ອາຣັບບີ ຊາອຸດິດ ຢຸດນຳເຂົ້າ ສັດນ້ຳຈາກ 4 ປະເທດ
ສື່ມຽນມາລາຍງານວ່າ: ອາຣັບບີ ຊາອຸດິດ ໄດ້ຢຸດການນຳເຂົ້າສັດນ້ຳຈາກມຽນມາ, ຫວຽດນາມ, ອິນເດຍ ແລະ ບັງກະລາເທດ.
ເວັບໄຊໜັງສືພິມມຽນມາທາມ ອ້າງສະມາຄົມລ້ຽງສັດນ້ຳອາຣັບບີ ຊາອຸດິດ ແລະ ໜັງສືພິມຫວຽດນາມນິວວ່າ: ສຳນັກງານອາຫານ ແລະ ຢາ ອາຣັບບີ ຊາອຸດິດ ມີຄຳສັ່ງຢຸດນຳເຂົ້າສັດນ້ຳຈາກ 4 ປະເທດເປັນການຊົ່ວຄາວ, ພາຍຫລັງເດືອນຜ່ານມາ ຄະນະຜູ້ແທນຈາກຫລາຍໜ່ວຍງານໄດ້ກວດສອບໂຮງງານສົ່ງອອກສັດນ້ຳຂອງຫວຽດນາມແລ້ວພົບວ່າ: ມີພຽງ 9 ໂຮງງານທີ່ໄດ້ມາດຕະຖານສຸຂະອະນາໄມໂລກຂອງອາຣັບບີ ຊາອຸດິດ. ຄຳສັ່ງດັ່ງກ່າວເຮັດໃຫ້ຜູ້ສົ່ງອອກສັດນ້ຳ ແລະ ໜ່ວຍງານປະມົງຂອງມຽນມາຕັ້ງຄຳຖາມວ່າ: ເຫດໃດມຽນມາຈຶ່ງຖືກສັ່ງຢຸດ ທັງທີ່ເປັນບັນຫາຂອງຫວຽດນາມ. ຮອງປະທານສະຫະພັນປະມົງມຽນມາເປີດເຜີຍວ່າ: ມຽນມາສົ່ງອອກສັດນ້ຳປີລະ 600.000 ໂຕນ ໃນຈຳນວນນີ້ສົ່ງອອກໄປອາຣັບບີ ຊາອຸດິດ ເຖິງໜຶ່ງໃນສາມ.
