ສາລະວັນຈະເປີດປີທ່ອງທ່ຽວຕິດພັນກັບບຸນຫໍໄຕປີດົກໃນຕົ້ນເດືອນເມສາທີ່ຈະເຖິງນີ້
ທ່ານ ສົມໃຈ ອຸ່ນຈິດ ຫົວ ໜ້າພະແນກຖະແຫລງຂ່າວ, ວັດ ທະນະທຳ ແລະ ທ່ອງທ່ຽວ ແຂວງ ສາລະວັນໃຫ້ຮູ້ວ່າ: ແຂວງສາລະວັນຈະເປີດປີ ທ່ອງທ່ຽວຕິດພັນກັບບຸນຫໍ ໄຕປີດົກວັດສີມຸງຄຸນໃນຕົ້ນ ເດືອນເມສາທີ່ຈະເຖິງນີ້ ແລະ ຈະມີການວາງສະແດງຂາຍ ຜະລິດຕະພັນສິນຄ້າ ຫລາຍ ກວ່າ 100 ຮ້ານ, ວາງສະແດງ ສິນຄ້າ ODOP ທັງພາຍໃນ ແລະ ຕ່າງປະເທດເຊັ່ນ: ສິນ ຄ້າຈາກຈັງຫວັດອຸບົນ (ປະ ເທດໄທ), ແຂວງກວາງຈິ ສສ ຫວຽດນາມ, ແຂວງຊຽງແຕງ (ປະເທດກຳປູເຈຍ) ແລະ ຜະລິດຕະພັນທ່ອງທ່ຽວ ຕ່າງໆ ນອກນັ້ນ ຍັງມີພິທີທາງ ສາສະໜາ ແລະ ບຸນປະເພນີ ເຊັ່ນ: ມີຂະບວນແຫ່ພະໄຕຣ ປີ ດົກ, ແຫ່ຂັນໝາກເບັງ, ປະ ສາດເຜິ້ງ, ຕົ້ນເງິນ-ຕົ້ນຄຳ ແລະ ງານສົມໂພດພະໄຕປີ ດົກ, ສົມໂພດຫໍໄຕ ແລະ ອື່ນໆ ຕາມຮີດຄອງປະເພນີ.
ນອກຈາກນີ້ຍັງຈະມີ ການປະກວດ ແລະ ສະແດງ ສິນລະປະຕ່າງໆເຊັ່ນ: ປະກວດນາງສາວອາພອນ ເພດສາລະວັນ, ປະກວດນັກ ຮ້ອງສຽງດີ-ໝໍລຳສຽງ ມ່ວນ ແລະ ການສະແດງອື່ນໆ ອີກຫລາຍ ລາຍການດ້ວຍ ຄວາມມ່ວນຊື່ນ./.
+ ບຸນກອງເຂົ້າໃຫຍ່ແຂວງໄຊຍະບູລີສ້າງຄວາມປະທັບໃຈ ໃຫ້ຜູ້ມາທ່ຽວຊົມເປັນຈຳນວນຫລາຍ
+ ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ
