ປີຜ່ານມາບໍ່ແກ້ວ ມີຄະນະພາສີເກີດຂຶ້ນ 2.157 ເລື່ອງຫລາຍກວ່າໝູ່ ແມ່ນຄະດີລົດບໍ່ຖືກຕ້ອງ

ຕາມການເປີດເຜີຍຂອງ ທ່ານ ຮອງຫົວໜ້າກອງຄຸ້ມຄອງ ພາສີ I ແຂວງ ບໍ່ແກ້ວ-ແຂວງ ຫລວງນ້ຳທາ (ປະຈຳແຂວງ ບໍ່ ແກ້ວ)ໃຫ້ຮູ້ວ່າ: ກອງກວດກາ ພາສີປະຈຳແຂວງ ບໍ່ແກ້ວເປັນ ເສນາທິການໃຫ້ກົມພາສີ ໃນ ການກວດກາສິນຄ້າ, ຕ້ານ ແລະ ສະກັດກັ້ນການຄ້າຂາຍເຖື່ອນ, ຕິດຕາມການເຄື່ອນຍ້າຍສິນ ຄ້າ ເຄື່ອງຂອງພາຍໃນ ເຊິ່ງມີຈຸດ ທີ່ຕັ້ງຫ້ອງການ ຢູ່ບ້ານຂອນ ແກ້ວ ເມືອງຫວຍຊາຍ ແຂວງບໍ່ ແກ້ວ ແລະ ໃນ ປີຜ່ານມາ, ໄດ້ ກວດເຫັນການລະເມີດກົດໝາຍພາສີເກີດຂຶ້ນທັງໝົດ 2.157 ຄະດີ. ໃນນັ້ນ, ສາມາດຈັບກຸມ 143 ຄະດີ, ແກ້ໄຂພາຫະນະບໍ່ ຖືກຕ້ອງ 2.014 ຄະດີ ແລະ ຄ່າປັບໃໝ່ອື່ນໆ, ສາມາດຈັດ ເກັບລາຍຮັບເຂົ້າງົບປະມານ ແຫ່ງລັດໄດ້ທັງໝົດ 20.4 ຕື້ກວ່າກີບ, ຖ້າທຽບໃສ່ແຜນ ການປີ (2,5 ຕື້ກີບ) ເທົ່າກັບ 817% ຂອງແຜນການປີ, ລື່ນແຜນການປີ 717,37%, ສາເຫດທີ່ພາໃຫ້ການຈັດເກັບ ລາຍຮັບເກີນແຜນການຍ້ອນ ໄດ້ຮັບການແກ້ໄຂພະຫະ ນະລົດບໍ່ຖືກຕ້ອງຈຳນວນ 2.000 ກວ່າຄັນສາມາດ ລາຍ ຮັບໄດ້ ທັງໝົດເກືອບ 16 ຕື້ກວ່າກີບ.

+ 2017 ແຂວງບໍ່ແກ້ວເກັບລາຍຮັບເກີນແຜນ 12,66%

+ ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ

ນອກນີ້ກໍ ຍ້ອນໄດ້ຮັບການຊີ້ນຳ ແລະ ຕິດຕາມຢ່າງໃກ້ຊິດຈາກກົມ ພາສີ, ມີການປະສານສົມ ທົບກັບບັນດາຂະແໜງການ ຕ່າງໆ, ເອົາໃຈໃສ່ສຶກສາອົບ ຮົມວຽກງານການ ເມືອງ ແນວຄິດເປັນບັນຫາສໍາ ຄັນ, ມີການກວດກາ, ມີການ ແບ່ງຄວາມຮັບຜິດຊອບໃນ ການເວນຍາມສະກັດກັ້ນ ຕາມຈຸດຕ່າງໆທີ່ມີຄວາມ ສ່ຽງໃນການລັກລອບໜີພາ ສີ, ຈຶ່ງເຮັດໃຫ້ການຈັດເກັບ ລາຍຮັບບັນລຸຕາມແຜນການ ວາງໄວ້ ແລະ ລື່ນຄາດໝາຍ. ຫລາຍ ຄື ດັ່ງກ່າວ./.