6 ໄວຣັສ ສ່ຽງສະໝອງອັກເສບ

           ແພດເຜີຍ 6 ໄວຣັສ ສ່ຽງເຮັດໃຫ້ສະໝອງອັກເສບ ໄດ້ແກ່ : ໄວຣັສເປື່ອຍ, ໄຂ້ເລືອດອອກ, ພະຍາດວໍ້, ພະຍາດໄຂ້ຫັດ, ໄວຣັສສະໝອງອັກເສບເຈອີ, ໝາກເບີດ ຄາງໃຄ່ ເຊິ່ງພະຍາດທີ່ເກີດຈາກການອັກເສບຂອງຊີ້ນສະໝອງ ສາເຫດທີ່ພົບຫລາຍທີ່ສຸດແມ່ນຕິດເຊື້ອໄວຣັສ ເຊິ່ງພົບງ່າຍຫລາຍ.

ແບ່ງໄດ້ 2 ປະເພດ ຄື :

– ຊະນິດທີ 1 : ເຮັດໃຫ້ມີໄຂ້ ເປັນບາດແຜ ຫລື ຕຸ່ມໃສໃນປາກ.

– ຊະນິດທີ 2 : ເກີດບາດແຜເປື່ອຍຢູ່ອະໄວຍະວະເພດ.

ນອກຈາກນີ້, ຍັງມີເຊື້ອໄວຣັສທີ່ເປັນສາເຫດພະຍາດໄຂ້ສະໝອງອັກເສບ ໄດ້ແກ່ : ໄຂ້ເລືອດອອກ, ພະຍາດວໍ້, ໝາກເບີດ, ໄຂ້ຫັດ, ໄວຣັສສະໝອງອັກເສບເຈອີ. ແນວໃດກໍຕາມ, ພະຍາດທີ່ເກີດຈາກພູມຕ້ານທານຜິດປົກກະຕິ ເປັນສາເຫດເຮັດໃຫ້ເກີດພະຍາດນີ້ໄດ້ເຊັ່ນກັນ ແລະ ປະຈຸບັນພົບຫລາຍຂຶ້ນ.

ຄົນປ່ວຍຈະມີໄຂ້, ເຈັບຫົວ ຮ່ວມກັບມີອາການທາງສະໝອງ ແລະ ລະບົບປະສາດ ຄື ສູນເສຍການຮັບຮູ້ເລື່ອງບຸກຄົນ, ເວລາ, ສະຖານທີ່, ມີພຶດຕິກຳທີ່ຜິດປົກກະຕິ ເຊັ່ນ : ກະວົນກະວາຍ, ເຫັນພາບຫລອນ, ອາດອ່ອນແຮງ, ເວົ້າບໍ່ແຈ້ງ ຖ້າອາການຮຸນແຮງ ຫລາຍອາດຈະຊັອກ, ໝົດສະຕິ, ບໍ່ຮູ້ສຶກໂຕ, ປຸກບໍ່ຕື່ນ ແລະ ອາດເສຍຊີວິດໄດ້ ຖ້າບໍ່ໄດ້ຮັບການປິ່ນປົວທັນເວລາອາດເກີດອາການຮຸນແຮງ, ມີອາການແຊກຊ້ອນ ແລະ ມີບັນຫາຕໍ່ເນື່ອງໃນໄລຍະຍາວໄດ້ ເຊັ່ນ : ຊັອກບ້າໝູ, ອາການອ່ອນແຮງ, ພຶດຕິກຳຜິດປົກກະຕິ, ເກີດຄວາມຜິດປົກກະຕິຂອງປັນຍາ ເຊິ່ງມີຜົນກະທົບຄໍ່ຄົນປ່ວຍ, ຄອບຄົວ ແລະ ສັງຄົມ.

ການບົ່ງມະຕິຈະສອບຖາມປະຫວັດຄົນປ່ວຍຮ່ວມກັບກວດຮ່າງກາຍທາງລະບົບປະສາດ ແລະ ສະໝອງຢ່າງລະອຽດ ແລ້ວຈຶ່ງສົ່ງກວດຮູບຖ່າຍລັງສີຂອງສະໝອງ ເຊິ່ງເຮັດໄດ້ 2 ວິທີ ຄື : ກວດຊີທີສະແກນ ແລະ ເຮັດເອັມອາໄອ ຮ່ວມກັບເຈາະນຳ້ໄຂສັນຫລັງ, ກວດຫາການຕິດເຊື້ອ ຫລື ອັກເສບ ເພື່ອບົ່ງມະຕິທີ່ຖືກຕ້ອງນຳໄປສູ່ການປິ່ນປົວທີ່ສະເພາະສຳລັບຄົນປ່ວຍແຕ່ລະຄົນຕໍ່ໄປ.