iTunes Store  ກຽມຢຸດຮອງຮັບການໃຊ້ງານໃນ Windows XP, Vista ແລະ Apple TV  ຮຸ່ນທໍາອິດ

Apple ໄດ້ສົ່ງປະກາດໃໝ່ເພີ່ມເຕີມກ່ຽວກັບຊອຟແວ iTunes Store  ຊຶ່ງຈະຢຸດຮອງຮັບໃຊ້ງານໃນ Windows XP, Vista   ຮຸ່ນທໍາອິດແລ້ວ ໂດຍຈະເລີ່ມຈາກວັນທີ 25 ພຶດສະພານີ້ ເນື່ອງຈາກ  Apple ຈະມີການປັບໂຄງສ້າງຄວາມປອດໄພໃໝ່ ຊຶ່ງ Windows ທັງສອງຮຸ່ນບໍ່ຮອງຮັບແລ້ວ  ເນື່ອງຈາກ Microsoft ບໍ່ອັບເດດແພທຄວາມປອດໄພໃຫ້ອີກ.

ທັງນີ້ຜູ້ໃຊ້ງານສາມາດໃຊ້ iTunes ໄດ້ປົກກະຕິ ແຕ່ບໍ່ສາມາດຊື້ຂອງຈາກຮ້ານຄ້າ ຫຼື Store ໄດ້ອີກຕໍ່ໄປ ຊຶ່ງຫຼັງຈາກວັນທີ 25 ພຶດສະພາເປັນຕົ້ນໄປ iTunes Store ຈະຮອງຮັບ Windows 7 ແລະ ໃໝ່ກວ່າເທົ່ານັ້ນ.

Apple TV ຮຸ່ນທີ 1 ເຊັ່ນດຽວກັບ Windows ສອງຮຸ່ນຂ້າງເທິງ Apple TV ຮຸ່ນທໍາອິດຈະບໍ່ຮອງຮັບການຊື້ຂອງຜ່ານ iTunes Store ຕັ້ງແຕ່ວັນທີ 25 ພຶດສະພານີ້ເປັນຕົ້ນໄປ ເນື່ອງຈາກລະບົບຄວາມປອດໄພເຊັ່ນດຽວກັນ ແຖມ Apple TV ຮຸ່ນທໍາອິດຍັງຖືກຈັດເປັນສິນຄ້າຕົກຮຸ່ນໄດ້ແລ້ວ.