ສົງການປີນີ້ນະຄອນຫລວງວຽງຈັນບໍ່ແຫ່ນາງສັງຂານ

ນັບວ່າເປັນກະແສສັງຄົມໃຫ້ຄວາມສົນໃຈຫລາຍສົມຄວນ, ສຳລັບສົງການປີນີ້ພາຍຫລັງ ເຫັນນາງສັງຂານ ຢູ່ນະຄອນ ຫລວງວຽງຈັນ (ຊຶ່ງເປັນຕົວ ແທນລູກສາວ 7 ຄົນຂອງທ້າວ ກະບີນລະພົມ) ຖືຂັນໝາກ ເບັງ ຍ່າງໃນຂະບວນມວນຊົນ, ຊຶ່ງບໍ່ໄດ້ນັ່ງ ເທິງຫລັງສັດຄືຜ່ານມາ.

ຕາມພຸດທະປະຫວັດລະບຸວ່າ: ນາມມະຫາສົງການນາງ ເທບທິດາທີ 6 ຊົງພະນາມວ່າ: ກິມິທາເທວີ, ຊົງພາຫູລັດທັດ ດອກຈັງກອນ (ບົວແບ້), ອາພອນປະດັບໄປດ້ວຍແກ້ວບຸດສະລາຄຳ (ແກ້ວສີເຫລືອງ), ສະ ເຫວີຍກ້ວຍນ້ຳເປັນພັດຕາຫານ, ພະຫັດຂວາຊົງພະຂັນ (ດາບ), ພະຫັດຊ້າຍຊົງພິນ, ສະເດັດນັ່ງມາເທິງຫລັງມະຫິງສາ (ຄວາຍ)ເປັນພາຫະນະ. ແຕ່ສະເພາະຢູ່ນະຄອນຫລວງວຽງຈັນ ປີນີ້ແມ່ນຕ່າງຈາກປີຜ່ານ ມາຄືຈັດໃຫ້ມີການແຫ່ພະພຸດ ທະຮູບແທນການແຫ່ນາງສັງຂານ, ຈາກປະກົດການດັ່ງກ່າວ ຈຶ່ງເຮັດໃຫ້ສັງຄົມກໍຄືມວນຊົນເກີດຂໍ້ຂ້ອງໃຈຫລາຍສົມຄວນ.

ຕາມການສອບຖາມພາກ ສ່ວນກ່ຽວຂ້ອງໃຫ້ຮູ້ວ່າ: ການ ຈັດຕັ້ງໃນຮູບການດັ່ງກ່າວ ແມ່ນປະຕິບັດ ຕາມປະເພນີດັ້ງ ເດີມຢູ່ນະຄອນຫລວງວຽງຈັນ, ເນື່ອງຈາກວ່າໃນເມື່ອກ່ອນ ການສະຫລອງສົງການຢູ່ນະ ຄອນຫລວງວຽງຈັນມີແຕ່ແຫ່ ພະພຸດທະຮູບສັກສິດມິ່ງບ້ານມິ່ງເມືອງ ແລະ ປີນີ້ໄດ້ເລືອກເອົາ ພະພຸດທະຮູບປາງ ສະມາທິຊະ ນະມານສອງອົງຢູ່ວັດອິນແປງມາແຫ່, ໂດຍເລີ່ມແຕ່ວັດອິນ ແປງມາຫາສວນນໍ້າຜຸແລ້ວ ລ້ຽວອອກໃສ່ເສັ້ນທາງຟ້າງຸ່ມ ແຄມຂອງແລ້ວກັບຄືນວັດອິນ ແປງ. ສໍາລັບການແຫ່ນາງສັງ ຂານອາດຈະບໍ່ມີອີກແລ້ວຢູ່ນະ ຄອນຫລວງວຽງຈັນ, ເພາະວ່າ ການແຫ່ນາງສັງຂານແມ່ນມີ ແຕ່ຢູ່ເມືອງຫລວງພະບາງ ເທົ່ານັ້ນ.