ເຢຍລະມັນຢຸດອອກວີຊາໃຫ້ ເຈົ້າໜ້າທີ່ລະດັບສູງຂອງກຳປູເຈຍ
ເຢຍລະມັນຢຸດອອກວີຊາພິເສດສຳລັບການເດີນທາງສ່ວນບຸກຄົນຂອງຄະນະລັດຖະບານກຳປູເຈຍ ລວມທັງນາຍົກລັດຖະມົນຕີ ຮຸນເຊນ ແລະ ຄອບຄົວ, ນາຍທະຫານລະດັບສູງ ແລະ ປະທານສານສູງສຸດ ເພາະກຳປູເຈຍກວາດລ້າງສື່, ເອັນຈີໂອ ແລະ ຝ່າຍຄ້ານ.
Government officials, including PM #HunSen, continue to dispute Post story on #Germany's ending of preferential visa treatment, seemingly mischaracterising article's content #Cambodia https://t.co/8U7TcqQJVe
— The Phnom Penh Post (@phnompenhpost) February 22, 2018
ໂຄສົກກະຊວງຕ່າງປະເທດເຢຍລະມັນ ຖະແຫລງຢືນຢັນວ່າ: ກະຊວງມີມາດຕະການດັ່ງກ່າວແທ້ ແລະ ຂໍໃຫ້ສະມາຊິກອື່ນໆໃນສະຫະພາບເອີຣົບ (EU) ປະກາດໃຊ້ມາດຕະການດຽວກັນ. ສ່ວນໂຄສົກພັກປະຊາຊົນກຳປູເຈຍ (CPP) ຂອງນາຍົກລັດຖະມົນຕີ ຮຸນເຊນ ເປີດເຜີຍວ່າ: ລັດຖະບານຍັງບໍ່ໄດ້ຮັບແຈ້ງເລື່ອງນີ້ ແລະ ບໍ່ຄິດວ່າເປັນເລື່ອງໃຫຍ່ ເພາະຖ້າໄປເຢຍລະມັນບໍ່ໄດ້ກໍບໍ່ຕາຍ.
EU ປະກາດໃນເດືອນທັນວາວ່າ: ໄດ້ຢຸດການໃຫ້ທຶນສະໜັບສະໜູນການເລືອກຕັ້ງທົ່ວໄປກຳປູເຈຍວັນທີ 29 ກໍລະກົດນີ້ ເພາະການເລືອກຕັ້ງທີ່ບໍ່ມີຝ່າຍຄ້ານລົງສະໝັກ ຖືວ່າບໍ່ຍຸຕິທຳ. ໝາຍເຖິງການທີ່ສານສູງສຸດກຳປູເຈຍສັ່ງຍຸບພັກກູ້ຊາດກຳປູເຈຍ (CNRP) ໃນເດືອນພະຈິກຕາມລັດຖະບານຍື່ນຟ້ອງວ່າ: ວາງແຜນໂຄ່ນລົ້ມລັດຖະບານ, ພາຍຫລັງທ່ານ ກິມ ສົກກາ ຫົວໜ້າພັກຖືກຈັບໃນເດືອນກັນຍາວາງແຜນໂຄ່ນລົ້ມລັດຖະບານ ໂດຍໄດ້ຮັບການຊ່ວຍເຫລືອຈາກອາເມລິກາ. ອາເມລິກາປະຕິເສດຂໍ້ກ່າວຫານີ້ ແລະ ໄດ້ຈຳກັດການຂໍວີຊາຂອງເຈົ້າໜ້າທີ່ກຳປູເຈຍບາງຄົນ.
