລາຍງານແຫ່ງຊາດໄລຍະທີ 2-3
ກອງປະຊຸມປືກສາຫາລືຂະແໜງການ ແລະ ຄູ່ຮ່ວມພັດທະນາ ກ່ຽວກັບຮ່າງບົດລາຍງານແຫ່ງຊາດໄລຍະ 2-3 ໃນການຈັດຕັ້ງປະຕິບັດອານຸສັນຍາ ກ່ຽວກັບການເຂົ້າຮ່ວມຂອງເດັກໃນການປະທະກັນດ້ວຍກໍາລັງປະກອບອາວຸດ ແລະ ອານຸສັນຍາ ກ່ຽວກັບການຄ້າຂາຍເດັກ, ຄ້າປະເວນີເດັກ ແລະ ສິ່ງລາມົກອານາຈານກ່ຽວກັບເດັກ. ໄດ້ຈັດຂຶ້ນໃນວັນທີ 27 ກຸມພາ 2018 ທີ່ຫໍປະຊຸມແຫ່ງຊາດ, ນະຄອນ ຫລວງວຽງຈັນ, ໂດຍການເປັນປະທານຮ່ວມຂອງ ທ່ານ ອາລຸນແກ້ວ ກິດຕິຄຸນ ລັດຖະມົນຕີປະຈໍາສໍານັກງານນາຍົກລັດຖະມົນຕີ, ຮອງປະທານຄະນະກໍາມາທິການແຫ່ງຊາດເພື່ຶອຄວາມກ້າວໜ້າຂອງແມ່ຍິງ ແລະ ແມ່-ເດັກ (ຄຊກມດ), ທ່ານ ອົກຕາງວຽນ ບີໂວນ ຜູ້ຕາງໜ້າອົງການ ສປຊ ສໍາລັບເດັກ ປະຈໍາ ສປປ ລາວ, ມີບັນດາ ປະທານ, ຮອງປະທານ ຄຊກມດ ແຕ່ລະກະຊວງ, ຜູ້ຕາງໜ້າອົງການຈັດຕັ້ງສາກົນ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.
ທ່ານ ນາງ ບັນດິດ ປະທຸມວັນ ຮອງປະທານ ຄຊກມດ ໄດ້ສະເໜີຮ່າງບົດລາຍງານແຫ່ງຊາດໄລ ຍະທີ 2-3 ໃນການຈັດຕັ້ງປະຕິບັດໃຫ້ຮູ້ວ່າ: ສປປ ລາວ ໄດ້ເຂົ້າເປັນພາຄີຂອງສົນທິສັນຍາວ່າດ້ວຍສິດທິເດັກຂອງອົງການສະຫະປະຊາຊາດໃນປີ 1991 ແລະ ໃນປີ 2006 ສປປ ລາວ ກໍໄດ້ເຂົ້າເປັນພາຄີອານຸສັນຍາ ກ່ຽວກັບການເຂົ້າຮ່ວມຂອງເດັກ ໃນການປະທະກັນດ້ວຍກໍາລັງປະກອບອາວຸດ(OPAC) ແລະ ອາ ນຸສັນຍາກ່ຽວກັບການຄ້າເດັກ, ການຄ້າປະເວນີ ແລະ ສິ່ງລາມົກອານາຈານ ກ່ຽວກັບເດັກ(OPSC). ຜ່ານການຈັດຕັ້ງປະຕິບັດໃນການຮ່ວມມື ແລະ ປະສານງານດັ່ງກ່າວ ໄດ້ເຮັດໃຫ້ລາວ ມີຄວາມຄືບໜ້າໃນການຮັບຮູ້ ແລະ ການປົກປ້ອງສິດທິເດັກໃນທົ່ວປະເທດ ໄດ້ມີຜົນສໍາເລັດໃນຫລາຍດ້ານເປັນຕົ້ນ: ໃນແຜນການພັດທະນາເສດຖະກິດ-ສັງຄົມສະບັບທີ 8 (2016-2020) ໄດ້ກວມເອົາເປົ້າໝາຍໃນການເພີ່ມການໂຄສະ ນາໃຫ້ຄວາມຮູ້ແກ່ມວນຊົນໃນສັງຄົມ ໂດຍສະເພາະແມ່ນແມ່ຍິງ ແລະ ເດັກນ້ອຍ ທີ່ມີຄວາມສ່ຽງໃນການໄດ້ຮັບຜົນກະທົບ ແລະ ຜົນສະທ້ອນທາງລົບຈາກການຄ້າມະນຸດ, ການລົງໂທດທາງກົດໝາຍ ຕໍ່ຜູ້ກະທໍາຜິດ ແລະ ການປົກປ້ອງຜູ້ເຄາະຮ້າຍຈາກການຄ້າມະນຸດ.
ພ້ອມດຽວກັນ ກ່ຽວກັບການໃຊ້ຄວາມຮຸນແຮງຕໍ່ເດັກໃນ ສປປ ລາວ ໄດ້ຊ່ວຍໃຫ້ມີຫລັກຖານພື້ນ ຖານສໍາລັບການສ້າງນະໂຍບາຍ, ນິຕິກໍາການສ້າງລະບົບໃນການປ້ອງກັນ, ການຕອບໂຕ້ທີ່ມີປະສິດທິ ພາບຕໍ່ກັບທຸກຮູບແບບຂອງການໃຊ້ຄວາມຮຸນແຮງ, ການກົດຂີ່ຂູດຮີດ, ທາລຸນເດັກ ແລະ ອື່ນໆ.
