ເຮືອນສາມ-ນ້ຳສີ່ ຍັງມີຄວາມສຳຄັນຕໍ່ແມ່ຍິງລາວ

    ໂດຍ: ທິດກ່ຳ

(ເນື່ອງໃນໂອກາດວັນທີ 8 ມີນາ )

ສຳລັບໃນຄໍລຳນີ້, ທິດກ່ຳ ຂໍເອົາບັນຫາທີ່ກ່ຽວພັນກັບແມ່ ຍິງລາວມາເວົ້າ, ເພາະວ່າຍັງອີກ ບໍ່ດົນວັນທີ 8 ມີນາ (3) ກໍໃກ້ ຈະໝູນວຽນມາບັນຈົບຄົບຮອບອີກແລ້ວ. ໃນປະຫວັດສາດ ຂອງຊາດລາວບໍ່ວ່າຍຸກໃດ, ສະ ໄໝໃດ, ກ່າວເຖິງບົດບາດ ໜ້າ ທີ່ຂອງແມ່ຍິງລາວມັນໄດ້ຕິດ ພັນກັບສັງຄົມລາວຕະຫລອດ ມາ, ໂດຍສະເພາະທາງດ້ານ ຮີດຄອງປະເພນີ, ວັດທະນະທຳ ແລະ ຈະລິຍະທຳ, ແຕ່ໂຕທີ່ເປັນ ເອກະລັກໂດດເດັ່ນທີ່ສຸດສຳ ລັບແມ່ຍິງລາວກໍແມ່ນນຸ່ງສິ້ນ; ໃນຍາມວັນສຳຄັນຂອງຊາດ, ຍາມປະເພນີຕ່າງໆ ກໍພາກັນນຸ່ງ ສິ້ນໄໝ, ບ່ຽງແພເບິ່ງແລ້ວສະດຸດຕາພາເພີນ ແລະ ປະທັບໃຈ ໃນຄວາມເປັນເອກະລັກຂອງ ແມ່ຍິງລາວ.

+ ປະທານສະຫະພັນແມ່ຍິງລາວເຄື່ອນໄຫວເຮັດວຽກຢູ່ແຂວງເຊກອງ

+ ສະເຫຼີມສະຫລອງວັນແມ່ຍິງສາກົນ ຄົບຮອບ 108 ປີ ດ້ວຍ 7 ກິດຈະກໍາຫຼັກ

ຕາມທິດກ່ຳຄິດ, ຈາກສິ່ງ ນີ້ລະອາດເຮັດໃຫ້ການນຸ່ງຖື ຂອງ ແມ່ຍິງລາວກາຍເປັນມູນ ມໍລະດົກຂອງໂລກ ໃນອະນາ ຄົດ, ແນວໃດກໍຕາມ ເມື່ອກ່າວ ເຖິງບົດບາດໜ້າທີ່ຂອງແມ່ ຍິງລາວ, ແມ່ນຍັງມີອີກຫລາຍ ສິ່ງຫລາຍຢ່າງທີ່ພົວພັນເຖິງ ເອກະລັກສະເພາະບໍ່ວ່າໃນດ້ານສິລະປະ, ຫັດຖະກຳ, ຕ່ຳຫູກ, ທໍໄໝ, ນັບທັງມູນເຊື້ອແຫ່ງ ການ ຕໍ່ສູ້ກັບສັດຕູຂອງຊາດ. ໃນ ສະໄໝສົງຄາມແມ່ຍິງກໍ ເປັນທະຫານ, ພະນັກງານໄດ້ ຄຽງບ່າຄຽງໄລ່ກັບເພດຊາຍ ເຮົາ ຕີສັດຕູ ຈົນໄດ້ຮັບໄຊຊະນະ ຢ່າງຖ້ວມທົ້ນມາ.

ໃນຍຸກປະຫວັດ ສາດຜ່ານ ມາຍ້ອນໄດ້ຕິດພັນກັບຄຳສັ່ງ ສອນທີ່ອຳມະຕະຂອງເຖົ້າແກ່ ຄູບາອາຈານຈົນມາຮອດຍຸກ ປັດຈຸບັນມັນຍັງກາຍເປັນປັດ ຊະຍາທີ່ມີຄຸນຄ່າທີ່ສຸດທີ່ໄດ້ ສ້າງໃຫ້ຜູ້ຍິງລາວພຽບພ້ອມ ໄປດ້ວຍເຮືອນສາມນ້ຳສີ່ດັ່ງ ທີ່ວ່າ: ເຮືອນສາມໄດ້ແກ່ເຮືອນ ນອນ, ເຮືອນຄົວ ແລະ ເຮືອນ ພົມ ໃນສາມຢ່າງນີ້ມີຄວາມ ໝາຍຢູ່ວ່າເຮືອນນອນ, ເຮືອນ ຄົວຕ້ອງໃຫ້ສະອາດ, ຮຽບ ຮ້ອຍ ແລະ ຈົບງາມ, ລາມໄປ ຮອດການປຸງແຕ່ງອາຫານ ການກິນລ້ຽງຄອບຄົວລູກເຕົ້າ ກໍໃຫ້ແຊບໃຫ້ນົວ, ທະນຸບຳ ລຸງຄອບ ຄົວລູກເຕົ້າໃຫ້ໃຫຍ່ ສູງ, ການຕ້ອນຮັບຂັບສູ່ແຂກ ຄົນຍາດຕີພີ່ນ້ອງທີ່ມາຢ້ຽມຢາມ ກໍໃຫ້ເໝາະສົມ, ສ່ວນວ່າ ເຮືອນ ພົມນັ້ນກໍໝາຍຄວາມວ່າ ຕ້ອງ ໝັນສັກ, ໝັນລ້າງໃຫ້ມີ ຄວາມ ສະອາດສວຍງາມຢູ່ຕະຫລອດ, ເພິ່ນວ່າ ຕີນພົມໃຫ້ລ່ຳກ້ຽງຕີນ ສິ້ນໃຫ້ລ່ຳພຽງກ່ຽວກັບນ້ຳສີ່ ນັ້ນ ກໍໄດ້ແກ່ນ້ຳໃຈ, ນ້ຳກິນ, ນ້ຳໃຊ້ ແລະ ນ້ຳເຕົ້າປູນ. ໃນສີ່ຢ່າງນີ້ກໍ ມີຄວາມໝາຍຢູ່ບ່ອນວ່າເປັນ ຜູ້ຍິງລາວຕ້ອງມີນ້ຳໃຈໃສສະ ອາດ, ສັດຊື່ບໍລິສຸດ, ມີນ້ຳໃຈ ທີ່ ດີ ຕໍ່ລູກຕໍ່ຜົວ, ຍາດພີ່ນ້ອງ ແລະ ເພື່ອນມິດສະຫາຍ, ນ້ຳກິນ ກັບນ້ຳໃຊ້ນັ້ນກໍບໍ່ໃຫ້ຂາດບໍ່ໃຫ້ ເຂີນ, ສ່ວນວ່ານ້ຳເຕົ້າປູນນັ້ນ, ສະໄໝກ່ອນຜູ້ຍິງລາວເຮົາ ພາກັນຄ້ຽວໝາກໂດຍສະເພາະ ແມ່ນຜູ້ເຖົ້າ, ຜູ້ແກ່ ຫລື ວ່າຜູ້ ຍິງທີ່ມີຄອບຄົວແລ້ວມັກຈະພາ ກັນຄ້ຽວໝາກເປັນປະເພນີ, ຜູ້ ຊາຍກໍຕ້ອງແມ່ນສູບຢາເຫລົ່າ ນີ້ເປັນຕົ້ນສະນັ້ນ ເກືອບວ່າໃນ ທຸກເຮືອນ, ທຸກຄອບຄົວຕ້ອງ ມີຂັນໝາກກອກຢາ, ເວລາໝູ່ ຄູ່ແຂກຄົນມາຢື້ຢາມຖາມຂ່າວ ກໍຕ້ອງໄດ້ມີອັນຕ້ອນຮັບຂັບສູ່ ຖື ເປັນກິດຈະກຳໜຶ່ງທາງຮີດ ຄອງປະນີ ໃນຈີບໝາກ, ກອກ ຢານີ້ ອັນສຳຄັນທີ່ຂາດບໍ່ໄດ້ກໍ ຕ້ອງມີບອກປູນປະສົມກັບນ້ຳ ໃຫ້ໜຽວ.

ຈາກຕຳນານສານກ່າວ ຂອງເຖົ້າແກ່ທີ່ເຄີຍສັ່ງສອນ ລູກເຕົ້າ, ຄົນຮຸ້ນໝຸ່ມໃນສະໄໝ ກ່ອນ ຈຶ່ງມີການຕິດພັນກັບ ສັງຄົມລາວຕະຫລອດມາ ຈົນ ຮອດປັດຈຸບັນ. ໂດຍສະເພາະ ແມ່ນຈຸດພິເສດ ແລະ ເອກະລັກ ຂອງຜູ້ຍິງລາວໃນຂະບວນ ວິວັດຂອງສັງຄົມໄດ້ມີການ ພັດທະນາຂຶ້ນຕາມກະແສ ຄວາມກ້າວໜ້າທີ່ລ້ຳຍຸກໄດ້ມີ ສິ່ງໃໝ່ໆມາທົດແທນ ຈຶ່ງເຮັດ ໃຫ້ບາງຢ່າງໃນ ດ້ານນີ້ໄດ້ ເຫືອດຫາຍໄປຈາກ ສັງຄົມ ຂອງ ຜູ້ຍິງລາວເປັນຕົ້ນ ແມ່ນ ຄ້ຽວໝາກ, ວຽກເຮືອນສາມ ນ້ຳສີ່ບາງອັນກໍພັດທະນາໄປກັບ ສິ່ງທີ່ປ່ຽນແປງໃໝ່.
ແນວໃດກໍຕາມ, ເຖິງວ່າສັງ ຄົມມີການປ່ຽນແປງ ແລະ ພັດ ທະນາໄປຖ້າເຮົາຫາກນຳເອົາ ຕຳລາບູຮານມານຳໃຊ້ຄຽງຄູ່ ກັບອັນໃໝ່ ແລະ ພັດທະນາ ໄປຕາມກະແສຄິດວ່າ ຜູ້ຍິງ ລາວອາດມີສະເໜ່ບໍ່ແມ່ນ ຂອງຢອກ./.