ຂ່າວລື Samsung Galaxy S9 ຈະມີຟີເຈີຄືກັບ Animoji ຂອງ iPhone X
Samsung ກັບ Apple ນັ້ນມີປະຫວັດການຕໍ່ສູ້ກັນມາຢ່າງຍາວນານ ມີການແຂ່ງຂັນດ້ານຟີເຈີ ຊຶ່ງໃນ Galaxy S9 ກໍບໍ່ມີຂໍ້ຍົກເວັ້ນ ETNews ແຫຼ່ງຂ່າວໃນເກົາຫຼີໃຕ້ ໄດ້ອອກມາຢືນຢັນວ່າ S9 ຈະມີລູກຫຼິ້ນໃຫມ່ທີ່ມີຊື່ວ່າ 3D emoji ໂດຍຄວາມສາມາດຂອງມັນຈະຄືກັບ Animoji ໃນ iPhone X.
Galaxy S9 ມີລາຍງານວ່າໄດ້ປັບປຸງລະບົບກວດຈັັບໃບໜ້າດີຍິ່ງຂຶ້ນ ເຖິງວ່າຈະບໍ່ມີລາຍລະອຽດໃນຂະນະນີ້ວ່າດີຂຶ້ນເທົ່າໃດ ແຕ່ຄາດວ່າກໍຫຼາຍພໍທີ່ຈະສ້າງໃບໜ້າ 3 ມິຕິຂຶ້ນມາໄດ້ ເຮັດໃຫ້ສາມາດໃຊ້ງານ 3D emoji ໄດ້ນັ້ນເອງ ແລະ ຄາດວ່າລະບົບກວດຈັບໃບໜ້າແບບໃຫມ່ນີ້ ຈະຖືກໃຊ້ໃນ Samsung Pay ດ້ວຍ ຄືກັບ iPhone X ໃຊ້ໃບໜ້າໃນການຢືນຢັນຕົວຕົນ ເພື່ອຈ່າຍເງິນຜ່ານ Apple Pay ໄດ້.
ສໍາລັບທີ່ລືກັນໃນຂະນະນີ້ຂອງ Samsung Galaxy S9 ວ່າກັນວ່າຈະມີກ້ອງຫຼັງແບບຄູ່ (ຄ່າຮູຮັບແສງ f/1.5), ລໍາໂພງແບບສເຕີຣິໂອ, ມີປຸ່ມ Bixby, ກັນນໍ້າ IP68 ແລະ ໃຊ້ຊີພີຢູ Snapdragon 845 ໃນການທໍາງານ.
ສໍາລັບຄົນທີ່ລໍຄອຍ Samsung Galaxy S9 ຢູ່ກໍອົດໃຈອີກບໍ່ດົນ ທາງ Samsung ຈະເປີດຕົວໃນວັນທີ 25 ກຸມພານີ້ ໃນງານ MWC 2018.
