ໂຣນັນໂດ ສ້າງປະຫວັດສາດ ເປັນນັກເຕະຄົນທຳອິດຍິງຄົບ 100 ປະຕູ ໃນເກມ ຢູຟາ ແຊ໊ມປຽນລີກ

ຄຣິສຕຽນໂນ ໂຣນັນໂດ ຊຸບເປີສະຕາຂອງ ຣິນ ມາດຣິດ ສ້າງສະຖິຕິອີກແລ້ວ ໂດຍການ ເປັນນັກເຕະຄົນທຳອິດທີ່ສາມາດຍິງໄດ້ຄົບ 100 ປະຕູ ໃນການ ແຂ່ງຂັນ ຢູຟາ ແຊ໊ມປຽນລີກ  ຫຼັງຍິງ 3 ປະຕູ ຊ່ວຍຕົ້ນສັງກັດ ຖະຫຼົ່ມ ບາເຢິນ ມິວນິກ 4-2 ໃນຮອບກ່ອນຮອງຊະນະເລີດ ນັດທີ 2 ໃນວັນອັງຄານຜ່ານມາ.

ໂຣນັນໂດ ເຮັດຜົນງານໄດ້ ຢ່າງດີເດັ່ນໃນເກມນີ້ ເມື່ອຍິງໄປ 3 ປະຕູ ໃນນາທີ 76, 104, 110. ຂະນະທີ່ອີກປະຕູເປັນຂອງ ມາໂກ ອະເຊນຊິໂອ ໃນນາທີ 112. ສ່ວນ ບາເຢິນ ມິວນິກ ໄດ້ 2 ປະຕູຈາກ ໂຣເບິດ ເລວານ ດອຟສະກີ ນາທີ 53 ສ່ວນອີກປະ ຕູໄດ້ຈາກ ເຊຄິໂອ ຣາມອສ ເຮັດ ເຂົ້າປະຕູຕົວເອງ ໃນນາທີ 77 ໂດຍໄຊຊະນະເກມນີ້ເຮັດໃຫ້ ຣິນ ມາດຣິດ ຜ່ານເຂົ້າຮອບຮອງຊະ ນະເລີດ ດ້ວຍປະຕູລວມ 6-3.

ທັ້ງນີ້ອະດີດນັກເຕະ ແມນ ເຊສເຕີ ຢູໄນເຕັດ ແລະ ສະປອດ ຕິງ ລິສບອນ ຫາກໍສ້າງສະຖິຕິ ເປັນນັກເຕະຄົນທຳອິດທີ່ຍິງໄດ້ ຄົບ 100 ປະຕູ ໃນເກມບານເຕະ ຂັນເອີຣົບ ລວມທຸກລາຍການ ຫຼັງ ຍິງ 2 ປະຕູໃນເກມຊະນະ ບາເຢິນ ມິວນິດ 2-1 ໃນເກມຂັນເອີຣົບໃນ ອາທິດຜ່ານມາ.

+ 5 ອັນດັບດາວຍິງສູງສຸດ ຢູຟາ ແຊ໊ມປຽນລີກ (18/04/ 2017).

1. ຄຣິສຕຽນໂນ ໂຣນັນໂດ 100 ປະຕູ.
2. ລິໂອເນລ ເມສຊີ 94 ປະຕູ.
3. ຣາອູລ ກອນຊາເລດ 71 ປະຕູ.
4. ຣຸດ ຟານນິສເຕີຣອຍ 71 ປະຕູ.
5. ຄາຣິມ ເບນເຊມາ 51 ປະຕູ.