ອາຫານ 7 ຢ່າງທີ່ກິນແລ້ວສົດຊື່ນໄດ້ໝົດມື້
April 19, 2017 - 11:13 AM
-
ໝາກແອັບເປິ້ນ : ການເລືອກກິນໝາກແອັບເປິ້ນຢ່າງໜ້ອຍມື້ລະ 1 ໜ່ວຍໃນຍາມພັກຜ່ອນ ແທນການດື່ມກາເຟຈະສາ ມາດກະຕຸ້ນຮ່າງກາຍໃຫ້ສົດຊື່ນ ແລະ ເຕັມໄປດ້ວຍພະລັງ. ນອກຈາກນີ້, ໝາກແອັບເປິ້ນຍັງຊ່ວຍເຮັດໃຫ້ແຂ້ວຂາວ ໃນຂະນະທີ່ກາເຟມີໂອກາດເຮັດໃຫ້ແຂ້ວເຫລືອງ. - ນ້ຳເຜິ້ງ : ມີນ້ຳເຜິ້ງແທ້ໆຈາກທຳມະຊາດໄວ້ໃນເວລາອິດເມື່ອຍ ຖ້າໄດ້ກິນພຽງແຕ່ 1 ບ່ວງຊາ ກໍຈະຊ່ວຍກະຕຸ້ນພະລັງງານຮ່າງກາຍໃຫ້ກັບມາຫ້າວຫັນໄດ້.
- ໝາກກ້ວຍ : ເປັນໝາກໄມ້ທີ່ນັກກິລາມັກມີຕິດໂຕໄວ້ ເພາະວ່າກິນພຽງແຕ່ບໍ່ເທົ່າໃດໜ່ວຍກໍຊ່ວຍສ້າງໃຫ້ຮ່າງກາຍມີພະລັງ ງານເຫລືອເຟືອ. ສ່ວນບ່າວສາວທີ່ກຳລັງຢູ່ໃນໄວຈະເລີນພັນໃຫ້ກິນໝາກກ້ວຍມື້ລະ 2 ໜ່ວຍກໍພຽງພໍ.
- ຊາ : ດື່ມຊາຈັກໜຶ່ງຈອກ ບໍ່ວ່າຈະເປັນຊາຮ້ອນ ຫລື ຊາເຢັນ ກໍຈະຊ່ວຍກະຕຸ້ນໃຫ້ຮ່າງກາຍສົດຊື່ນ, ສິ່ງສຳຄັນໃນຊາຍັງມີສານແອນຕີອັອກຊິແດນຫລາຍ ຄົນຈີນມັກໃຊ້ຊາເປັນເຄື່ອງດື່ມຊ່ວຍປິ່ນປົວຄົນທີ່ກຳລັງເຈັບປ່ວຍ ເພາະຊາຊ່ວຍປ້ອງກັນພະຍາດຫົວໃຈ ແລະ ພະຍາດມະເຮັງໄດ້.
- ນ້ຳປັ່ນ : ນ້ຳປັ່ນທີ່ປະສົມກັນໂດຍໝາກແອັບເປິ້ນ, ໝາກສະຕໍເບີຣີ ຫລື ໝາກບລູເບີຣີ ສາມາດຊ່ວຍໃຫ້ສົດຊື່ນ ແລະ ພ້ອມທີ່ຈະສູ້ກັບວຽກງານໜັກໆໄດ້ໂດຍບໍ່ໜ້າເບື່ອ.
- ຖົ່ວ : ໃຜທີ່ເບື່ອອາຫານລອງຫັນມາກິນຖົ່ວ ຫລື ພືດໃນຕະກູນຖົ່ວທີ່ອຸດົມໄປດ້ວຍໂປຣຕິນ ແລະ ໄຟເບີ ກິນເປັນອາຫານກິນຫລິ້ນຍາມວ່າງກໍໄດ້ ຈະຊ່ວຍເພີ່ມພະລັງງານແທນການກິນອາຫານຄາບຫລັກໄດ້.
- ໝາກກ້ຽງ : ບໍ່ພຽງແຕ່ມີວິຕາມິນເຊ ແລະ ສານຕໍ່ຕ້ານອະນຸມູນອິດສະລະຫລາຍ, ແຕ່ຍັງມີວິຕາມິນເບ 6 ເຊິ່ງຊ່ວຍຜະລິດຮີໂມໂກລບິນທີ່ຈະລຳລຽງອົກຊີແຊນ ໄປສູ່ພາກສ່ວນຕ່າງໆຂອງຮ່າງກາຍ. ນອກຈາກນີ້, ຍັງມີສານໄທອາມິນທີ່ຈະຊ່ວຍປ່ຽນອາຫານໃຫ້ກາຍເປັນພະລັງງານນຳອີກ.
